Ukuyitjala
I-Ginger itjalwa ngomrabhu obekwe lokha nayivunwako. Imirabhu yokuyitjala ingathengwa emanezari nanyana kilaba abayithengisako.Indlela Yokuyitjala
Umrabhu we-ginger uphulwa wenziwe iincetjhana ezincani ezisetjenziswa njengometheriyali wokuyitjala. Iincetjhanezo kufanele zibehlangana kwe-50 ukuya ku-75 gram ngobukhulu begodu itjalwa lapha kuzokutjalwa khona isitjalwesi endaweni etjhingela ge-15 cm.Iinkhundla
Iintjalo ze-ginger kufanele zenzelwe iinkhundla eziyi25 cm emareyini ahlukaniswe nge-30 cm. Okungaba ngokungasenani i-100 000 ukuya ku-120 000 yentjalo qobe li-hectare. Amapata wezinto zokusebenza Kanye namatregera atjhiyelwa iinkhundla emareyini ambalwa lokhu kuya ngokobana itregere yikulu kangangani Kanye nemitjhini esetjenziswako.Iskhathi Sokutjala
Tjala i-ginger ekuthomeni kwetwasahlobo ukuya ekuthomeni kwehlobo. Esewula Africa, itjalwa kusukela lada ngoRhoboyi ukuya ngoKhukhulamungu.Isikhathi Sokuyikhulisa
Ithatha iinyanga ezibunane ukukhiqiza umrabhu wobukhulu obulungileko ukwenzela bona ivunwe ngoSihlabantangana kanye nangoMrhayili izokuthengiswa emarageni efretjhi. I-Ginger evunwa lada qobe mnyaka ngemva kokuyitjala ngoMgwengweni ukuya kuVelabahlinze. I-Ginger evunwe lada ithengiswa ifretjhi nanyana yonyisiwe isiliwe nanyana injalo ifakwe emafutheni.I-Ginger evunwa masinya ngevunwa ngoMhlolanja nekuthomeni kwakaMhlolanja ngemva kwenyanga ezihlanu ukuya kwezisithandathu itjaliwe ngaphambi kokobana umrabhu uthole isikhathi sokwakha imithiya. I-Ginger etjalwe masinya ivamise ukuvunwa ngesandla ukukhandela ukona nanyana ukulimaza imirabhu begodu isetjenziswa kuma-preserves.
Ukuyivundisa
Njengokujwayelekileko hlolisa ihlabathakho ukuqiniseka bona inazo izakhimzimba. Kusiyeleliso esihle ukupetela i-organic matter efana nekhompowusti nanyana umanyoro ngaphambi kokobana uyitjale. Njengomhlahlandlela landela iinlayelo ezilandelako zokufaka isivundisi.Ngemva kokutjala, lokha imirabhu sele inzinzile ngeva kokuyithelelela kokuthoma ngemva kweveke ukuya emalangeni alisumi uyitjalile faka i-350 ukuya ku-500 yamakhilogramu qobe ku-2:3:4 (30) emareyini westjalo se-ginger. Ihlanganisela efanako ingasetjenziswa ngemva kwemveke ezilisumi ngemva kokutjala, godu ngemva kwemveke ezilisumi nathandathu ukuya kwezimasumi amabili nane ngemva kokuyitjala. Tjheja bona umrabhu uyakhula na. Spreya i-trace element ukuqiniseka bona iyakhula.
Ukuyithelelela
Kuyinto ehle ukumalitjha eduze kwentjalo. Lokhu kwenza bona ihlabathi ilobe ubuswe begodu kulawule ukukhula kwekhula. I-ginger iba ihle emfundeni ezithandwa lizulu, njeke kuqakathekile ukuyithelelela lokha nayisakhulako. I-Schedule sokuyithelelela esingaba hlangana kwe-45 ukuya ku-50 milimitha qobe yiveke singabasihle. Uyeleliswa bona ufake isizweleli sobuswe ukulawula ubuswe obusehlabathini.Translated by Busisiwe Skhosana