Isivuno - Amatani qobe i-hectare Enyakeni
Esitlhoginyelweko
Esifretjhi: 6 yamatani
Esomileko: 1 yamatani
Amafutha: 50 ukuya ku-60 yamalitha
Esilingeneko
Esifretjhi: 8 yamatani
Esomileko: 3 yamatani
Amafutha: 80 ukuya ku-100 litres
Esilingeneko
Esifretjhi: 12 yamatani+
Esomileko: 4 yamatani+
Amafutha: 150 yamalitha+
Ukuvuna
Ukuvuna kwe-sage lapha kutjalwe khona ngomgcopho wokwenza inzuzo kwenziwa ngemitjhini lapha kukhathwa khona iimpede zamagatja. Lapha ingatjalwa khona ngobunengi nakuma-greenhouse ikhathwa ngezandla kusetjenziswa isikero. Ukuvuna kwempete ezifretjhi kungathoma msinya ngemva kwemveke eziyi-12 ngemva kokobana kutjalwe amaplantjisi. Ukuvuna kufanele kwenziwe ngaphambi kokobana istjalo sithuthumbe ngebanga lokobana lesi sikhathi lapha amafutha aqakathekile afikenyelela elevelini eliphezulu.
Umkhiqizo ofretjhi: Thoma ukuvuna amakari msinya ekuseni lokha amazinga womtjhiso asapholileko kodwana umbethe sele womile emakarini. Susa iimpete nge-20 cm lapha zikhula khona.
Umkhiqizo owomileko: Nawufuna ukukhiqiza i-sage eyomileko, ungathoma ukuyikhatha msinya nakuthoma ukuba namakari amanengi ongawavuna. Amakari amanengi atrinywa ngaphambi kokobana athuthumbe. Amakari la asuswa eengodweni onyiswe ku-40°C kusetjenziswa i-air drier.
Ukukhiqizwa kwamafutha aqakathekileko: Amafutha amahle aqakathekile abuya nakutjengwa amakari we-sage ngokusetjenziswa iindlela yokuwadosa ngestimu.
Ukuyibeka
Umkhiqizo ofretjhi: Ngemva kokuvuna beka i-sage efretjhi ku-1 ukuya -2°C. I-Sage ingabekwa iimveke ezimbili. Lapha ibekwe kufanele kube hlangana kwe-95%. I-Sage ithoma ukuloba umnambitheko wayo wamafutha ngemva kokobana ivunwe njeke kuhle ukuyithengisa usebenzise i-sage efretjhi esandu kukhathwa msinya.
Umkhiqizo owomileko: Amakari omileko apakwa emumathini ezingangenwa mumoya msinya ukwenzela bona zingalobi umbala wazo kanye nokunambitheka kwawo. Wabeke lapha kuyi-10°C kude nelanga. I-Sage eyomileko ingabekwa esimumathini esingangenwa mumoya esiqandisini.
Amafutha aqakathekileko: Beka amafutha aqakathekileko we-sage asebhodlelweni endaweni enzima epholileko iskhathi esingaba mnyaka ukuya eenyangeni eziyi-18 ngemva kokobana uwafake ebhodleleni. Ngemva kwalokho athoma ukuloba umnukwawo.
Ukuvikelwa Kwentjalo
Ikhula limraro begodu kutlhogakala bona litjhejwe begodu lisuswe ngesandla, ngomtjhini nanyana ngesibulali sekhula unyaka woke. Iindlela ehle yokuqeda ikhula kukobana ufake i-mulch ngeplayistiki nanyana nge-ground cover. Ukutjala iintjalo ezinegi kurhelebha ihlabathi ekujamiseni ukumila kwekhula. Ungafaki amathayisi azombeleze iintjalo ngombana lokhu kugcugcuzela ukumila kwekhula njeke ungakwenzi.
I-Sage, njengamakhambi amanengi akhiqiza amafutha anephunga eliqinileko, ayinanunwana ezinengi kanye namalwelwe kodwana kuhle ukulandela iindlela zokuvikela iintjalo ozinikezwe yi-extension officer kanye ne-agronomist. Amabubulo wangekhenu athengisa amakhemikhali aneprogramu elungileko nanyana ilwazi lokobana ngibaphi abaluleki abakhamba phambili abahlala eduze kwendawo lapha ukhiqizela khona. Ezinye iinunwana ezijwayelekileko kanye nenunwana zilitwe ngaphasi.
Iinunwana
Aphids, Crown gall, Scale, Spider mite, Thrips kanye ne-White fly zinunwana ezijwayelekileko.
Amalwelwe
Bacterial rot, Leaf spot, Powdery mildew, Root rots kanye ne-Rust.
Translated by Busisiwe Prudance Skhosana