Kulinywa kwe Beetroot

Kukhokha Lokuncane

Kukhokha lokuncane kusuka etinhlavini.

Indlela Yekulima

Hlanyela tindumbu tebeetroot kulendzawo lapho kumele uhlanyele khona leshona ngemashumi lamabili ema mm. tindumbu tihlanyelwa ngemilayini lengemashumi lamabili emasentimitha ngekushiyana kantsi ekucaleni ngemasentimitha lamabili ngekushiyanaa kutsi ke nasekwakhekile kubese kuyakhokhwa ngekunciphisa bese letititjalo tingasetjentiswa kugcwalisa tikhala letivulekile.
Tindumbu tingaphindze tilinywe tibe titjalo letincane ematreyini kutsi nasetakhekile phindze tikhulile tingangelishumi lemasentimitha tingabese tiyakhokhwa. Loku akuvami kubayintfo letsatfwa balimi bentsengo labakhulu njengentfo lenhle yekukhicita ledzinga titjalo letitinkhulungwane letimakhulu lasihlanu ngelihekitha linye futsi lenandlela iyadula.

Kuvulwa Kwesikhala

Titjalo kumele tivulwe sikhala lesimasentimitha lasihlanu kuya kulalishumi kushiyane ngelinani lelifunwa yi beet. Ahlanyelwa ngemalayini langemashumi lamabili emasentimitha ngekuvuleka kwesikhala. Ngetindlella letishiyelwe emasondvo kanye netisebenti ungasala netinkhulungwane letimakhulu lasitfuphaa kuya kutinkhulungwane letimakhulu lasiphohlongo etitjalo ngelihekitha linye. Phindze loku kwehluka kusuka kumkhiciti kuya kulomunye kushiyane ngekutsi lenhlanyelo isetjentiselwa ini.

Sikhatsi Sekuhlanyela

iBeetroot ingalinywa umnyaka wonkhe etimeni tekushisa letisemkhatsini. Kepha imiphumela lemihle yaletinhlanyelo eNingizimu Afrika ilinywa kusuka ngenyanga yeNgci kuya kuye Ngongoni.

Sikhatsi Sekukhula

©Louise Brodie

Tingayanga letimbili (emaviki Lasiphohlongo) kwentela ema beets lamancane esikali lesimashumi lamane kuya kumashumi lasihlanu bese tinyanga letintsatfu (emaviki lalishumi nakubili) kwem beets lamakhulu esikali lesimashumi lasitfupha kuya kumashumi lasikhombisa. Uma ashiywe sikhatsi lesidze emhlabatsini angacala kucina bese lelizinga lawo lekutsengiswa amasha liyaphela/liyanyamalala.

Kuvundzisa

Ngaphambi kwekulima futsi nangesikhatsi sekulungisa lemibhedze yekulimela kiyo lemicuba kanye nendzawo yamanyolo wetinkhukhu ingasetjentwa ibengetulu kwemhlabatsi longema mm lamakhulu lamabili.
Ngemuva kwekulima, tintfo letifile letakheke etintfweni letiphilako tingafakwa ngetulu kwendzawo lelinyiwe. Ngesikhatsi letitjalo setitakhile cishe emaviki lamatsatfu ngemuva kwekufka iLAN lengemakhulu lamane emakg ngendlela yekushesha noma intfo lengemanti yekuvundzisa. Emaviki lamatsatfu ngemuvka kwekufaka sigaba sinye se Nitrogen njengendlela yekucala yekufaka kwentela kwakha iPotassium Nitrate.

Kunisela

©Marinda Louw

Nisela kancane ngemuva kwekulima kwentela kuciniseka kutsi lendzawo yemhlabatsi ifutfumele kahle. Ungake ucale unisele kakhulu njengoba loku kutolimata lolokuhlumako. Ema mm langabamashumi lamabili nesihlanu ngesikhatsi semalanga lalishumi ekucala lekumele kushone.
Ngesikhatsi letitjalo setivelile emkhatsini wemashumi lamatsatfu nesihlanu kanye nemashumi lasihlanu ema mm ngeliviki linye kutoba kulingana kwekunisela. Lolokufakiwe lokusetulu kanjalo nemashumi lasihlanu ema mm ngeliviki linye kuyadzingeka umangabe lesimo sekushisa kanye nemoya kuphakeme.

Translated by Phindile Malotana