Tshitanu nga duvha
Vhabebi vhanga vho vha vha sa mmphi tshelede, musi ri tshi dzula Athlone ndo vha ndi tshi fhira nga ḓakani uri ndi kone uya tshikoloni. Ḽinwe ḓuvha, munwe mufumakadzi wa mutshena a mmbidza ndi tshi tou fhedza ubva ḓakani. ‘ musidzana muṱuku, iḓani hafha,' aralo. 'ndi khou ṱoḓa u amba na inwi.' o vha atshi vhonala asa dini nṋe ndo vha ndo mangala, nda ya khae.
Ari u khou humbela ndi mushumele, u kuvha na u pholisha tshitupu tshawe tshitsuku ndi tshi khou kuvha zwiambaro ndi tshi khou shumisa tshisibe hetshiḽa tshidala tshe vhathu vha vha vha tshi tshi shumisa nga hetshiḽa tshifhinga. Tsho vha tsho lapfa, tshina muvhala mudala na mutshena; thi tsha humbula dzina ḽatsho. ubva zwezwo, ndo vha ndi tshi ya nḓuni yawe luvhili kana luraru kha vhege.
Ndi tshibadelwa tshiṱanu. Zwithu zwo vha zwi zwinwevho nga hetshila tshifhinga nga tshiṱanu hetshiḽa ndo vha ndi tshi nga kona urenga swigiri, maṱari na mafhi na vhurotho. Musi vhabebi vhanga vha tshi mbona ndi tshi khou vhuya na hezwo zwithu vha mmbudzisa uri, 'no wana ngafhi hezwi zwithu?' nda ri, 'ndo fhiwa nga mufumakadzi wa mukhuwa.'
Nda tshi zwifuna u shuma hoyu mushumo ngauri ha hashu ho vha hu sina tshithu , tshelede yo thusa nga maanḓa. Zwone nga ḽa vhukuma zwo vha zwi si zwavhuḓi, ngauri ndo vha ndi sa khou ya tshikoloni, ndo vha ndi sa khou guda zwithu zwine zwa ḓo nthusa ha vhumatshelo hanga. Nga tshenetshiḽa tshifhinga, ndo vha ndi sa zwiḓivhi. Mme anga vho lovha ndi tshi kha ḓi vha muṱuku, ndi primary.
Mukomana wanga , Patience Nomabhulu, a vha mme kha nṋe, lufu lwa mme anga alongo tou vha tshithu tsho no dina. Musi ndi na minwaha ya 14 kana15 kha murole wa vhuṱanu, une zwino wa vhidzwa Grade Seven, ndo mbo ḓi litsha uya tshikoloni. Ndo vha ndi tshi ya kha khonani yanga ri tshi vha ri tshi khou amba ri tshi khou sea. Zwo vha zwi sa dini. Husina zwa vhatukana ri tshi khou sokou ḓiphina. Fhedzi ro vha ri sa khou ya tshikoloni.
Translated by Khalirendwe Nekhavhambe