U Phdalala ha Tshelede
Tshelede ya nḓuni yanga ibva kha yanga ya mundende, na mundende wa ṅwana muthihi na mindende mivhili ya u lovhelwa. Vhege ya u thoma ya musi nwedzi wo fhela ndi renga, Weet-Bix, mugayo, swigiri na zwithu zwoṱhe zwine vhana vha do zwi ṱoḓa musi vha tshi ya tshikoloni; nga vhege ya vhuvhili hu vha husina tshelede.
Ri aya ra koloda R200 kha mungana, ngauralo nga uralo i tshi fhela ra dovha ra koloda. Ra badela murahu ndi tshihola. Vhunzhi ha vhananga vha dzula Transkei musi vha tshi hula.
Ṅwananga wa muṱhannga muthihi ane a khou tshila, Sakhumzi, ane avha mudededzi, u thusa khaladzi dzawe nga masheleni ngauri avha khou wana mushumoTranskei kana Cape Town. Na nṋe ndi avha rumela kha yanga tshelede. Muḓuhulu wanga Sesethu, munwe wa vhane vha khou dzula Cape Town, una minwaha ya 21 u khou dzhena tshikolo Pentech doroboni.
Zwi a ntakadza. Ovha atshi khou shuma ṅwaha wo fhelaho kha muvhuso atshi khou ita zwa mbalavhathu a hola fhedzi nṋe athi ngo ṱoḓa tshelede yawe ngauri ndo vha ndi tshi khou shavha uri na ene uya i ṱoḓa kha zwithu zwa tshikolo. A thi divhi uri u khou gudela mini. Ngauri athi zwi pfesesi. Ndi ḓivha uri u khou ita zwine azwi funa zwi a ntakadza.
Ndugiselo dza Eastern Cape
A thi ṱoḓi u dzula Cape Town. Ndi khou ṱoḓa u dzula Eastern Cape ngauri ndi hune nda bva hone, he khotsi anga vha vha vha tshi dzula hone. Fhedzi rannḓavhula dze khotsi anga vha vha vho dzi fhaṱa, he nṋe nda hulela hone dzi khou wa. Ri nga si kone u dzula hone, ri dzula kha vhahura hune ha vha na mashaka musi ri tshi khou lugisa.
Nomanani, ṅwananga wa musidzana muhulwane, ane adzula hone o ita fhasi ha vhuḓi, ri khou ṱoḓa u vhea mafasitere mahulwane na muṋango ngauri muṋango wo vunḓea. Ri khou ṱoḓa na u fhaṱa nnḓu ya vhuḓi ya zwidina ri bvise yo fhaṱiwaho nga mazennge tsini na ya rannḓavhula. Ṅwananga Sakhumzi, mudededzi, uri u ḓo i fhaṱa.
Ono renga na zwidina zwi hanengei. Ri khou tou lindel uri ri vhone uri uḓo i fhaṱa lini. Uri ri kone uvha fhethu huhulwane hune ra ḓo fhelela hone sa muṱa woṱhe na musi ho daliwa nga dzi holidei. Nomanani u khou ṱoḓa uya u dzula Eastern Cape, uri ndi kone u ṱhogomela vhana vhawe vha vhatukana ene u ḓo kona u ṱoḓa mushumo Queenstown, hune ha sa vhe kule.
Fhedzi vhanwe vhaḓuhulu vhanga vha Cape Town na uri vha nga sie Eastern Cape lwa tshoṱhe. Ni a zwidivha uri vhathu vhaṱuku vha hani. Vha ṱoḓa u dzula dzi ḓoroboni, ngauri huna mishumo, na u ḓiphina vha ya ḓiphina vha hone.
Translated by Khalirendwe Nekhavhambe