Ligama Lelatiwako: Shaladi
Inchazelo ye Nhlanyelo
Boshaladi yincenye yemndeni lofanako njenga anyanisi futsi tibe tihlanganyela lenye yetinto letifanako letikhicitwako letilungiswako njenga anyanisi, yinhlanyelo leyincelencele kuyinaka futsi iyatsengiseka. Boshaladi bavela enkhabeni yase Asia futsi muva uyasuka uye eEurope lapho kwatiwa kwawo njengesibhidvo lesihluma phindze sisakateke kumhlaba wonkhe. Shaladi ube yintfo lenhle kwengca anyanisi lokwenta kutsi kute ibhola noma lokusagilophu lokwakha noma lokuvutsisako boshaladi bangavunwa phindze badliwe kusuka esikhatsini lesisha emjikelweni wekuhluma.Kusetjentiswa
Incenye yashaladi lekuyincenye letsandvwako yalesitjalo nguloluhlanga lelimhlophe noma lesigadla. Uma lesitjalo sihluma, loku kwakheke ngentasi kancane kwemhlabatsi longetulu lapho lamacembe aloshaladi abumbene abayintfo lebambene ndzawonye leyisigadla selicembe lelitsambile. Ngesikhatsi tihluma emacembe ahluma aphume, abanekucina phindze abanekuvela lokunganambitsi kahle. Boshaladi labancane bangadliwa banjalo njengoba emacembe asolo alula futsi anambitsa. Loshaladi uyabiliswa, uyafutfumaliswa noma uyatfoswa bese uyadliwa unjalo noma Kanye netibhidvo letinye noma emaproteins. Loshaladi lomncane lotsambile angaphindze adliwe aluhlata esaladini. Boshaladi bayimphilo kakhulu futsi indlela lekahle a vitamin A, C, E, K ne calcium.Tidzingo Temhlabatsi Kanye Nemalungiselelo
Boshaladi bahluma kahle kakhuu emhlabeni losemkhatsini lonelibumba netintfo letiphilako lodvonsa kahle kantsi futsi uvutsiwe ngetintfo letiphilako Kanye nemanutrients. Sihlaba lesihwayako asikalungi kahle njengetindumbu tesihlaba letingabambeka kumacembe lamhlophe lawako ngaphnsi kwemhlaba lokwenta kutsi kunambitse kabi lenoma kunjalo kutsengiseka kancane. Phindze, umhlabatsi lolibumba uvama kukhuntsisa lihlanga lashaladi lelimhlophe kumele kugwanywe.Indlela yekucala yekusebenta nawubekela kuhlanyela noma nguyiphi inhlanyelo kutsi utsatse umhlabatsi losibonelo walendzawo kutsi kuhlanyelwe futsi kuze kuhleleke ngendlela yekuhlola ngekwe laboratory. Uma imiphumela yesibonelo semhlaba iyatfolwa letokhomba loko lokudzingekako ngendlela ye lime kwentela ipH Kanye nalamanye emanutrients Kanye nekufuna tindlela letitodzingeka ekwenteni lenhlanyelo ibe yimphumelelo.
Le pH yesihlabatsi kumele ibesemkhatsini wa 6.5 na 7 futsi umangabe lomhlabatsi une esidi leningi noma ingaphansi kwa 6 pH, ngako lelinani lelidzingekako le lime lingavetwa phindze lilinywe kulomhlaba kwentela kukhulisa e pH yemhlabatsi. Loku kumele kwenteke cishe kumaviki lasiphohlongo ngaphambi kwekuhlanyela. Lenandlela yekuhlanyela iphindze ihambisane nenhlanyelo yaphambilini Kanye nekwekuvala nomangukuphi kwenhlanyelo lengahlanyelwa leluhlata. Emaviki lamane ngaphambi kuhlanyelwe yengeta tintfo tekufuna tindlela letidzingekako kufana ne Boron, iZinc ne Manganese futsi nomangutiphi tintfo letiphilako tamanyolo noma umcuba bese usebenta loku kumhlabatsi longetulu longemakhulu lamane ema mm. landzela ngelikhuba kwentela kujuba phindze uze lomhlaba wangetulu kutsi ulungiswe uhlobe, linganisa indzawo yekuhlanyela. Evikini lekugcina ngaphambi uhlanyele titjalo letincane, faka lokwekuvundzisa kucala bese ugubha ngelikhuba kulomhlaba wangetulu lomasentimitha lamashumi lamabili emhlabatsi kwentela kulungisela kuhlanyela. Kugucula kwekugcina kusita ngekulahla noma nguluphi lukhula lelingahle licale kumila. Kancane nisela lendzawo ngaphambi uhlanyele titjalo letincane.
Ngekuhlanyela ucondzise phindze ulime ngelikhuba lendzawo yesitjalo evikini lekugcina ngaphambi uhlanyele kwentela kuhlobisa likhula bese ulungisa umbhedze wetinhlavu kepha naphandle kwekuvundzisela kuhlanyela bese uhlanyela tindumbu kumhlabatsi lowomile bese uyanisela kancane ngemuva kwekutsi tinhlavu setihlanyelwe.
Simo Selitulu
Boshaladi yinhlanyelo lelingela simo selitulu lesipholile phindze bahluma kahle esimeni sekushisa lesihambela kusuka ku 12°C kuya ku 25°C. Abakhelwanga kuhluma esimeni sekushisa lesiphakeme kunalesi. Uma simo sekushisa sengca loku, boshaladi bangahluma bese bacina njalonjalo, lokubenta bangalungeli kuvunwa. Boshaladi abavumelani nesitfwatfwa kepha bakhona simo lesibandzako lesingenta kuhluma kancane phindze kutsikamete lokwakhiwa Kanye nelizinga laloshaladi.Tinhlobonhlobo
Phambilini, tinhlobonhlobo letimbalwa kuphela tashaladi letakhokhwa ngekwentsengo. Muva nyalo kukhona tintfo letinsha letiningi letitinhlobonhlobo letifaka lokusha lokuhluma ngekushesha futsi ngekucina futsi loku kumelele tinhlobonhlobo tesintfu.Kukhona letingetulu kwelikhulu kantsi nendlela lencono yekukhetsa kutsi uhlanyela ini kufuna secwayiso kumunfu losebenta ehhovisi nemshini wetindumbu kwentela tinhlobonhlobo letikahle ngetindlela tekuhluma. Kuphindze kukahle kutfola imakethe lehambisana nesicwayiso kusuka kuloyo lotsengako waloko lokukhicitiwe.
Letinye tinhlobonhlobo letatiwako nguleti: American Flag- iflag yase Melika, iArmore, iAtal F1, iBulgarian Giant, iCarentan, iDawn Giant, Italian Giant ne Musselburg.Translated by Phindile Malotana