Ibizo elijayelekileko: yibhedrudi nanyana-Beet
Ukuqhazwa Kwesitjalo
Ibhedrudi sitjalo esitjalwa qobe ngemva kweminyaka emibili. Ngonyaka wokuthoma nokukulapha ivunwa khona ikhiqiza amakari akhekhe njengehliziyo esiqwini esifitjahni esimasenthimitha ayi-10 ukuya kwayi-15, bese kuthi imirabhu evuvukileko ebizwa bona yi-beet ivamise ukutjalwa ngayo. Ngonyaka wesibili wokuyitjala, nayiliswa ehlabathini iyabloma bese ikhipha imbewu.Ukusetjenziswa Kwaso
Amakari webhedrudi ingaphekwa enza umrorho omnandi begodu azele ngevithamini A. Ibhedrudi izele ivithamini C kanye nama- antioxidants. Ingaphekwa idliwe itjhisa nanyana imakhaza njengesaladi. Inganziwa nejuzi.Iimfuneko Zehlabathi kanye Nokulungiselwa Kwawo
Iba yihle lokha itjalwe ehlabathini eyisanda. Ihlabathi kufanele itjhingele. Akukafaneli bona itjalwe ehlabathini elidaka. Ihlabathi ene asidi ene-pH engaphasi kwaka-6 ayikafaneli bona kungatjalwa kiyo ibhedrudi. Ihlabathi ekulungele bona kungatjalwa kiyo nge-pH ehlangana kwe-6.2 kanye ne-6.8.Ibhedrudi ithanda ihlabathi enamagciwani. Ihlabathi kufanele ipetwe, ikulunyagwe begodunilevelwe ngaphambi kokobana kutjalwe kiyo.Ngesikhatheso kungapetwelwa kiyo ikhompowusti kanye nomanyoro kufakwe kufakwe kutjhingele emamilimitheni ayi-300 ukuya phasi.Indawo ekuzokutjalwa kiyo leyo ingakantjelwa ngesandla nanyana ngomtjhini. Amaridges kufanele abesipara phezulu okwenzela bona abumbe imibhede ephezulu eluzokutjalelwa kiyo.
Ubujamo Bezulu
Ibhedrudi umrorho othanda indawo epholileko begodu iba yihle khulu lokha itjalwe lapha kunamazinga womtjhiso ahlangana kwama-degree ayi-14°C kuya ku-20°C. Ukukhula nokuthuthuka kwayo kuyonakala lokha amazinga womtjhiso angaphasi kwama-temperatures ayi-5°C nangaphezulu kwe-26°C. Ayinamraro lokha kunombethe omncani kodwana umbethe wona amakarayo wenze bona ingasakhula kuhle ngaphasi kwehlabathi.Ama-Cultivars
Early Wonder, Osprey, Crimson Globe, Detroit Dark Red, Merlin, Globe Dark Red, kanye ne-Star 1105.Translated by Busisiwe Skhosana