Leina la Tlwaelô: Beetroot kgotsa Bete
Tlhalosô ya Sejalo
Beetroot ke sejalo se se golang mo dingwageng di le pedi. Mo ngwageng wa ntlha o gantsi e kotulwang ka ona, e tlhagisa matlhare a sebopego sa pelo mo thitông ya bokhutshwane jwa 10 goya go 15cm, le medi e e rurugileng e e bitswang bete e eleng lobaka-logolo lo e lo jalelwang. Mo ngwageng wa bobedi wa kgolô, fa e ka tlogelwa mo mmung e tlile go thunya le go tlhagisa peo.Ditiriso
Matlhare a beetroot a ka apewa le go dira morogo o o tatso mo boêmông jwa sepinatšhe, mme a humile ka vitamin A. Bete e humile ka vitamin C le di-antioxidant. Di ka apewa le go jewa di le bothitho kgotsa di tsidifetse jaaka salate. Gape di dirwa matute.Ditlhokegô le Paakanyô ya Mmu
Mebu ya serokwa e e motlhaba e a gaisa. Mebu e tshwanetse go nna boteng ka go nna le kelometsi e e siameng. Mebu e e bokete ya mmopa e tshwanetse go ka tilwa. Mebu e e esiti e e nang le pH e e kwa tlase ga 6 ga e a siama. pH ya mmu e e eletsegang ke magareng ga 6.2 le 6.8.Dibete di rata mebu e e nang le monontsha o montsi. Mebu e tshwanetse go lengwa, go phepafatswa le go lekalekantshwa pele ga jalô. Mo nakong eo, motshotelo le mosutele di ka lemelelwa mme mmu o tshwanetse go ka tlhakatlhakanngwa kwa boteng jwa 300mm. Karolo e go tlilweng go jalelwa mo go yona e ka dirwa mebotwana ka seatla kgotsa ka metšhine. Mebotwana e tshwanetse go nna bophara jwa 1200mm le boleele jo bo magareng ga 200 le 250mm. Mebotwana e tshwanetse go nna phaphathi fa godimo go dira mealô e e tlhatlhogileng e go tlilweng go jalelwa mo go yona.