Itjalwa Njani
Itjalwa ngembewu kodwana i-sage ingatjalwa ngokobana ikhathwe kwenye. Lokha nayitjalwa ngembewu ithatha isikhathi ukumila begodu iintjalo zakhona zigcina zingalingani. Kuhle nayitjalwe emathreyini wembewu ku-greenhouse ukwenzela bona amaplantjisi wayo alingane.
Ukutjala nokukhiqiza i-sage ngokuyikhatha kwenze kutlhogeka kobana ikhathwe eempenideni zefretjhi eyi-20 cm kususwe amakari wangaphasi, kubekwe isiqu sayo emanzini. Nasele uthole isilinganiso sale ekutlhogeka kobana uyikhathe, lungisa istjalo. Lokhu kuvamise kobana kube yihlanganisela yensanda ehlanganiseleni yesikhwama sokutjala esiyi-500 ml. Faka iimpende ezimanzi ehlanganiseleni yama-hormone wesitjalo. Ngemva kwemveke ezimbalwa kuzokumila imirabhu kuthi lokha amaplantjisi we-sage nasele akhule kuhle atjalwe.
Iindlela Zokutjala
Abatjala i-sage bayitjalela ukwenza inzuzo bavamise ukuyitjala ngembewu ekhiqizwe kuma-greenhouse. Imbewu ye-sage itjalwa ngamatreyi waplantjisi atjhingela nge-8 ukuya ku-10 yamamilimitha. Ngemva kokobana imbewu sele imilile sele kumile namaplantjisi aqinileko atjalwa emasimini. Ngemva kokobana amablogo amilile kumncopho omuhle ukuthoma ukwenza iintjalo ngokuzikhatha kwezinye ozozitjala, lokha iintjalo nazilahlekileko wenze amagebhu emareyini wentjalo.
Iinkhundla
Iintjalo ze-Sage zivamise ukutjalwa zibe inga yibholo zibe nobukhulu obuyi-650 mm ukuya phezulu kanye nobubanzi obuyi-500 mm kanye ne-600 mm. Lokha nawutjalako, amaplantjisi kufanele enzelwe iinkhundla ezihlangana kwe-30 cm emareyini ayi-50 cm nanyana ahlukaniswe nge-60 cm. Lesi sitandi esiyi-50 000 ukuya ku-60 000 qobe li-hectare. Ukuya ngokobana ikoloyakho ingangani kanye nendlela zokuvuna tjhiya iinkhundla zemitjhini yokusebenza kanye namatregere wokutlhogomela isimu.
Iskhathi Sokutjala
Tjala imbewu ematreyini wembewu endaweni evikelekileko nanyana ku-greenhouse ngoMgwengweni eSewula Africa, ekuthomeni kwetwasahlobo amaplantjisi we-sage kufanele sele aqine ngokwaneleko kokobana ungawatjala emasimini.
Iskhathi Sokutjala
Iskhathi esihle sokutjala i-sage kusekuthomeni kwetwasahlobo. ESewula Africa lokho kwenziwa lada ngoMrhayili ukuya ekuthomeni kwakaSeputemba. Nange kufuthumele ekuthomeni kwesiruthwana, ungatjala ngeskhatheso, kwaphela nange iintjalo zingakhula ziqine ngaphambi kokobana kungene ubusika.
Iskhathi Sokukhula
Iimveke ezisithandathu ukuya kwezilisumi ku-greenhouse zizokwanela kobana zikhiqize i-sage eqine ngokwaneleko esele ilungele ukutjalwa. Abanye abakhiqizi bathoma ukuvuna msinya ngenyanga ezine batjale imbewu. Tjheja ungayivuni khulu emnyakeni wokuthoma ngebanga lokobana lokhu kungabanga kobana i-sage igandeleleke ngokomkhumbulo. Ukuvuna okuzeleko kuzokuthoma ehlobo lonyaka wesibili. Iintjalo ze-sage zingavunwa lokho. Iintjalo ze-sage zingavunwa ukufikela iminyaka esithandathu nanyana edlula leyo nange zitlhogonyelwa kuhle. Ukusukela emnyakeni wesibili, iintjalo zayo zingakhathwa zifike ku-10 cm ngaphezu kwehlabathi ekuthomeni kwetwasahlobo.
Ukuyivundisa
Ngaphambi kokobana uthome ukutjala, thatha isampula yehlabathi oyokutjala kiyo uyithumele iyokuhlolwa. Lokhu kuzokutjengisa umhlobo wehlabathi kanye nezakhimzimba ezitlhogwa yihlabathini lapha uzokutjala khona i-sage.
Kuphakanyiswa kobana kusetjenziswe iprogramu elandelako nakutjalwa i-sage. Kufakwe i-300 kg ehekutheni ye-2:3:4 (31) ihlanganiswe nehlabathi engaphezulu ngaphambi kokobana utjale amaplantjisi we-sage. Lokhu kuzokupha amaplantjisi amatjha isithomo sihle. Eenyangezi eziyi-12 zokuthoma, kuqakathekile kobana iintjalo ziragele phambili nokukhula njeke faka i-2:3:4 (31) emareyini wentjalo, ngoNobayeni nanyana ngoTjhirhweni ngemva kokuvuna. Kumbono omuhle ukuvundisa i-sage ngemva kokutjala. Kuqakathekile kobana ungavundisi khulu ngemva kokuvuna kuqakathekile kobana ungavundisi khulu nge-nitrogen ngebanga lokobana lokhu kunciphisa iphunga kanye namafutha wamakari.
Ukuthelelela
Nanyana iintjalo ze-sage kuqatjangwa kobana zintjalo eziqinileko begodu kuzintjalo ezingathandi amanzi akusikuhle ukuziigandelela ngokomkhumbulo ngokungazitheleli khulu ngebanga lokobana lokho kuzokwenza bona iintjalwezi zingakhuli kuhle begodu ukuzithelelela khulu kubanga bona imirabhu yazo ibole.
Njeke kuhle ukufaka umtjhini ohlola ubuswe ukuze uragele phambili uhlole ihlabathi kobana inobuswe obungangani.
Okuya ngokobana mhlobo bani wehlabathi kanye nobujamo bezulu, umthamo wokuthelelela uyahluka isimu nesimu. Amanzi athelelela kuhle ngahlangana kwe-20 kanye ne-30 mm ngeveke lokha nakutjhisako bese ayaphungulwa lokha nakupholileko. Njengamanye amakhambi anamafutha, linga kobana ungatheleleli iveke ngaphambi kokoba uvune. Kuhle ukuthelelela khonokho ngemva kokuvuna ukubuyisela ubuswe ehlabathini. Kuqakathekile kobana linde ihlabathi kobana iphele amanzi ngokobana ihlabathi eyi-5 cm ngaphezulu yome kuhle ngaphambi kobana uthelelele.
Translated by Busisiwe Prudance Skhosana