Emuva Kokutsi Kwakhiwe
iKapa bekuyindzawo lehluke kakhulu ngaleya minyaka,nyalo sekwakhiwe kusuka edolobheni lelikhulu uhambe uze ufike etintsabeni tase Helderberg. Kodva ngaleya minyaka bekungana lutfo, kungana Gugulethu, Khayelisha noma iMitchell’s Plain, kantsi nyalo sekuhlala tinkhulungwane tebantfu.
Bekugcwele emahlatsi nje yonkhe indzawo. Bengihlala naMake eDistrict six, bekadze asebenta etindlini endzaweni yase Kloof flats egacweni wase Kloof Nek. Ngesinye sikhatsi bekalala endlini yomlungu wakhe lobekutsiwa ngu Mrs Orren. Bekungumfati okahle wngifundzisa nokutfunga ema glavusi,emakawosi kanye nemajezi,kantsi kube ngunamuhla ngisawatfunga.
Sifundvo Lesibambekako
Angiyanga esikolweni, bekusho Make longitalako, atsi bekangafuni ngiye esikoweni semakhaladi, bekangafuni nokutsi ngidlale nabo. Bengingati nokutsi leni, njalo bengihamba naye ngiyosita kucoca indlu, ngishanyele phansi ngiwashe nendzawo yoku gezela.
Bengikutsandza loko,ngoba ngiva ngatsi intfo lelungile kutsi ngiyente. Gogo wami wangifundzisa kutsi’uma uyiintfombatane awuhlali nje lilanga lonkhe ungenti lutfo, ngoba ngelinye lilanga utoshada, kumele ukwati kunakekela indlu yakho kanye nebantfana.
District Six
District six yadvuma kakhulu ngetikhatsi tencindzetelo, ngokuhlaselwa kukhishwe bantfu kutsi basuke dvutane neDolobha lelikhulu. Loko azange kungihlupha ngoba besengi shadile ngihlala nendvodza yami, kodva bekunzima kuMake.
Besekumele ahlale ekudzeni nasemsebentini, agibela emabhasi lamatsatfu kuya emsebentini, kantsi nesikhatsi lesidze labesicitsa asendleleni.
Translated by Phindile Malotana