Kukhokha Kakhulu Lokuncane
Kukhokha kakhulu lokuncane kusuka etinhlavini kepha isage ingaphindze ikhokhe ngekuhlanyelwa kwalokujutjiwe noma ngekubekela. Kuhlanyelwa kwetinhlavu kutsatsa sikhatsi lesidze nalesitjalo singagcina singabi ngulesikahle. Kukahle kuhlanyela tinhlavu ematreyini endlinileluhlata kwentela kutsi titjalo letincane letifanako tingahlanyelwa ngaphandle.
Kuhlanyela nekukhokha lokujutjiwe kwesage kutsatsa emasentimitha lamashumi lamabili kusuka ekuhlumeni lokusha lokuncane bese uhlubula lamacembe laphansi kulolokujutjiwe, bese ubeka emantini ngentfo lencane lephansi lecondzisiwe. Utsi nasewunelinani lolitfolile lalokujutjiwe, lungisa lesitjalo sibesemukhatsini.
Loku kuvame kubayinhlanganisela yesihlabatsi kanye nalokuhlanganisiwe lokusebhodweni ku 500 ml wesikhwama sesitjalo. Jombitisa lolokumanti esitjalweni lesihlanganisiwe bese uhlanyela kulesitjalo lesisemkhatsini. Emaviki lambalwa muva kubakhona timphandze nangesikhatsi letitjalo letincane tesage letihluma kahle tiphindze tilinywe ngaphandle.
Tindlela Tekuhlanyela
Kuhlanyelwa kwe Sage ngebalimi bentsengo ngalokukhulu kwenteka kanye ngekuhlanyela titjalo letincane lesekuvele sekukhokhiwe endlini leluhlata. Letinhlavu te sage tihlanyelwa ematreyini etitjalo letincane tibe Siphohlongo kuya Eshumini ngema milimitha ngekushona.
Ngesikhatsi letinhlavu setiphumile netitjalo letincane leticinile setihlumile loku kuhlanyelwa ngaphandle emasimini. Ngesikhatsi letigadla seticaliwe kukulungisela lokukahle kucala kwenta titjalo kuleto letijutjiwe kwentela kuhlanyela ekhatsi, ngesikhatsi titjalo tilahlekile phindze kwakhe tikhala emilayinini yetitjalo.
Tikhala
Titjalo te sage tivame kuhluma ngendlela lemise kwebhola lengaba ngu 650 mm ngekuphakama kanye nebundingilizi ba 500 mm na 600 mm. Ngesikhatsi uhlanyela, letitjalo letincane kumele tibekwe tibe ngemasentimitha lamashumi lamatsatfu ngekushiyana emilayinini lengema sentimitha lamashumi lasihlanu noma emashumi lasitfupha emasentimitha ngekushiyana.
Loku kuma lokungaba ngu 50 000 kuya ku 60 000 ngetitjalo kuhekitha linye. Ngekwetsembela etincoleni kanye netindlela tekuvuna, kufakela kanye netindlela tetigulumba tiyashiywa kwentela kulungiselela kunakekela nekuvuna.
Sikhatsi Sekuhlanyela
Hlanyela tinhlavu kumatreyi etinhlavu endzaweni levikelekile noma etindlini letiluhlata ngesikhatsi senyanga yeNhlaba eNingizimu Afrika, nangesikhatsi sekungenela kwentfwasahlobo letitjalo kumele ticine ngalokwenele kutsi kuhlanyelwe ngaphandle emasimini.
Sikhatsi Sekuhlanyele
Sikhatsi lesikahle sekuhlanyela kusekungeneni kwentfwasahlobo. eNingizimu Afrika lekusekupheleni kwenyanga yeNgci kuya kuye Nyoni ekucaleni. Umangabe ekungeneni kwelikwindla nasekufutfumele ngalokwenele, kuhlanyela kungenteka lapho, nangabe nje letitjalo tingahlala ngekhatsi phindze tihlumiswe ticine ngaphambi kwekucala kwekubandza kwasebusika.
Sikhatsi Sekuhluma
Emaviki lasitfupha kuya kulalishumi kulendluleluhlata kumele kuphume titjalo letincane leticinile ngalokwenile lesetilungele kuhlanyelwa ngaphandle. Labanye bakhiciti bacala kuvuna kusuka ekungeneni kwetinyanga letinye kusuka ekuhlanyelweni ngaphandle kwetitjalo letincane. Kunakekela kumele kwenteke hhayi kwentela kuvuna lokungetulu emnyakeni wekucala ngoba loku kungabanga tinkinga lesitjalo se sage.
Kuvuna lokugcwele kutocala ehlobo lwemnyaka wesibili. Titjalo tesage tingavunwa kuya eminyakeni lesitfupha noma ngetulu umangabe tinakekeleka kahle. Kusuka emnyakeni wesibili, letitjalo tiyancutfwa tibe ngemasentimitha lalishumi ngetulu kwemhlaba ekungeneni kwentfwasahlobo.
Manyolo
Ngaphambi kucale kuhlanyela, umhlabatsi longumfanekiso kumele utsatfwe umikiswe kuyohlolwa. Loku kutochaza inhlobo yemhlaba kanye netidzingo temanutrients kuze lesitjalo se sage sikhule.
Letintfo letilandzelako letinconywako tingasetjentiswa njengeluhlelo lelinani. Intfo lengaba ngu 300 kg ngelihekitha linye ngekufakwa kwe 2:3:4 (31) kungasakatwa phindze kufakwe ngetulu kwemhlaba longemashumi lamabili emasentimitha emhlabatsi ngaphambi kwekutsi kuhlanyelwe letitjalo letincane tesage. Loku kutonika letitjalo letincane letinsha kucala lokuhle ekutisunguleni tona.
Ngesikhatsi sekuala setinyanga letilishumi nakubili, kubalulekile kugcina letitjalo tikhula kwentela kufaka lokuyakhashane kwa 300 kg kwa 2:3:4 931) kungafakwa ngasemilayinini etitjalo, ngenyanga yeNgongoni noma yaBhimbidvwane ngemuva kwekuvuna. Kuyecwayiswa kutsi kufakwe manyolo ngemuva kwekuvuna konkhe. Kubalulekile kakhulu kutsi kungafakwa kakhulu manyolo nenitrogen njengoba loko kunciphisa lelitfuba leliphunga kanye ne oyili kulamacembe.
Kunisela
Nomanje lesitjalo sesage sitsatfwa ngekutsi sicinile futsi nesitjalo-semanti akukho kahle kukhatsata lesitjalo ngekunisela ngendlela yangaphansi kanye kwekusebenta ngekuhluma kwesitjalo noma ngekunisela ngetindlela tangetulu, lokungabanga tifo tetimphandze. Yebo, nomakunjalo, kukahle kufaka bumantsana nekufutfumala kwekukala tintfo tekuchubeka nekugadza lolokutfwele sihlabatsi semantic.
Ngekushiyana ngenhlobo yemhlabatsi nesimo selitulu, sisindvo sekunisela singahluka kusuka ensimini nensimi. Linani lelihle lisemkhatsini wemashumi lamabili nemashumi lamatsatfu ema mm ngeliviki ngesikhatsi setinyanga letifutfumele telihlobo nekuncipha ngesikhatsi setinyanga letipholile noma telitulu emnyakeni.
Njengemacembe lamanye eoyili, yetama kutsi unganiseli liviki lonkhe ngaphambi kwekuvuna. Kukahle kunisela ngekushesha ngemuva kwekuvuna kwentela kubuyisa emuva umhlaba kutsi utfwale kufutfumala nebumantana. Kubalulekile kuvumela kudvonseka kwemhlaba kahle ngetindlela tetimphandze kanye nelingetulu, ngetulu longemasentimitha lasihlanu, kutsi kome ngaphambi kwekunisela.
Translated by Phindile Malotana