Beauty Skefile
Batali bami bebangasi phatsi kabi,kodva bebangakakhombisi kutihlupha ngatsi,angati leni kodva bebanatsa tjwala makuphela liviki. Uyati mawunatsa akukho lokwenta kahle,bangani babo bafika njalo makuphela liviki,lomunye wabo udlala umculo bonkhe bajayive,banatse bahleke kanye kanye batijabulise. Mine angizange sengi natse iwayini nooma ibhiya ngokwami.
Besingakhulumi nebatali betfu kakhulu ngalesikwentako futsi singaphikisani nabo sibahlonipha. Akekho lobekangihlola,bengiya ekhaya kuyodla nje kuphela bese ngihamba tindzawo tami, mine nebangani bami kadze sihamba sonkhe emuva kwesikolwa.
Besidzelela sihambe sicoca tindzaba sihleka, besingenti lutfo lembi kantsi futsi singenti lutfo lenhle. Besingafani nebantfana banamuhla, bati konkhe basebancane futsi bahlakaniphe kakhulu.
Tenjiwe Tutu
Make wami bekakhutsele sisebancane,bekenta yonkhe imisebenti yasendlini yedva kanye nase ngadzeni futsi. Bekahlanyela engadzeni aphindze akhelele emanti ayedva, atfote tinkhuni, abase umlilo asiphekele nokudla. Wapulasitela nebondza legumbi letfu ngedzaka kanye nobulongo kute indlu ingawi.
Ingadze yakhe iyinhle,ngikhumbula emakhabishi,emazambane kanye nema khelotsi. Make wami bekatsatsa sikhatsi sakhe, natsi kodva masingeva abekwata asuke emehlweni etfu. Make bekadzinga imali yetimphahla, tincwadzi tesikolwa netinye tintfo, yikho wahamba waya eKapa afuna babe wetfu.
Bengineminyaka lesikhombisa noma siphohlongo maka hamba. Wasivalelisa natsi senta njalo yaze ibhasi yasitsela, masijikela emuva sobatsatfu besinetinhlitiyo letibuhlungu, satitfola sesi khala. Make angahlala anganalutfo langakupha kona kodva kubuhlungu kuhlukana naye.
Goldie Qayiya
Babe wami bekunguye loba negama lokugcina angana ndzaba nalokho lengikufunako. Tintfo tahamba kahle ekugcineni,kodva bengibati bundzima, nalokutsi bengingakwati kubeka umbono ngemphilo yami. Babe wami bekanga phumuli,akukaze ngimbone akhatsele, futsi bekangalali nesikhatsi lesidze.
Make wami bekangu muntfu lothulile, kodva azange sengize ngiphendvulane naye ngoba besifundziswe kahle,umntfana ngumntfana futsi kudzingeka ahloniphe lomdzala. Makatsi angihambe ngilandze kudla kwemnaketfu lomncane nadzadze wetfu,bengenta njalo. Bantfu labadzala ngebantfu bekuhlonishwa.
Translated by Phindile Malotana