Ibizo lesayensi: Allium Porrum
Ibizo elijayelekileko: Leek
Ukutlhadlhulwa Kwestjalo
Ama-leeks ati-ncenye womndeni we-anyanisi lokha abelana nemikhiqizo efanako neye-anyanisi, ayazwela lokha nakaphathwako kanye nokuwathengisa. Ama-leek avela e-central Asia afuduselwa e-Europe lapha athandwa khulu njengomrorho arhtjheka nephasi loke. Ama-leek athandwa khulu ukudlula i-anyanisi ngombana akanabholo elakhekileko nanyana elivuthiweko njeke ama-leek angavunwa bekadliwe msinya ngemva kokumila.Ukusetjenziswa Kwawo
Incenye yama-leek ethandwa khulu sisiqu esimhlophe. lokha isitjalo nasikhulako, sihlala ngaphasi kwehlabathi lapha amakari waso athambileko azibumba abelirolo. Lokha nakakhulako amakari ayaphela, aqine angasadleka. Abaentwana bama-leek bangadliwa baphelele ngombana amakari wabo asathambile begodu amnandi. I-leek iyabiliswa, istinyiwe, ifrayiwe begodu idliwe iyodwa nanyana neminye imirotho nanyana amaprotheyini. Ama-leek amancani athambileko angadliwa njengesaladi. Ama-leek anepilo begodu amthombo omuhle we- vitamin A, C, E, kanye ne-calcium.Iimfuneko Zehlabathi Kanye Nokulungiswa Kwayo
Ama-leek atjalwa ngokuphumelela ehlabathini ehlangana nendawo engenwa amanzi kanye ne-organic material nezakhi mzimba. Ihlabathi eyi-sanda ayikafaneleki ngombana ingabambeka lokha amakari ngaphasi angaze adleka begodu okungenza bona ingathengiseki. Godu, ihlabathi enzima isilaphaza i-leek emhlophe njeke ayifuneki.Igadango lokothoma ozolenza kukobana uthathe amasampula wehlabathi walapha uzokutjala khona uyisen e-laboratory lapha bahlola khona ihlabathi. lokha nawuthola imiphumela yesampula yehlabathi bazokutjengisa ekutlhogekako okungabaui-lime ye-pH kanye nezinye izakhimzimba nama-trace element azokutlhogeka ukwenza bona istjalo sibe sihle.
I-pH yehlabathi kufanele ibehlangana kwe-6.5 kanye ne-7, lokha ine-asidi enengi nanyana engaphasi kwe-6 pH kwenze yehlabathi le. Lokhu kufanele kwenziwe okungasenani amaveke ayi-8 ngapmbi kokutjala. Ukulinywa kwayo kuhlanganisa iinsalela zakade zentjalo kanye nentjalo ezihlaza ezivala ihlabathi ezingatjalwa.
Ngemva kwemveke esine ngaphambi kokutjala faka i-trace elemeny etlhogekako efana ne-Boron, Zinc kanye ne-Manganese kanye neminye imanyoro nekhompowusti uzifake kuhlabathi eyi-400 mm. Landelisa nge-disc harrow uphule ihlabthi engaphezulu ukulungisela ukutjalwa. Isigaba sokugcinesi sokupeta sizokuqotha ikhula egade sele lithoma ukumila.Thelelela indawo leyo kancani ngaphambi kokobana uyitjale.
Lokha nawutjala ehlabathini, peta indawo leyo ngeveke yokugcina ngaphambi kokutjala ukususa ikhula ulungise imibhede wembewu ngaphandle kwesivundisi osifaka ngaphambi kokobana uthale, utjale umbewu ehlabathini eyomileko uthelelele kancani ngemva kokufaka imbewu.
Ubujamo Bezulu
I-leek sitjalo esithanda ubujamo bezulu obupholileko begodu sikhula kuhle emazingeni womtjhiso asuka ku-12 °C ukuya ku- 25 °C. Ayithandi amazinga womtjhiso edlula la. Lokha nkuutjhisa khulu ukudlula lokhu, I-leek iyakhula iqine msinya, okwenza bona ingasafaneleka kuvunwa.Imihlobo
Esikhathini esidlulileko, gade kunemihlobo embalwa ye-leek egade ikhiqizwa ngehloso yokurhweba ngawo. Mvanje kunemihlobo eminengi emitjha ekubalwa imihlobo yehlanganisela ekhula msinya be iqine begodu sele ajamiselela imihlobo yesintu.Kunemihlobo engadlula eyi-100 yestjalwesi indlela egcono yokuthatha isiqunto sokobana ufuna ukutjalwa umhlobo muphi kubawa iseluleko ku-extension officer yangekhenu kanye nemthengisini wembewu azokupha iinyeleliso mayelana ne-leek ongayitjala ehlabathini enobujamo obuthize. Kuqakathekile godu ukuthoma iseluleko esihlobene nezemaraga lapha kuthenga khona bathengi bayo.
Hlangana kweminye imihlobo ethandwako kubalwa i-: American Flag, Armore, Atal F1, Bulgarian Giant, Carentan, Dawn Giant, Italian Giant kanye ne-Musselburg.
Translated by Busisiwe Skhosana