Pšalo ya Dipete

Phatlalatšo

Phatlalatšo e tšwa go peu.

Mokgwa wa go Bjala

Bjala dipeu tša dipete peu mo lefelong la go bjala la ka fase ga 20 mm. Dipeu di bjalwa ka direi tše di lego 20 cm ka go bulega, ge di se no hlomiwa di segwa ka bo sese gomme dibjalo tše di ka šomišwa go tlatša dikgoba. Dipeu le tšona di ka bjalwa go direi tša dibjalwana tše nnyane gomme ge di dibjalwana tše nnyane di hlomilwe le go godišwa tše di lekanago disentimerata tše 10 di ka bjalwa. Mokgwa wo ga o tšewe ke ba dikgwebo tše kgolo bjalo ka ge tšweletšo e nyaka dibjalo tše ka bago tše 500 000 godimo ga hektare gomme tshepedišo ye e a tura.

Katologanyo

Dibjalo di swanetše go hwetša sekgoba sa go lekana 5 10 cm ka go bulega go ya ka bogolo bja peteswikiri ye hlokegago. Di bjalwa ka direi tša 20 cm ka go bulega. Ka ditsela tše di šiilwego go sepela le go phethagatša mošomo, o swanetše go šala 600 000 800 000 godimo ga hektare. Gape, se a fapana mo ba motšweletšing ba go fapana go ya ka tirišo ya dibjalo e swanetšego.

Nako ya go Bjala

Dipete di ka bjalwa ngwaga kamoka mo themperetšheng e bonolo. Eupša dibjalo tše di dirago kaone mo Afrika Borwa di bjalwago go tloga ka Agostose go ya Desemere.

Nako ya Kgolo

©Louise Brodie

Dikgwedi tše pedi (dibeke tše seswai) dipeteswikiri tše nnyane tša 40 -50 mm le dikgwedi tše tharo (dibeke tše lesomepedi) dipete tše kgolo tša 70 -11 mm. Ge di ka tlogelwa nako ye telele ka fase di ka thoma go thatafala gomme khwalithi ya dithekišo tša ka meetseng e a fela.

Nontšho

Pele ga pšalo le ka nako ya pšalo, peakanyo ya mepete ya dibjalo tša manyoro le kabo ya manyoro a dikgogo di ka lemelwa godimo ga 200 mm ya mmu. Morago ga pšalo, khupetšo ya dibodi e ka dirišwa godimo ga lefelo la go bjala. Ge dibjalo di tšwelela ka morago ga dibeke tše tharo, morago ga gašo ya tšhoganetšo ya dikilogramo tše 400 tša LAN goba seela le monontšha wa go swana. Dibeke tše tharo ka morago ga gašo ya mathomo, gaša naetrotšene ya go lekana bjalo ka kgato ya mathomo ya gašo ka mokgwa wa potasiamo nitrate.

Nošetšo

©Marinda Louw

Nošetša gannyane ka morago ga pšalo go kgonthiša gore mmu o thapile ka tshwanelo. O se ke wa nošetša go fetiša ka ge se se tla senya go mela. 25 mm mo matšatšing a lesome a mathomo a lekane. Ge dibjalo di thoma go tšwelela, magareng ga 35 le 50 mm ka beke a tla lekana go nošetšo. Gašo ya godimo ya go swana le ge 50 mm ka beke e a nyakega ge dithemperetšha le maemo a moyafalo a le godimo.

Translated by Lebogang Sewela