Mali leyi tirhisiwaka
Mali leyi ndyangu wa hina wu hanyaka hi wona yihuma eka phexeni, ya nhlayiso wa vana na timbirhi ta ti foster care grants. Eka vhiki rosungula ra nhweti ndzi xava rhayisi, Weet-Bix, mielie meal, chukele na hinkwaswo leswi vana vaswilavaka swa xikolo; eka vhiki ra vumbirhi mali yi herile.
Hiya hiya lomba R200 kumbe kutlula eka vanghana naswona loko yi hela ku lomba swisungula nakambe. Naswona hi fanele kuyi hakela loko phexeni yi vuya. Vana va mina votala ava tshama e Transkei endzhaku kaloko va kurile. N’wana un’we loyi anga sala wa jaha, Sakhumzi, loyi anga mudyondzisi, u pfuna sesi wa yena hi mali hikuva anga se kuma ntirho e Transkei kumbe e Cape Town. Namina ndzi va rhumela nyana kusuka eka phexeni ya mina.
Ntukulu wa mina wa nhwenyani Sesethu, un’wani wa vatukulu lava ndzi tshamaka navona e Cape Town, una 21 wa malembe naswona u dyondza e Pentech e dorobeni. Ndzi tsaka ngopfu hi leswi. Avitaniwile eka xikambelo xa ntirho wa mfumo wa ka census lembe leri hundzeke naswona u hakeriwile, kambe andzi nga lavi mali yayena leyi anga yi hola hikuva andzi tiva leswaku wayi lava kun’wi pfuna eka swatidyondzo ta yena.
Andzi tivi leswaku u dyondzela yini. Andzi switwisisi. Leswi ndzi tivaka swona hileswaku u endla leswi alavaka swona nakoa swikahle sweswo.
Makungu ya Eastern Cape
Andzi lavi ku tshama e Cape Town. Ndzi lava kutlhelela ekaya e Eastern Cape hikuva hilaha ndzi nga tswariwa kona, laha tata wa mina atshama kona. Kambe rhandzavula leyi tatana anga ndzi akela, leyi ndzi nga kulela eka yona se yi hlakarile. Hingaka hinga tshami eka yona.
Hi tshama eka vamakhelwani, endlwini ya maxaka loko hirikarhi hiyi pfuxa. Nomanani, n’wana wa mina lonkulu wa nhwenyana, loyi a tshamaka kona, wayi lulamisa nakuva kunghenisiwa mafasitere na nyangwa wuntshwa hikuva lowa khale wutshovekile.
Hina makungu yaku aka yindlu ya switina hi susa leyinga endliwa hi mazingi e kusuhi na rhandavula. N’wananga Sakhumzi, wa mudyondzisi, ute utayi aka. Se uxave na switina swikona kwala jarateni. Hiyimele kusunguriwa ku aka yindlu. Kutani hitava na ndzhawu yo ringanela kutshama eka yona hiri ndyangu loko hi vhaka kuya wisa.
Nomanani u lava leswaku ndzi tlhela ndziya tshama e Eastern Cape, hikuva loko ndziri kona ndzi nga kota ku hlayisa vana va yena vambirhi va majaha naswona yena angaya lava ntirho e Queenstown, laha kungariki kule nale kaya. Kambe vatukulu vamina lavan’wana vale Cape Town naswona vange tlheleli e Eastern Cape kuya tshama vutomi hinkwabyo.
Wa vativa vantshwa vanjhani. Valava kuva e dorobeni, hikuva hilaha mintirho yinga kona naswona hilaha vatsakaka kona.