Imali Elulekileko
Imali yakwami ngiyithola ngokurhola umndende, isondlo sabentwana sinye,nesondlo sabentwana abazintandani ababili. Ngeveke yokuthoma yenyanga, ngithenga ireyisi, ama-weet-bix, ipuphu, iswigiri nakho koke abantwana abakutlhogako kwesikolo; ngeveke yesibili imali sele iphelile, sengithoma ukuboleka godu, bese ngibhadela nakufika omrholo omunye godu.
Abantwabami abanengi bahlala eTranskei lokha nabakhulako.Indodana yami yinye esaphilako uSakhumzi osele angutitjhere, urhelebha abodadwabo ngokwemali ngombanaa abatholi umsebenzi eTranskei nanyana eKapa. Nami ngiyabathumela imali enye yami yomndende.
Isizukulwani sami uSesethu, ongomunye wesiukulwani sami esihlala nami eKapa, oneminyaka eyi-21 begodu ufunda e-Pentech ngedorobheni.
Ngiyakuthabela lokho.Wathola umberego kuma-census karhulumende onyaka ophelileko begodu bambhadela, kodwana khange ngifune bona anginikele nopeni nwemali ayirholako ngombana bekufanele abhadele ngayo iimfundo zakhe. Anginasiqiniseko bona ufundelani. Into engiyaziko kukobana wenza into afuna ukuyenza, begodu kuhle lokho.
Amano we-Eastern Cape
Angifuni ukuhlala eKapa. Ngifuna ukubuyele e- Eastern Cape ngombana yindawo yalapha ngibuya khona,lapha ubaba waye hlala khona. Kodwana i-rondavel ubaba ayakhako, lapha engakhulela khona sele iwa. Ngeze sarhona ukuhlala kiyo, njeke sihlala kwamakhelwani emzini wesnini sethu lokha nayisalungiswa.
Indodakazami edala u Nomanani, ohlala khona usafaka ifluri yamambala begodu sinamano wokobana sifake ivesidiri elikhulu, nomyango omutjha ngombana umnyangwethu uphukile. Sinamano wokwakha indlu yamambala yentina ukujamiselela le, eyakhiwe ngamasenke eseduze kwendlinotjani. Indodanami uSakhumzi ongutitjhere, uthe uzoyakha. Sele athenge iintina begodu zisejaradeni. Sele silinde ukubona bon uzokuthoma nin I ukwakha.
Bese sizokuba nendawo eyaneleko yokobana umndeni woke urhone ukuhlala nasiya khona ngamaholide. uNomanani ufuna bona ngibuyele ekhaya e Eastern Cape, khona ngizokutlhogomela abesana bakhe ababili azokurhonba ukuyokufuna umsebenzi e-Queenstown, nekuyindawo ekude.
Kodwana iinzukulwani zami ezinye zise Kapa begodu ngeze zabuyele e- Eastern Cape safuthi. Uyabazi abantu abatjha banjani, bafuna ukuba sedorobheni, ngombana kulapha kunemisebenzi khona, begodu kulapha bazithabisa khona.
Translated by Busisiwe Skhosana