Leina la tša mahlale: Beta vulgaris
Leina la go tlwaelega: Dipete goba peteswikiri
Tlhalošo ya Sebjalo
Dipete ke dibjalo tša ngwagapedi. Ka ngwaga wa mathomo yoo gantši di bunwa, di tšweletša matlakala a sebopego sa pelo mo kutung ya sentimetara ya go lekana 10 go 15 le medu ya go swaba ye bitšwago peteswikiri tšeo di bjalwago. Ka ngwaga wa bobedi wa kgolo, ge a ka tlogelwa mmung e tla tšweletša letšoba le peu.Šomišo
Matlakala a dipete a ka apewa go dita sepeneše sa tatso ye botse e bile a na le bithamini A ya godimo. Peteswikiri e na le bithamini C ya godimo le antioxidants. Di ka apeilwego gomme di a lewa bjalo ka diboko tše borutho goba tša go tonya bjalo ka salate. E bile di na le todi.Dinyakwa tša Mmu le go Apea
Mabu wa sehlaba o lokile. Botebo bja mmu bo swanetše go se be le meetsi a mantši. Mabu wa letsopa o a ilwa. Mabu wa esiti ya fase ga pH 6 ga se ya loka. Mmu wa PH ya maleba ke ye lego magareng ga 6.2 le 6.8. Dipeteswikiri di rata mmu wa dibodi. Mmu o swanetše go lengwa, go hlwekišwa le go lekanetšwa pele ga pšalo. Ka nako ye e dibodi le mmutele di ka bjala gomme mmu o swanetše go kopanywa go teba ba go lekana 300 mm.Lefelo leo le swanetšego go bjalwa le ka šomwa ka seatla goba semotšhene. Lekopo le swanetše go ba 1200 mm ka bophara e swanetše le magareng a go lekana 200 le 250 mm go ya godimo. Lekopo le swanetše go ba folete mo godimo go bopa mepete ya go ema ya go bjala.
Boso
Dipete ke merogo ya go rata klaemete ye fodilego, gomme e dira gabotse go themperetšha ya 14°C go 20°C. Kgolo le Tlhabollo ya Dipeteswikiri di a nokologa go dithemperetšha tša ka fase ga 5°C le ka godimo ga 26°C. Di ka kgona go kgotlelela tšhwane ye nnyane eupša se se senya matlakala gomme se se thibela kgolo le tlhabollo ya peteswikiri ka tlase ga mmu.Dikhalthiba
Early Wonder, Osprey, Crimson Globe, Detroit Dark Red, Merlin, Globe Dark Red, and Star 1105.Translated by Lebogang Sewela