Hu saathu vha na dzi ḓorobo
Cape Town ho vha ho fhambana nga haaḽa maḓuvha. Ṋamusi huna dzi nnḓu hoṱhe ubva doroboni na hone ho ṱanḓavhuwa lune ha swika na dzi thavhani dza Helderberg, kha lunwe lurumbu lwa False Bay. Fhedzi minwaha heiḽa yoṱhe, ho vha hu sina tshithu — ho vha hu sina Gugulethu, Khayelitsha or Mitchells Plain, hune dzi million dza vhathu dza dzula hone zwino.
Ho vha hu tshi tovha na maḓaka, a tshi vhonala na musi u kule. Ndo vha ndi tshi dzula na mme anga District vhukati ha dorobo. Vho vha vha tshi shuma dzi nḓuni Kloof Flats kha ḽa Kloof Nek Road. Tshinwe tshifhinga vha tshi eḓela hanengei nḓuni heneiḽa kha vhasa wavho, we avha atshi vhidzwa Mrs Orren. O vha a mufumakadzi wa mbilu ya vhuḓi, Mrs Orren — ndi ene o ngudisaho u runga na u runga masogisi na jerse zwine nda kha ḓi zwiita na ṋamusi.
Pfunzo yo no vhonala
A thi ngo ya tshikoloni. Mme anga vho vha vha tshi dzulela uri, 'a thi ṱoḓi ni tshi ya kha zwikolo zwa ma coloured.'vho vha vha sa ṱoḓi ndi tshi tamba na vhana vha ma coloured. Ndo vha ndi sa khou pfesesa. Ḓuvha na ḓuvha ndo vha ndi tshi ya mushumoni navho ra fhedza tshifhinga ri tshi khou kulumaga, u kulumaga fhasi, na ha u tambela.
Ndo vha ndi tshi zwifuna ngauri zwo vha zwi tshi nga ndi zwithu zwa vhuḓi, makhuli wanga vho vha vha tshi mmbudza uri nwana wa musidzana u fanela u fhedza tshifhinga tshawe akhou kulumaga, vha ralo, 'ḓuvha ḽinwe ni ḓo maliwa ni fanela u ḓivha uri nnḓu yaṋu ni fanela u tou iitisa hani, ni ḓo vha mme.'
District Six
District Six ho mbo ḓi ḓivhea nga murahu ha musi mapholisa a muvhuso wa tshiṱalula vha tshi wisa zwifhaṱo zwoṱhe vha ri vhathu vha bvele nnḓa, ngauri vho vha vha sa khou ṱoḓa muthu mutsu na muthihi kana mu coloured tsini na ḓorobo.
Hezwi zwo nkwama, ngauri nga hetshi tshifhinga ndo vha ndo no maliwa ndi tshi dzula na munna wanga. Fhedzi zwo vha zwi tshi khou konḓa kha mmeanga. Vho ya vha dzula kule na mushumo zwi tshi dzhia mabasi mararu uri vha swike mushumoni, zwi tshi dzhia dzi awara nnzhi uri vha swike mushumoni ḓuvha ḽinwe na ḽinwe.
Translated by Khalirendwe Nekhavhambe