iBeetroot

Ligama lesayensi: yi Beta vulgaris
Ligama lelatiwako: yi Beetroot noma Beet

Inchazelo yekuyihlanyela

iBeetroot sitjalo se biennial. Ngesikhatsi semnyaka wekucala lelapho ivame kuvunwa ikhokha emacembe lamise kwenhlitiyo kulihlanga lelifisha lelingaba lishumi kuya eshumini nesihlanu lemasentimitha bese letimphandze leticumbile/letivuvukile tibitwa nge beet lefutsi nato tingalinywa. Ngesikhatsi sesibili sekukhulisa, uma ishiywe emhlabatsini itowenta timbale bese ikhokha tinhlavu/tindumbu.

Kusetjentiswa

Lamacembe alebeetroot angaphekwa bese enta nesipinachi lesimnandzi kantsi futsi avutsiwe nga vitamin A. Le beet ivutsiwe ngavitamin C futsi inelicembulemavitamin. Angaphekwa bese ayadliwa afutfumele noma abandza njengesaladi. Futsi anejusi.

Tidzingo Temhlabatsi kanye Nemalungiselelo

Umhlabatsi lonematje lamancane netintfo letinye letibolile nelibumba lelincane nguwona ulungile. Imihlabatsi kumele ishone ngendlela-lemunyeke kahle. Umhlabatsi welibumba losindzako ukahle unganakwa. Imihlabatsi lele aside lene pH lengangaphansi kwesitfupha aykalungi. Umhlabatsi loncono we pH usemkhatsini wa 6.2 na 6.8
Ema beets atsandza umhlabatsi lonetintfo letakheka etintfweni letiphilako letiphakeme. Imihlabatsi kumele ilinywe, ihlotjiswe bese iyalinganiswa ngaphambi kulinywe.
Kulesisikhatsi umcuba namanyolo kungalinywa ngekhatsi bese nemhlabatsi ungahlanganiswa ube ngemakhulu lamatsatfu ema mm kuyaphansi. Lendzawo ledzinga kulinywa ingaphakanyiswa kumbe ngesandla noma ngemshina. Lolophakanyisiwe kumele ubeyinkhulungwane nemakhulu lamabili ema mm bubanti bese ubasemkhatsini wemakhulu lamabili ne makhulu lamabili nemashumi lasihlanu ema mm ngekuphakama. Lomhlabatsi lophakamako kumele ulinganiswe kwentela kwakha lombhedze lekumele kulinywe kuwo.

Simo selitulu

iBeetroot sitjalo sesimo selitulu lesipholile lesiphindze sente kahle kutindlela tekushisa letingu 14°C kuya ku 20°C. kukhula kanye nekutfutfuka kwema beets kubukwe kundlela yekushisa lengaphansi kwa 5°C nangetulu kwa 26°C. Tingaphila sitfwatfwa lesisemkkhatsini kepha loku kubulala lamacembe alesitjalo manje ngaloko lokuyingoti/lokucinile kuyakhula kanye nekukhula kwe beet ngaphansi kwemhlaba.

Indzawo lekuhlanyelwa kuyo

iEarly Wonder, iOsprey, iCrimson Globe, iDetroit Dark Red, iMerlin, iGlobe Dark Red, ne Star 1105.

Translated by Phindile Malotana