Vuhumelerisi bya Misava Hinkwayo
Mapecisi ya tumbuluke e n’walungu vupela dyambu bya China. Kutshembiwa leswaku mapecisi ya endliwe mihandzu yale kaya etibuweni ta nambu wa Yangzi River, laha kunga kumeka tinyungu ta mapecisi letikumekeke kusukela eka 6 000 BC.
Ku biloma ka mapecisi aswi ehleketeleriwa kuva swi fambisela kule leswo biha. Aswitshembiwe ngopfu lero na masocha aya famba yak home mabilomu loko vaya enyimpini, laha avata tsemakanya na madoroba. Mabilomu ya mapecisi aya vekeriwa eka tiphuphu ta minyangwa eku sunguleni ka lembe rintshwa. Pecisi ari tlhela ritekiwa tani hi xikombiso xa vutomi naku pfumala rifu.
Vito rale xirhapeni ra pecisi i Prunus persica, leswivulaka “present from Persia”, leswi yimelaka ku nghenisiwa ka Persian eka mapecisi hiva Roma, lava vanga swihangalasa kuya eka swiphemu swin’wana swa misava. China yaha famba emahlweni tani hi muhumelerisi wa mapecisi emisaveni hinkwayo, kulandzela tiko ra Italy nale United States.
Ndzhawu ya Vuhumelerisi e Afrika Dzonga
Mapecisi yotala ya Afrika Dzonga ya humelerisiwa endzhawini yale Western Cape. Ceres yi rhange emahlweni hiku humelerisa muxaka wa dessert (freestone) ku landzela Piketberg, Northern Province, Klein Karoo, Wolseley, Tulbagh, na Paarl. Tinhlayo tintsongo titlhela tihumelerisiwa e swifundzheni swa Free State, Eastern Cape, Gauteng, Mpumalanga, Langkloof nale Hex River Valley.
Ndzhawu ya Klein Karoo yina kwalomu ka half ya vuhumelerisi bya mapecisi ya cling e tikweni, laha kungana nhlayo yikulu leyi humaka e Ceres, Wolseley, Tulbagh, southern Cape na Worcester. Nhlayo yintsongo yaha humelerisiwa e Villiersdorp, Vyeboom, Hex River, Langkloof East, Piketberg nale Mpumalanga.
Nguva ya Mapecisi
Nguva ya vuhumelerisi e Afrika Dzonga yi sungula hi October kuya eka March, kuya hi muxaka lowu byariwaka na ndzhawu ya vuhumelerisi. Leswi swi pfumelela tiko kuva ri xavisela matiko mambe mihandzu kuya e Northern Hemisphere loko nguva ya vuhumelerisi eka matiko yalawa yi hundzile.
Afrika Dzonga hambi swiritano, i tiko lerintsongo leri hoxaka xandla eka matiko ya misava, laha ringana kutlula 15% wa mapecisi lawa ya humelerisiwaka e Southern Hemisphere. Vaphikizani nkulu eka timakete ta Europe na Asia i tiko ra Chile, Argentina na Brazil.
Vuxavisi
Vuhumelerisi bya Afrika Dzonga bya mapecisi abyi hundza kwalomu ka 210 000 tons hi lembe ra 2015 kambe byi kavanyeteka kuya eka 200 000 tons hikokwalaho ka dyandza lerikulu kusukela hi lembe ra 2017. Kwalomu ka 70% wa swibyariwa swicheriwa exikoteleni lembe na lembe, laha lawa yanga sala ya ya xaviseriwaka kwala kaya, ya omisiwa kumbe ya xaviseriwa matiko yale handle.
Mozambique, Zimbabwe, Lesotho, Singapore, United Kingdom, Angola, Hong Kong, China, Mauritius, Saudi Arabia nale Emirates ya yimela matiko yotala lawa ya xaviseriwaka hi Afrika Dzonga.
Translated by Ike Ngobeni
Mapecisi akuri yin’wana ya mihandzu leyinga byariwa rosungula e Western Cape endzhaku ka kufika ka Jan van Riebeeck hi 1655, kutani hi 189...