Kusakata
Kusakata kusuka etinhlavini.Indlela yeKuhlanyela
Boshaladi bangafakwa ngetinhlavu njengoba banjalo ensimini noma kungahlanyelwa kube titjalo letincane ematreyini bese kukhuliswa etindlini letiluhlata. Uma letitjalo letincane tingangelishumi linye nesihlanu ngebudze ngemuva kwemaviki lasitfupha, tihlanyelwa kulamasimu. Liningi lalabalimako ngekwemali babukela kuhlanyela titjalo letincane njengoba loku kunika kutsemba lokukahle kwesisindvo senhlanyelo ngelihekitha futsi naletinhlanyelo tivunwa ekucaleni kantsi futsi ayafana.Kuhlanyela shaladi ngesandla ngumsebenti lolungiselelwako futsi ngaloko udulile. Kokubili kuhlanyela tinhlavu Kanye nekuhlanyela tinhlavu kungenteka ngemshina. Kutfola lokuhle Kanye nalokudze lokusigadla lesimhlophe noma luhlanga kumcoka kudvonsa titjalo emigceni lelishumi nesihlanu kuyaphansi bese uhlanyela lesitjalo lesincane ngetulu kwalendzawo bese uvala lemphandze phindze wehlise lelihlanga ngemuva kwekuhlanyela. Emavikini lamane muva kutsi nasesicaliwe lesitjalo lomhlabatsi ungagcwaliswa uze uvale lelihlanga. Budze lobubonwako balesigadla noma lencenye lemhlophe lishumi nesihlanu kuya kumashumi lamabili.
Uma ulungisela kuhlanyela ngalokucondzile, indlela yekunaka likhula iyatsatfwa ngesikhatsi sekusebentaa tigaba tekuhluma. Ngalesisizatfu, lokuhlanyelwa kwe titjalo letincane tashaladi kwatiwa kakhulu ngekuhluma ngentsengo njengoba kuvumela kusebenta kakhulu ngekugadza lukhula ngaphambi kwekuhlanyela.
Kuvulwa Kwesikhala
Titjalo tingavulwa tibe ngemasentimitha lalishumi nesihlanu ngekushiyana kumalayini langema sentimitha lamashumi lamatsatfu noma emashumi lasihlanu nemilayini levuleke kabanti ngesencele kwentela sigulumba Kanye nekufaka lilayini nangabe kudzingeka. Loku kunganika indlela lengaba tinkhulungwane letilikhulu nemashumi lamabili kuya kutinkhulungwane letimakhulu lamabili esitjalo sashaladi kuhekitha linye. Bantfwana bashaladi bahlanyelwa ndzawonye ngoba sikhatsi sekukhula kwabo sifishane kantsi nelikhula alivami kuba yinkinga.Sikhatsi Sekuhlanyela
Kuhlanyelwa kwashaladi ematreyini etinhlavu kwentieka emkhatsini wemaviki lasitfupha Kanye nalasiphohlongo ngaphambi kwesikhatsi lesibekiwe sekuhlanyela titjalo letincane.eNingizimu Afrika, letikhatsi letatiwako letimbili tashaladi kusekucaleni kwelikwindla, kusuka ekucaleni kwenyanga yeNdlovulenkhulu kuya kunyanga yaMabasa, kuphindze kwenteke ekupheleni kwenyanga yeNgci nenyanga yeNyoni.
Sikhatsi Sekuhluma/Kukhula
Kuhlanyela tinhlavu tashaladi kutsatsa tinyanga letisitfupha kutsi kulungele kuvunwa. ngako umangabe letinhlavu tihlanyelwa ekucaleni kwenyanga yeNdlovulenkhulu kulungela kuvunwa ngenyanga yeNgci noma yeNyoni.Umangabe sitjalo lesincane sihlanyelwa emkhatsini wenyanga yaMabasa noma ekucaleni kwenyanga yeNkhwenkhweti kungalungela kuvuna ekupheleni kwenyanga yaKholwane noma ekucaleni kwenyanga yeNgci. Kuhlanyelwa kwetitjalo letincane kunekusebentisa kuhlanyela ngetinhlavu kugcina inyanga yekunakekelwa kwenhlanyelo Kanye nemali. Boshaladi labancane labalula bavunwa ngekushesha evikini lesitfupha kuya kulelishumi ngemuva kwekuhlanyela titjalo letincane.
Kuvundzisa
Njengoba kushiwo ekulungiseleleni umhlabatsi kuyacwayiswa ngalokucinile kutsi kutsatfwe sibonelo sesihlaba bese kufunwa kukhetsa lokungiko kuciniseka ngemanutrient langiwo lafakakwo kwentela indlela yekuhluma endzaweni.Lolokukhetsiwe lokulandzelako kuyatiwa kutsi kungalandzelwa uma kuvundzisa shaladi. Evikini kungakefiki kuhlanyela letitjalo letincane, faka emakhulu lamabili nemashumi lasihlanu kuya kumakhulu lamatsatfu ema kg e2:3:4 (30) ngelihekitha uma kulungiswa lombhedze wekuhlanyelela Kanye nelikhubba ngekutulu kwemhlaba longemasentimitha lamashumi lamabili ngetulu. Loku kunika emanutrients ngekushesha ngemuva kwekuhlanyela titjalo letincane futsi kunika lesitjalo ngemandla kwentela kucala lokuhle Kanye nekusita ngetinkinga letakhekako ngesikhatsi sekuhlanyela futsi. Umangabe kuhlanyela tinhlavu tashaladi, faka kwekuvundzisa kwekucala ngakulelilayini lesitjalo ngekushesha njengesitjalo lesinsha kucala kuvela. Emavikini lamabili kuya kulamatsatfu ekugcineni, kuvetwa (kusakatwa) lokufanako nalokwekucala lokufakiwe ngalulelilayini lesitjalo.
Ngemuva kwemaviki lamabili kuya kulamatsatfu, kufaka kwesitsatfu kwe makhulu lamabili nemashumi lasihlanu ema kg kuhekitha linye le LAN (28) kungavetwa ngakulamalayini etitjalo. Loku kumele kubesibonelo salenhlanyelo kwentela kufika ekukhuleni phindze nekulungela kuvuna. Khumbula kulungiselela kugadza lukhula njengoba likhula lingahlupha lesitjalo semanutrients laletfwako.