Ku byala Beetroot
Ku Byala
Ku byala swiendliwa hi mbewu.
Mabyalelo
Byala mbewu ya beetroot eka ndzhawu yo byalela kona kuringana 20 mm hiku enta. Mbewu yi byariwa eka mintila leyinga 20 cm hiku hambana naswona ekusunguleni yiva 2 cm hiku hambana kutani loko se switshamisekile swinga engeteleriwa kupfala lomu kunga pfuleka. Mbewu yinga byariwa eka ti trays kutani loko mbewu yimirile yikule kufika eka 10 cm yinga simuriwa kuya byariwa laha kufaneleke ku byariwa swimilani. Leswi aswi tali ku endliwa hi varimi vale mapurasini hikuva vana swimilani swotala kufika eka 500 000 wa swimilani hi hectare naswona swingava durhela swinene kuswifikelela.
Xipesi
Swimilani swifanele kuvekiwa eka xipesi xa 5 kuya eka 10 cm hiku hambana kuya hi sayizi leyi tsakeriwaka yati beet. Tibyariwa eka mintila leyinga kwalomu ka 20 cm hiku hambana. Kuva na mintila leyi siyiweke leswaku kuta kota ku hundza mavhilwa xikanwe na vatirhi leswivulaka leswaku kutava na swimilani sworingana 600 000 kuya eka 800 000 wa swimilani hi hectare. Naswona leswi swihambana kuya hi murimi na murimi naleswaku swibyariwa leswi ulava kuswitirhisa yini.
Nkarhi wo Byala Mbewu
Beetroot yinga byariwa lembe hinkwaro eka maxelo yale xikarhi. Kambe mbuyelo wakahle wa swimilani laha Afrika Dzonga hiloko swibyariwe kusukela hi August kuya eka December.
Nkarhi wo Kula
Tinhweti timbirhi (8 wa mavhiki) eka ti beets letintsongo ta kwalomu ka 40 kuya eka 50 mm hi xirhendzevutani na tinhweti ti 3 (12 wa mavhiki) eka letikulu ta 60 kuya eka 70 mm hi xirhendzevutani. Loko titshikiwe nkarhi woleha emisaveni tisungula kutiyela naswona khwalithi yakuva ti xavisiwa tahari furexe xa hela.
Ku Nonisa Misava
Loko kungase byariwa na hinkarhi wo lulamisela laha kungata byariwa kona, manyoro na matoto ya tihuku swifanele kurimeriwa ehansi ka misava kuringana 200 mm. Endzhaku ka kubyala, kufanele kutsemeleriwa nhova yindlaleriwa eka ndzhawu leyi kunga byariwa eka yona. Loko swimilani se swimirile kwalomu ka mavhiki ya nharhu, chela 400 kg ya LAN kumbe manyoro ya mati lawa ringanaka. Endzhaku ka yanwana mavhiki yanharhu, chela nhlayo leyi fanaka ya Nitrogen hi xivumbeko xa Potassium Nitrate.
Ku Cheleta
IUnga cheleti ngopfu endzhaku ko byala kutiyisisa leswaku misava yitshama yi tsakama. Unga cheleti ku tlula mpimo tani hileswi swingavaka na xiave eka ku mila ka mbewu. Kwalomu ka 25 mm eka masiku ya 10 yosungula switava swiringanerile. Loko swimilani swisungula ku tlhava kwalomu ka 35 na 50 mm hi vhiki kutava mpimo wakahle wa ncheleto. Ku cheletiwa ka lehenhla ko fika eka 50 mm hi vhiki swalaveka loko mahiselo nakuhaha ka mati swiri e henhla.
Translated by
Ike Ngobeni
