Imali Leyengetekile
Imali yase ndlini kami iphuma kumali yepenisheli yami, imali yemntfwana munye – yekumunakekela kanye netindzawo letimbili tekunakekela. Evikini lekucala lwenyanga ngitsenga lilayisi,Weet-Bix, imphuphu, shukela kanye nalokuningi lokudzinga bantfwana kwesikolwa; ngeliviki lesibili kusuke sekute imali lesele.
Sihamba siboleka R200 noma lephuma kumngani kepha ke noma loko sekuhambile, lokuboleka kuphindze kucale futsi. Kubese kutsi besesiyabhadala nakufika lemali yephenishini. Liningi lebantfwabami bahlale eTranskei ngemuva kwekukhula kwabo.
Umntfwanami loyedvwa longumnfana losaphila, Sakhumzi, longuthishela, ulekelela bodzadzewakhe ngemali ngoba abazange bawutfole umsebenti eTranskei noma eKapa. Ngiphindze ngitfumele incenye yemali yami yephenishini. Batukulu bami bemantfombatana Sesethu, ngumunye wetitukulwane letihlala nami eKapa, uneminyaka lemashumi lamabili nakunye futsi ufundzela edolobheni lase Pentech. Kungijalbulisa kakhulu loko.
Waba nemsebenti wekuhlola bantfu ngelubalo lwahulumende kulomnyaka lophelile wase futsi uyabhadalwa, bengingayifuni leyomali layihola ngoba bekayidzingela tifundvo takhe. Angati kutsi ufundzela ini, kahle kahle. Angikuvisisi kahle. Lengikwatiko kutsi wenta loko lafuna kukwentwa. Futsi loko kukahle.
Emapulani ase Eastern Cape
Angifuni kuhlala eKaoa. Ngifuna kubuyela ekhaya eEastern Cape ngoba yindzawo yemvelaphi yami, lapho khona babe wami ahlala khona. kepha lendlu yaguca layakha babe wami, lengakhulela kiyo, iyawa. Angeke sikhone kuhlala kiyo. Sihlala eceleni, etihlobeni tetfu, sibe sisayilungisa.
Nomanani, indvodzakati yami lendzala, lohlala khona, usenta kahle lesiyilo futsi sicabanga kufaka emafasitelo lamakhulu kanye nemnyango lomusha, ngoba umnyango wetfu wephukile. Futsi siplana kwakha indlu sibili yetitina kuvusa lelibhilidi lemathayela lelisecele kwalendlu yaguca. Indvodzana yami Sakhumzi, lolonguthishela, watsi utoyakha. Sowutitsengile letitina futsi tikhona lejalidini. Sisamele kubona kutsi utokhona kwenta lesakhiwo.
Ngekwenta njalo sitobese siba nendzawo lenkhulu yemndeni wonkhe kutsi uhlale nabetile ngesikhatsi semaholidi. Nomanani ufuna mine ngibuyele ngiyohlala eEastern Cape, ngoba ngekwenta njalo ngitokhona kunakekela emadvodzana akhe lamabili naye angakhona kufuna umsebenti eQueenstown (Endlovukazi), lekungasiko khashane. Kepha lalabanye batukulu bami base Kapa futsi angeke babuyele emuva eEastern Cape imphilo yabo yonkhe.
Uyabati bantfu labancane kutsi banjani. Bafuna kuba semadolobheni, ngoba ngulapho imisebenti ikhona khona, futsi ngulapho bachazeka khona.
Translated by Phindile Malotana