Kukhokha Emathani Ngelihekitha Ngemnyaka
Letinombolo ngaphansi tisuka emnyakeni wesibili wemkhicito ngesikhatsi lesitjalo sesikhule ngalokuphelele. Lomnyaka wekucala wekukhula kumele ukhokhe emkhatsini wa 40 na 60% waleti tinombolo.
Kungatsandzi ingucuko
Lokusha - Emathani Lasitfupha
Lokomile - Lithani Linye
Oyili - Emalitha lamashumi lasihlanu kuya kumashumi lasitfupha
Silinganiso
Lokusha - Emathani lasiphohlongo
Lokomile - Emathani lamatsatfu
Oyili - Emalitha lamashumi lasihlanu kuya kumashumi lasitfupha
Lokuhle
Lokusha - Emathani lalishumi nakubili kuya etulu
Lokomile - Emathani lamane kuya etulu
Oyili - Emalitha lalikhulu nemashumi lasihlanu kuya etulu
Kuvuna
Kuvunwa kwemsebento we sage lenkhulu kwentiwa ngemishina lehamba emasentimitha lamashumi lamabili etintfo letincane temagala. Emkhicitweni lomncane wetintfo kanye nasetindlini letiluhlata kwenteka ngesandla kusetjentiswe umukhwa lokhaliphile noma imikhwa lemincane.
Kuvunwa kwe tintfo letinsha letincane kungacala ngekushesha lokungaba ngemaviki lalishumi nakubili ngemuva kwekuhlanyela titjalo letincane noma kucala kwekujutjwa. Kuvuna kumele kwenteke ngaphambi lesitjalo sibe yimbali njengoba loku kungesikhatsi letigaba te oyili lebalulekile setifike esigabeni lesiphakeme.
Umkhicito Lomusha
Cala kuvuna lamacembe ngekungena kwentsatsakusa ngesikhatsi simo sekushisa sisepholile kepha ematolo emacembeni sekomile. Juba ususe letintfo leticijile letihlume ngetulu letimasentimitha lamashumi lamabili emasentimitha.
Umkhicito Lowomile
Ngemkhicito we sage leyomile, kujuba kungacala ngekushesha njengoba kukhona emacembe lenele kutsi avunwe. Liningi laletibhidvo letikhulako tiyacutfwa ngaphambi kuvele noma kuhlume timbali. Lamacembe ayahlukaniswa kumahlanga bese ayomiswa abe ngu 40 °C kusebentise umoya lophocelelwe lowomile.
Oyili Lobalulekile
Oyili lobalulekile lokahle uchamuka ngekushisisa lamacembe esitjalo se sage ngekusebentisa indlela yekushisisa ngemoya wekushisa.
Kugcina
Fresh production – Umkhicito lomusha: Ngemuva kwekuvuna gcina isage lensha ku 1 kuya ku 2 °C. Le sage ingagcinwa cishe emaviki lamabili. Lokufutfumala nekubamantana lapho kugcinwa khona kumele kuhlale kungetulu kwa 95%. iSage icala kulahlekelwa sinongo sayo kusuka ku oyili we volatile ngemuva kwekuvuna ngako kumcoka kumaketha bese usebentisa isage lensha lejutjiwe ngekushesha lokukhulu.
Umkhicito Lowomile
Lamacembe lomile ayapakishwa etintfweni letivalekile letingafaki umoya ngekushesha lokukhulu kwentela kugcina lelibala kanye nesinongo. Beka ku 10 °C phindze ukusue elangeni. iSage leyomile ingaphindze igcinwe yomile nge ayisi etintfweni letivalekile letingafaki umoya.
Oyili Lobalulekile
Gcina ioyili lesemabhodleleni endzaweni lemnyama leyomilee nasesikhaleni lesipholile cishe umnyaka kuya etinyangeni letilishumi nesiphohlongo ngemuva kwekufakwa emabhodleleni. Ngemuva kwaloku, labo oyili bacala kulahlekelwa bumcoka kanye neliphunga labo.
Kuvikeleka KweNhlanyelo
Likhula liyikinga futsi loku kumele kunakekelwe bese kumbe kususwa likhula kumbe ngemshina, ngesandla noma ngemakhemikhali ekubulala likhula kumele kwentiwe njalonjalo umnyaka wonkhe. Indlela lekahle yekuvika likhula kutsi uvale kumbe ngeplasitiki noma ngetibhidvo emhlabatsini njengetinsaba tetigodvo noma tinkhuni. Kuhlanyela-ngesisindvo lesiphakeme kusita ekuvaleni lomhlaba ngako kuvimba kukhula kwelikhula. Kugedvuka kwemhlaba ngasesitjalweni kukhulisa kuvela kwelikhula ngako loku kumele kugcinwe kube kuncane.
iSage, njengemkhicito lophakeme wemacembe oyili neliphunga noma sinongo lesicinile, kunetilwanyana letimbalwa kanye netifo kepha kukahle kulandzela kuvikeleka kwetinhlanyelo lokuchazwa ngulosebenta ehhovisini noma lowatikabanti ngekulima. Lolotsengisa emakhemikhali etitjalo uvame kubaneluhlelo lolukahle noma angakunika lwati lolunesecwayiso lesikahle lesitfolakalako ngalokuphelele kundzawo yekukhicitela. Letinye tilwanyana letincane kanye netifo kubhalwe langentasi.
Tilwanyana Letincane
emaAphids, iCrown gall, Scale, Spider-mite, emaThrips ne White fly-imphungane lemhlophe tilwanyana letatiwako.
Tifo
Kubola kwemagciwane, Libala lelicembe, Kubola kwetimphandze ne Kukhuntsa.
Translated by Phindile Malotana