Kuhlanyela
Umbila uhlanyelwa kusukela enhlanyelweni.Indlela yekuhlanyela
Inhlanyelo kufuneka ihlanyelwe ishobele nga 4 cm, kwenta siciniseko kutsi kushisa kwemhlabatsi kuba ngu 16 °C kuya ku 20 °C kute inhlanyelo imile kahle uma ucedza kuhlanyela. Kumcoka kuhlanyela ngesikhatsi sinye kwenta siciniseko kutsi umbila ukhula kanye kanye. Loku kumcoka nasovuna.Kuhlanyela kwentiwa ngemushina khona kutowenteka siciniseko kutsi umbila ukhula ngesikhatsi lesifanako. Etindzaweni letincane, ungahlanyela ngesandla.
Sikhala
Umbila kufuneka uhlanyelwe uhlukane nga 20 kuya ku 30 cm emalayinini lahlukane nga 80 kuya ku 100 cm. Loku kusho kutsi kungalingana umbila longu 40 000 kuya ku 60 000 kuli hecta.Sikhatsi sekulima
eSouth Africa lima tinhlanyelo tembila kusuka nga August kuya ku March ngalesinye sikhatsi ekucaleni kwa April etindzaweni letishisako lapho busika bufika nasekuhambe sikhatsi futsi kute sitfwatfwa.Sikhatsi sekukhulisa
Umbila utsatsa emaviki langu 10 kuya ku 12 wemaviki kute ulungelwe kuvunwa, uma simo selitulu sikahle. Uma ngesikhatsi umbila usakhula uhlangabetana nekubandza, ungatsi kuma kancane kuvuna ungavuna emuva kwemaviki langu 14. Kumila kwetimbali ngetulu kwesihlala sembila kwenteka emuva kwemaviki lasitfupha kuya kumaviki langu 7 kusukela uhlanyele, bese umbila ulungela kuvunwa emavikini lamatsatfu emuva kwaloko.Uma simo selitulu sikahle, letinye tinhlobo letinsha tembila tiyavunwa emuva kwemaviki langu 8 kuya kulangu 9. Lokwenta labanye balimi bakhone kulima kabili ngemunyaka.
Manyolo
Emavikini lamatsatfu ucedze kuhlanyela, uma umbila somilile kahle, ngeta Nitrogen lengu 400 kuya ku 500 Kg we LAN kuli hecta kwenta kutsi sihlahla sikhule kahle.
Umbila ungakashalati emavikini langu 6 kuya kulangu 7, faka futsi 400 kuya ku 500 kg we 1:0:1 (29) kute kulingane iNitrogen kute umbila ukhule kahle ne Potassium kute umbila ucine kahle.