Tincenye letiningi tesitjalo se hemp, iCannabis sativa, tilungele ekusetjentisweni etilwaneni. Tinhlavu te hemp, emacembe, kanye netinhlavu ta oyili welikhekhe tingasetjentiswa ekuphendi tilwane njengekudla, nomakunjalo lokuningi lokufakwako solo kusesigabeni selucwalingo.
Njengoba kusho bo ‘Farm Bill’ (noma Sento seKuphucuka seKulima) lokwentiwe kwatiwa ngemnyaka wa 2018, le US ichaza kulunga kwe hemp ekusetjentisweni netilwane ngesikhatsi kutfwele lokungekho ngetulu kwa 0.3% kwe cannabinoid yetinhlanya iTHC. Lenyonyane yase Europe, le sigaba se THC kutitjalo letomile ingahle ingabi setulu kuna 0.2% wema cannabis kutsi abalwe njenge ‘hemp’ - Insangu inetigaba te THC ta 15% kuya ku 40%.
Letitintfo letichaza ihemp tisemtsetfweni futsi atisito letihlanyako, njengoa emacembu kanye netintfo tensangu kanye nehemp kungaphambana kona kodvwa.
Kusetjentiswa Kwe Hemp Kwentela Tilwane
Lucwalingo loluncane selwentiwe ku hemp njengekudla kwetilwane tekufuywa. Nomakunjalo, sekupotiwe kutsi lamacembe e hemp anikwa tingulube kanye naletinye tilwane temfuyo emakhaya ase China.
Sifundvo sase Nyuvesi yase Kentucky lese USA seyitfole kutsi lomkhicito wetintfo tetibhidvo ku hemp, ikakhulu emacembe, kushiyana ngekululeka kwekukhula kwesikhatsi kanye netinsuku tekuhlanyela; kuhlanyela noma kulima muva njengekudla kwetilwane tekufuywa kubukwe kuloko kwendalo lokutfwele tinhlavu te hemp, ikakhulu ngesikhatsi lomkhicito wemacembe ukalekile.
iHemp ingakhiwa ibekudla lokuluhlata; lokupha kudla kwe hemp leluhlata kwatfolwa kutsi kuyafana ne lucerne. Emacembe ehemp ayasetjentiswa njengendlela yekubamba imibhedze yetilwane. Tibe letintfo letimoshakele - kudla kwetinhlavu tehemp - letishiywa ngemuva kwekutsi le oyili itsatfwe kusuka kuletinhlavu, kungasetjentiswa ekupheni tilwane njengekudla.
Ngalokutsatfwa kwe oyili kusuka kutinhlavu te hemp, lolokusele kwetinhlavu telikhekhe kuyashiywa. Le protein lephakeme yetinhlavu telikhekhe le hemp ingenta kudla kwe hemp lokumelele lokudla kwetilwanyana kanye nemfuyo. Kudla kwe hemp kutfwele emaprotein, iron, imagnesium ne manganese, kanjalo netigaba letiphakeme tekudla kwefibre kanye nekubaluleka kwe amino acid.
Tinhlavu te hemp tivame kusetjentiswa njengetinhlavu tetinyoni kanye nasekuhlanganiseni tinhlavu. Tiphindze tisetjentiswe njengentfo yekubamba timfishi tekudla. Kwentela kubamba timfishi, tinhlavu te hemp tifakwa emantini bese tiyaphekwa tize ticale kuvutfuka. Ese ihemp lencane ya oyili wetinhlavu tiyangetwa ngemuva lapho le hemp isetjentiswa njengentfo yekubamba emhlabeni.
iHemp NjengeKudla Loku Tsatsekako
Ngenyanga ya Bhimbidvwane ngemnyaka wa 2019 labamashumi lamane base USA bavunyelwa kutsi bafundze ngekubonwa kwe hemp nejngekudla kwetilwane. iHemp ingadliwa ngendlela yekusilwa kwetinhlavu, emapellets noma oyili we hemp lokunikwa njengentfo lengetetelako.
Ngisho noma Sento Sekutfutfukisa Tekulima eUS ngemnyaka wa 2018 kwakhulisa umkhicito losemtsetfweni we hemp ngekungabuki kutsi ikalelekile etindzaweni tekufundzela letisetulu ngetemfundvo kanye nelitiko lelichazako, lomtsetfo awuchazi ngekusetjentiswa kwe hemp njengekudla lokutsatsekako. Ngakoke lokusetjentiswa kwe hemp ekudleni kwetilwane kusolo akuvunywa.
Ngenyanga yeNyoni ngemnyaka wa 2019 kwakhokhwa kutsi leNyonyane yeKudla kwe Hemp yase US iyasebenta ne Sentha ye FDA kwentela Imitsi Yetilwane kwentela kuvula emakethe lensha ekusebentiseni ihemp njengekudla lokutsatselekako ekudleni kwetilwane.
Ngemnyaka wa 2008, inyuvesi yase Swedish yacatsanisa tinhlavu telikhekhe le hemp (ngemuva kwekutsatsa le oyili lebandzako) ekudleni kwe soya njengeprotein yekudla ekudleni kwematfole lasemancane. Umphumela ukhomba kukhula kepha sento lesitfutfukile sekugcina kudla ngekhatsi (lapho kugayeka khona) ngetinhlavu telikhekhe le hemp.
Ngetinhlolo tase Canada ngemnyaka wa 1988, ihemp yaphindze yahlolwa netimvu kwentela kumelela kudla kwe canola lokushisisiwe kufika ku 20% walokuphelele kwetintfo letomile tekudla letite kulimata lokuyinkinga ekutsatseni lokudla noma kuhamba kwemanutrient.
Lucwalingo, lolwakhokhwa ngemnyaka wa 2012 kuteKufuya nge Sayensi, lokubikwe kutsi ngesikhatsi kuphiwa tikhukhukati lokudla lokutfwele 20% wetinhlavu te hemp, lamacandza bekasindza futsi atfwele tigaba letiphakeme te omega-3 wemafutsa e esidi.
Translated by Phindile Malotana