Kaya ra Vuhlangi
Hi teke rendzo roya e Eastern Cape kuya kuma Felicia Mfamana, kuya vona ndzhawu leyi vakokwani votala va GAPA (Grandmothers Against Poverty and Aids) vanga kulela kona. Aku kunguhatiwe leswaku hita hlangana na Felicia e handle ka bangi ya ABSA kusuhi na laha kungheniwaka hikona e Cofimvaba.
Loko hi fika, hivone xivumbeko xintsongo lexi lolokeke e handle ka bangi. Empfhukeni, aswilanguteka kuri xivumbeko lexintsongo lexi ringanelaka kuva wun’wana wa vakokwani. Kambe wansati loyi a ambale bereta yofana na leyi hinga tolovela Felicia ayi mbarile, himpela akuri yena.
'Oh, Ndzi tsakile kuva mifikile,' kuvula yena, hin’wayitelo, kutani ahi tivisa eka makhelwani wa yena loko hiri karhi hin’wi hundza. Hi chayerile movha lowu awu lombiwile lowu a hi famba hi wona, eka patu ra magoji goji rale ndzhawini leyi a tshamaka eka yona. Leyi i ndzhawu yale makaya swinene leyi unga tsandzekaka kuyi fikela loko kuri hava mathekisi kumbe loko kuri na mpfula. Kusuka e kaya ra yena, Felicia minkova leyinga e tikweni raka vona.
Yindlu yakwe yile henhla ka ntshava, laha kunga na rihlaza ra kahle swinene. Empfhukeni nyana kuna nhova laha nwana wa yena wa nhwenyani Nomanani a kuvaka kona tihunyi vhiki na vhiki, laha a rhwalaka tshwinga hi nhloko kasi endzhaku ka nhova leyi kuna tintshava. Kwala mugangeni lowu kutele tiyindlu ta tirhandavula, letinga pendiwa hi mihlovo yohambana hambana kusuka eka turquoise, pink na xitshopani, mihlovo leyinga toloveleka emakaya yale Eastern Cape.
Kuva na kumiyela handle ka tinyenyani leti twalaka emabyasini, moya lowu hungaka, nkarhi wun’wana kuxeweta ka vahundzi vandlela. Ndzhawu yisasekile swinene, kufana navaka Mfamanas, navan’wana votala swinene e Eastern Cape, vana vusweti swinene.
Ku Hlawula Exikarhi ka Makaya
Felicia una ndyangu e Cape Town, xikan’we na lowunga laha e mugangeni lowu, ku pfuneta kuwu kurisa. U tsandzeka ku hlawula exikarhi ka leyi yimbirhi. Ndzhawu ya Khayelitsha leyi a tshamaka eka yona yina vusweti swinene, xitarata xa yena xitele hi tiyindlu naswona vugevenga,ku vula yena. Mbilu yakwe yile makaya, kambe vana vale Cape Town navona van’wi lava.
Endzhaku ka nkarhi, hin’wi teke kuya vona sesi wa yena eka muganga wale kusuhi. Loko movha wa hina wutsandzeka ku hundzela e mahlweni eka patu leringa celeka swinene, hi n’wi chichile. 'Swilunghile, ahi kule loko hiri kwala,' Avula, xikandza xayena xi chuchekile swinene.
Hin’wilanguta loko a famba a gonya xintshabyani, a tlhela a khandziya xin’wana, hiku hatlisa naku tiyimisela, hindlela leyifanaka, ati khome hindlela leyi hinga n’wi tolovela hiyona. Ari na ndlela yoleha kuyi famba kambe loko xivumbeko xayena xiya xiva xintsongo empfhukeni, ahaha kota kota kuswivona leswaku hi yena, hikwalaho ka bereta yayena ya purple.
Translated by Khalirendwe Nekhavhambe