Pele ho Makeishene
Motse Kapa e ne e fapane haholo matsatsing ao. Kajeno, ho na le dibaka tse fapaneng ho tloha toropong ho pholletsa le sebaka se seholo sa mobu o qetellang o fihlile dithabeng tsa Helderberg, karolong e ka thoko ho False Bay.
Empa dilemong tsohle tse fetileng, ho ne ho se na letho - ho se na Gugulethu, Khayelitsha kapa Mitchells Plain, moo batho ba dimilione ba phelang teng hona jwale. Ho ne ho ena le sehlahla feela, se phallela hole. Ke ne ke dula le Mme District Six se motseng o ka bohareng.
E ne e le mosebeletsi wa malapa Kloof Flats Kloof Nek Road. Ka dinako tse ding o ne a robala ka tlung ya mohiri wa hae, ya neng a bitswa Mofumahadi Orren. E ne e le mosadi ya molemo, Mofumahadi Orren - ke yena ya ileng a nthuta ho roka le ho kopanya ditlelafo le dikausi le dijeresi tseo ke ntseng ke di etsa le kajeno.
Thuto e Sebetsang
Ha kea ya sekolong. Mme o ne a atisa ho re,' Ha ke batle hore o ye dikolong tse mebala-bala.' O ne a sa batle hore ke bapale le bana ba mebala. Ke ne ke sa utlwisise hore na ke hobaneng.
Kahoo letsatsi le leng le le leng ke ne ke ya ho ya sebetsa le yena mme ke qetile nako ya ka ke hlwekisa ntlo, ho phalla fatshe, ho hlwekisa dikamore tsa ho hlapela. Ke ne ke rata seo, hobane se ne se utlwahala eka ke ntho e nepahetseng.
Nkgono o ne a nnile a nthuta hore banana ha baa lokela ho dula ba sa sebetse letsatsi lohle mme re tlameha ho sebetsa lapeng hobane, o itse, 'Ka letsatsi le leng o tla nyala' mme o lokela ho tseba ho ba le ntlo ya hao, mme u be mme. '
Distict Six
Translated by Bongani Matabane