Pele ga Toropo
Cape Town e be e le lefelo la go fapana ka dinako tšela. Lehono, go na le metse gohle go tloga mo toropong go fihlela mafelelong a naga, e bile e fihla gape dithabeng tša Helderberg, mo thoko ga False Bay. Eupša mengwaga ye fetilego, go be go se na selo. — Go be go se na mafelo a go swana le Gugulethu, Khayelitsha goba Mitchells Plain, moo go dulago batho gonabjale.
Go be go na le sethokgwa fela lefolo kamoka. Ke be ke dula le mme waka mo District Six mo gare ga torop. E be e le mošomi wa mosadi mo Kloof Flats mo tseleng ya Kloof Nek. Ka dinako tše dingwe o be a robala mošomong, ka ntlong ya moladi wa gagwe yo a bitšwago Mohumagadi Orren.
O be a le mosadi yo mo botse. — ke yena yo a nthutilego go roka le go loga dihanesekune le dikaušu le dijeresi tšeo ke sa di dirago lehono.
Thuto Ya Tirišo
Ga ka tsena sekolo. Mme waka o be a hlwa a re, 'ga ke nyake gore o ye go tsena dikolong tša batho ba mmla.' E bile o be a sa nyake gore ke raloke le bana bammala. Ke be ke sa kwešiši lebaka. Bjalo ka mehla ke ke ya mošomong le yena gomme e be ke fetša letšatši la ka kamoka ke hlwekiša ntlo, ke swiela fase e bile ke hlwekiša diphapoši tša bohlapelo.
Ke be ke rata go dira dilo tšeo kamoka, ka gobane ke be ke kwa go ka re nthwe ye nepegilego. Koko waka o ile a nthuta gore basatsesana ga ba swanela go dula ba sa dire selo gomme re swanetše go šoma ka gae ka gobane, o be a re 'ka letšatši le lengwe o tlo nyalwa gomme o tlo hloka go tseba go ba le ntlo ya gago le go ba mme.’
District Six
District Six e ile ya tuma kudu ka morago ga gore balaodi bja kgethologanyo ba weše dintlo kamoka e be ba gapeletša batho kamoka gore ba tšwe ka gobane ba be sa nyake batho ba bantsho go bammala kgauswi le toropo. Se se be se sa amane le nna ka gobane ke be ke setše nyetšwe e bile ke dula le monna waka.
O ile a swanela gore a ye go dula kgole le mošomo wa gagwe, gomme o be a tšea dipese tše tharo; se se be sa ra gore o be a swanetše go sepela di iri tše ntši ka mehla gore a fihle fao.
Translated by Lebogang Sewela