50 Cents hi siku
Vatswari va mina avanga ndzi nyiki mali, naswona loko hi tshama e Athlone a ndzi boheka ku famba hi milenge ndzi hundza hile swihlahleni kuya exikolweni. Siku rin’wana, wansati wolala wa mulungu undzi vitanile eka yinwana ya tiyindlu leti atiri emakumu ka swihlahla leswi. 'Hey, wena nhwenyani, tana haleno,' Ku vula wansati loyi. 'Ndzi lava ku vulavula na wena.
'A languteka a hanyeka namina andzi tsakela kutwa leswaku u lava yini, kutani ndzi yile eka yena. Ute ulava leswaku ndzi ta n’wi tirhela, ndzi n’wi hlantswela naku koropa no tota pholichi eka xitupu xayena xotshwuka ndzi tlhela ndzi n’wi hlantswela swiambalo hi xisibi lexiya xikulu xa wasi lexi axi tirhisiwa himinkarhi yoleyo.
Akuri xisibi xo leha xa wasi nako basa; Andza ha tsundzuki vito ra xona. Kusukela kwalano, ndzi yile endlwini yayena kuringana masiku yambirhi kumbe manharhu hi vhiki. Andzi hakeriwa 50 cents hi siku. Swilo aswaha chipile hinkarhi walowo: hi 50 cents leyi andzi kota ku xava chukele, kofi na tiya na xinkwa hi yona.
Loko vatswari vavona ndzi vuya na swilo leswi vandzi vutisile leswaku ndzi swikuma kwihi?' Ndzi hlamula ndzi ku, 'Wansati wa mulungu undzi nyikile swona.' Andzi rhandza kuva na ntirho lowu hikuva ekaya ahingari na nchumu, mali leyi ayi olovisa xiyimo eka mina.
Kambe kuya hintiyiso aswinga antswi eka mina, hikuva andzi nga yi exikolweni, leswivulaka leswaku andzi ngari ku dyondzeni ka swilo leswi andzi ta swilava eka vumundzuku bya mina. Hinkarhi walowo, leswi andzi nga switivi. Mhana mina valovile ndzahari ntsongo, andziri eka xikolo xa tidyondzo tale hansi.
Sesi wamina lonkulu, Patience Nomabhulu, u hundzuke mhani eka mina, se rifu ra mhani arivanga lerivavaka swinene eka mina. Kambe loko ndzi fikisa malembe ya 14 kumbe 15 ndziri eka ntangha ntlhanu, leyi namuntlha yivuriwaka Grade Seven, Ndzi tshikile xikolo.
Ndziya eka va munghana wa mina leswaku siku hinkwaro hita tshama hi dya mabulu no hlekelala. Andzi nga tivi khombo ra swona. Akungari na majah naswona aho tiphina ntsena. Kambe ahinga yi exikolweni.
Translated by Ike Ngobeni