Kuhlanyela
Kuhlanyela ijinja kucala ekuhlanyeleni imphandze lesale kujinja loyivunile. Timphandze tejinja letosebentiselwa kuhlanyela uyakhona kutitsenga.Indlela Yekuhlanyela
Lemphandze yejinja iyajubwa ibe yincane, loku kubese kusebentiswa njengenhlanyelo. Letintfo letisebentiswa njengenhlanyelo kufanele tibe ngu 50 kuya ku 75 grams ngebukhulu, kuhlanyelwe kushobele nga 15 cm.Sikhala
Tihlahla tejinja kufanelwe tishiyane ngesikhala lesingu 25 cm emalayinini lahlukene nga 30 cm. loku kwenta kutsi lihecta linye libe na 100 000 kuya ku 120 000 wetihlahla. Kufanele ukhumbule kushiya emalayini lapho kutohamba tigulumba khona.Sikhatsi Sekuhlanyela
Hlanyela ijinja ekucaleni kwelitfwasa hlobo kuya ekucaleni kwasehlobo. eSouth Africa, kusekupheleni kwa August kuya ku October, ngiso sikhatsi lesikahle.Sikhatsi Sekukhula
Ijinja itsatsa tinyanga letingu 8 kuya etinyangeni letingu 9 kukhicita ijinja lekahle lelungele kudliwa ngabo April na May kutsi iyiswe emaketse. Ijinja lenye ivunwa emuva kwemnyaka ihlanyelwe ngabo June na July. Itsengiswa injalo kepha ngalesinye sikhatsi iyomiswa noma ngalesinye sikhatsi isebentiswe njengemafutsa. Ngalesinye sikhatsi ijinja ivunwa nga February nasekucaleni kwa Marh emuva kwetinyanga letisihlanu kuya etinyangeni letisitfupha uhlanyelile. Lena jinja ijwayelwe kuvunwa ngesandla kuvikela kulimata sihlahla sakhona.Manyolo
Ijinja uma ilinyelwa kutsengiswa idzinga umsoco lomunyenti kwenta siciniseko kutsi sivuno siba sihle. Njengoba uhlala wenta, yenta siciniseko kutsi umhlabatsi ulungiswe kahle, futsi bocwephesha bakhonile kuhlola kutsi ngumhlabatsi lonjani, bawowati kutsi unemsoco lonjani. Kungumbono lomuhle kutsi uhlanyele emhlabatsini lovundzile lofakwe umcuba noma manyolo.Ngulona manyolo longawusebentisa. Emuva kwekutsi sohlanyele, lapho khona imphandze sebambe kahle, emuva kwekunisela kwekucala. Loku kujwayele kuba semuva kwemalanga lalishumi, faka 350 na 500 kilograms kuli hecta linye we 2:3:4 (30) emalayinini lapho utohlanyela khona. Loku kungaphindze kusebentiswe emuva kwemaviki langu 16 noma 24 ucedze kuhlanyela.
Kunisela
Kuyintfo lenhle kutsi ufake tjani lobuvalako emalayinini lohlanyele kuwo. Loku kugcina umhlaba kutsi ungalahlekelwa ngumsoco futsi kwenta likhula lingakhuli kakhulu. Ijinja yenta kahle etindzaweni lapho khona ivula inetsa khona. Loku kwenta kutsi kunisela kube mcoka nawulime ijinja. Indlela yekunisela lengu 45 na 50 millimetres ngeliviki ngiyo lekahle.Translated by Phindile Malotana