Mabyalelo
Mabyalelo ya endliwa hi mbewuNdlela yo byala
Ti leeks tinga byariwa emisaveni xikan’we kumbe yibyariwa eka ti seedling trays kutani swimilani swikuriseriwa eka ti greenhouses. Loko swimilani swilulamerile ku simuriwa swiri kwalomu ka 15 cm hiku leha endzhaku ka 6 wa mavhiki, swa simuriwa swiya byariwa emasin’wini.
Vabyari votala lava xavisaka vatsakela ku byala hi swimilani hikuva swiva nyika ntshembo wa nhlayo ya swimilani kuya hi hectare naswona swmilani leswi switshoveriwa hiku hatlisa naswona kuva kuri leswi fanaka.
Ku byariwa ka ti leek hi mavoko swilava ntirho wotala naswona swa durha. Hivumburhi kaswona eka ku haxa mbewu naku simula swimilani uya byala swinga endliwa hi muchini. Kuva u kuma mbuyelo wa kahle eka matshindi swikahle kuva u byala eka foro leyinga kwalomu ka 15 cm hiku enta naswona byala swimilani ehansi ka laha kunga ceriwa u tlhela u seletela timints nale hansi ka tshindi endzhaku ko byala.
Mune wa mavhiki endzhaku loko swimilani switshamisekile, misava yinga cheriwa nakambe kutiyisisa leswaku swimilani swi seletelekile. Kuleha lokunga kahle swinene kumbe xivandla xobasa xa ximilani hiloko xiri exikarhi ka 15 cm kuya eka 20 cm.
Loko mbewu yibyariwa ensinwini kunga tirhisiwangi swimilani, kulawuriwa ka nhova swalaveka swinene naswona kuva kuri ntlhontlho eka xiyimo lexi xokula ka swimilani. Hikokwalaho ka sweswo, kubyariwa ka swimilani swa leek swina ndhuma swinene eka vabyali lava byalelaka ku xavisa hikuva swi endla leswaku vakota kulawula nhova loko kunga se byariwa.
Xipesi
Swimilani swinga byariwa eka xipesi xa 15 cm hiku hambana eka mintila leyinga exikarhi ka 30 cm kumbe 50 cm hiku hambana na mintila leyinga anama kuva yisiya ndlela leswaku teretere rita kota ku hundza xikan’we na switirhisiwa swin’wana loko swilaveka.
Leswi swifanele ku endla ndzhawu leyi ringanaka kwalomu ka 120 000 kuya eka 200 000 wa swimilani swa ti leek hi hectare.Vana va ti leeks vabyariwa vamanyana hikuva nguva yaku byariwa yikomile naswona aswitalangu kuva xiphiqo.
Nkarhi wo byala mbewu
Ku byariwa kati mbewu leeks eka ti seed trays swi endliwa exikarhi ka ntsevu na nhungu wa mavhiki loko nkarhi wakuya byala ensinwini lowu languteriweke wunga se fika. Laha Afrika Dzonga, minkarhi ya ndhuma yobyala ti leeks i masungulo ya xixikani, kusuka e masungulweni ya March kuya eka masungulo ya April, nakambe loko kuya hela xixika hi July na August.Nkarhi wo byala
Swimilani swati leeks swisimuriwa hi April na hi May nakambe ekuheleni ka August xikan’we na September.Nkarhi wo kula
Swimilani swa ti leeks leswinga byariwa hi mbewu switeka ntsevu wa tinhweti kululamela ntshovelo. Se loko mbewu yibyariwe emasunguleni ya March yiva yi lulamerile kutshoveriwa hi August kumbe September.
Loko swimilani leswi kurisiweke kahle swi byariwa exikarhi ka April kumbe emasungulweni ya May swiva swilulamele kutshoveriwa emakumu ya July kumbe emasungulweni ya August. Ku byariwa ka swimilani swati leeks kungari hi mbewu swi hlayisa nhweti hinkwayo ya vulawuri na mali na nkarhi. Ti leeks letintsongo tihatlisa ku tshoveriwa endzhaku ka 8 kumbe 10 wa mavhiki endzhaku ko byariwa ka swimilani.
Ku nonisa misava
Tani hileswi swinga hlamuseriwa eka malulamiselelo ya misava, swa hlohleteriwa swinene kuteka swikombiso swa misava kuya kuma switsundzuxo eka vativi leswaku uta tiyisisa leswaku u chela swakudya leswi lulameke eka ndzhawu leyi u faneleke u byala eka yona.
Switsundzuxo leswi landzelaka i ntolovelo kuva swilandzeleriwa loko ku nonisiwa misava kuta byariwa ti leeks. Eka vhiki loko kuya byariwa swimilani, chela 250 kuya eka 300 kg ya 2:3:4 (30) hi hectare loko u lulamisela ti beds kutani utirhisa disc eka misava yale henhla ya 20 cm.
Leswi swi tisa swakudya hinkarhi walowo endzhaku ka kubyala swimilani swati leeks naswona switanyika swimilani matimba leswaku swisungula kahle naswona swita pfuneka eka ntshikelelo lowuvaka kona eka kusimuriwa. Loko kuriku ubyala hi mbewu ti leeks, chela manyoro yosungula kwala tlhelo ka mintila ya swimilani loko swisungula ku tlhava.
Eandzhaku ka mavhiki mambirhi kumbe manharhu, haxa manyoro lawa ya fanaka e henhla ka swimilani eka mintila ya swona. Endzhaku ka mavhiki mambirhi kumbe manharhu, chela nakambe ravunharhu nhlayo ya 250 kg hi hectare ya LAN (28) naswona yinga haxiwa eka mintila ya swimilani.
Leswi swifanela kuva swiringanerile kuva swimilani swikondza swiya kula naku lulamela ntshovelo. Tsundzuka ku lawula nhova hikuva yinga yivela swimilani leswi swakudya swa nkoka.