Dikarolo tše dintši tša dibjalo tša hemp, Cannabis sativa, di loketše diphoofolo. Dipeu tša Hemp, matlakala, le khekhe ya oli ya hemp di ka leša diruiwa, le ge go le bjalo, bontši bja dikgopelo di sa le mo kgatong ya dinyakišišo.
Bjalo ka ge go boletše ‘Farm Bill’ (goba Molao wa Temo ya Kaonafatšo) yeo e ilego ya phatlalatša ka 2018, US e hlaloša gore intasteri ya hemp ye maleba go šomišetšwa diphoofolo ke ye e sa fetego 0.3% ya psychoactive cannabinoid THC. Ka mo Yunione ya Afrika, maemo a THC mo dibjalong tša go oma ga a swanela go feta 0.2% ya cannabis go ka hlopšha bjalo ka ‘hemp’ - Marijuana e na le maemo a lekango 15% - 40% a THC.
Dipeakanyo tše, tša hemp di semolaong e sego monaganong, ka ge mehuta ya hemp le kgatelelo ya marijuana di na le go kopana.
Tšhomišo Ya Hemp Go Diphoofolo
Dinyakišišo tša ye nnyane di dirilwe tša dijo tša diruiwa tša hemp. Eupša, e begilwe gore matlakala a hemp a fepša go dikolobe le diruiwa tše dingwe ka mo dinagamagaeng tša China.
Dinyakišišo tša Yunibesithi ya Kentucky ka mo Amerika di hweditše gore tšweletšo ya didirišwa tša dimela tša hemp, kudukudu matlakala, di theilwe godimo ga botelele bja sehla la go mela le letšatšikgwedi la pšalo; ka morago, pšalo ya ka morago ga nako e hlola peu ya ka pele le matlakala a mannyane. Dinyakišišo di laetša gore boleng bja hemp bjalo ka furu ya diruiwa bo theilwe godimo ga boteng bja phepo ya dioeu tša hemp, kudu ge tšweletšo ya matlakala e le e nnyane.
Hemp di ka šongwa bjalo ka furu; mohola wa phepo ya bjang bja hemp o hweditšwe o swana le lesere. Matlakala a Hemp a šomišwa bjalo ka setološi sa malao a diphoofolo. Mola ditlakala - dipeu tša dijo tša hemp - tšeo di šetšwgo ka morago ga ge oli e se no ntšhwa go tšwa go dipeu, di ka šomišwago ka gare ga dijo tša diruiwa.
Ge go ntšhwa oli go dipeu tša hemp, peu ya khekhe e a šala. Maemo a godimo a proteine ya hemp le peu ya khekhe di ka dira dijo gore di be tlaleletša go dijong tša diruiwaseratwa le diruiwa. Dijo tša hemp di na le proteine, tshipi, maknisiamo le mankanese, gammogo le maemo a godimo ya mohuta wa dijo le tlhale le diaminoesiti tšeo di lego bohlokwa.
Gantši dipeu tša Hemp di šomišwa bjalo ka birdseed le motswako wa dipeu. E šomišwa gape bjalo ka segogwa sa dihlapi sa carp. Ka segogwa sa hlapi, peu ya hemp e enwa ka meetseng e be e apewa go fihlela ge e thoma go aroganywa. Go tloga fao oli ya peu ya hemp e a tšhelwa mme morago ga fao hemp e dirišwa bjalo ka lefelo la go wena.
Hemp Bjalo Ka Seoketšwa Sa Furu
Ka Janaware 2019, dinaga tše 40 ka mo Amerika di dumeletšwe go ithuta ka ga kgonagalo ya hemp bjalo ka furu ya diruiwa. Hemp tla e tla fepwa ka mokgwa wa dipu tša go šilwa, dithorwana goba oli ya hemp yeo e fiwago bjalo ka koketšo.
Le ge e le gore Molao wa Temo ya Kaonafatšo wa 2018 o katološitšwego molao wa tšweletšo ya hemp go feta dihlongwa tša thuto ya godingwana le dikgoro tša mmušo, molao ga o bolele ka tšohmišo ya hemp bjalo ka seoketšwa sa furu. Ka fao, tirišo ya hemp ka gare ga dijo tša diphoofolo ga e sa tšwa ya dumelelwa.
Ka Setemere 2019 go begilwe gore US-based Hemp Feed Coalition e šoma le FDA-Center ya bongaka bja diphoofolo go bula mebaraka ye mefsa ya tšhomišo ya hemp bjalo ka seoketšwa sa furu ya diruiwa.
Ka 2008, Yunibesithi ya Sweden e ile ya bapetša khekhe ya peu ya hemp (ka morago ga go ntšha ga go khekhe ya oli) go furu ya soya bjalo ka dijo tša proteine go dijong tša mamane. Dipoelo di laeditše kgolo ya go swana eupša di kaonafaditše mogodu (tšhilego) ka khekhe ya peu ya hemp.
Mo ditekoNG tša Canada ka 1998, hemp e ile ya dirwa diteko le dinku mo legatong la dijo tša canola tša 20% ya palomoka ya furu ye e omilego ya go hloka kotsi go dijo goba tšhomišo ya phepo.
Thuto, yeo e phatlaladitšwego ka 2012 Poultry Science, e begile gore ge dikgogo di leša dijo tše di nago le 20% ya peu ya hem, mae a tšona a be a le boima ebile a be a na le maemo a godimo a diesete tša makhura a omega-3.
Translated by Lebogang Sewela