Malamula
Muxaka lowu humelerisiwaka ngopfu wa malamula e Afrika Dzonga i ti Navels na Valencias. Ti Navels hi xitalo ti rhangela ti Valencias ku vupfa. Ti navel ti hlawulekisiwa hikuva titlhela tiva na muhandzu wun’wana endzeni lowu wukulaka etshakwini ra muhandzu lowu. Muhandzu lowu wuthyiwe vito ra navel tani hileswi ringana xivumbeko xa nkava wa munhu. Valencias tona ti thyiwe endzhaku ka doroba rale Spain ra Valencia hambi leswi ntumbuluko wakona wunga tivekeki. Ti Valencias hi xitalo ta nyanganya naswona tina nhlonge leyinga lala loko ti pimanyisiwa nati navels naswona titala ku byaleriwa ku humelerisa juzi.
Malamula kufikela sweswi e Afrika Dzonga i muxaka wa citrus naswona yina nhlayo ya kwalomu ka 60% wa mihandzu leyi Afrika Dzonga yi xaviselaka matiko yan’wani. Ntshovelo wa Valencia e Afrika Dzonga hi wona lowukulu swinene lowu humelerisiwaka xikan’we naku xaviseriwa matikmo mambe kusuka e Afrika Dzonga naswona nhlayo yakona yile henhla ka mbirhi eka vuhumelerisi bya ti navels.
Swikwavava na Xibomu
Swikwavava na swibomu i tinxaka timbirhi to hlawuleka ta mihandzu leyi. Swikwavava switala kubyariwa eka maxelo lawa yanga hiseki ngopfu, kasi swibomu swibyariwa laha ku hisaka kumbe maxelo ya kufumelaka. Mihandzu leyi hivumbirhi kayona yina acid kumbe nantswo wo dzunga naswona yi tirhisiwa emisaveni hinkwayo eka switirhisiwa swohambana hambana. E handle ka kutirhisiwa ka yona eka swakudya na swin’wiwa, leswi humesiwaka hi swikwavava na swibomu switlhela switirhisiwa eka mimirhi, switolwa xikan’we na switirhisiwa swo basisa. Swilaveko swa kahle swinene swa misava hinkwayo swa swibomu swiendle leswaku vuhumelerisi byi tlakuka e Afrika Dzonga eka xiphemu xa citrus eka malembe lawa.
Grapefruit
Grapefruit i muhandzu lowukulu swinene wa muxaka wa citrus. Yitala kudyiwa tani hi muhandzu wa swakudya swa namixo kutani yitlhela yi endliwa juzi. Ntumbuluko wa vito ra muhandzu lowu risukela eka makulele ya wona, tani hileswi muhandzu lowu milaka wu tlimbana kufana na madiriva hi xivumbeko hi swikatsa swakona. Mihandzu yati Grapefruits yi avanyisiwile hi muhlovo wobasa na leti tingana muhlovo wokarhi wa grapefruit. Leyi ya muhlovo grapefruit yina lycopene, leswi tisaka muhlovo wa pink kumbe wotshuka eka muxaka lowu wa leyi ya muhlovo. Kuna makete wa kahle swinene wa muxaka wa leyi yo tshuka (pigmented) grapefruit eka ti makete tale Far East leti tlakusaka swinene mbuyelo xikan’we na kukula e Afrika Dzonga.
Citrus yo Vevuka
Citrus yo vevuka i ntlawa wa xiphemu xa mihandzu ya citrus leyingana nhlonge yo vevuka naswona swa olova swinene kuyi vandla naswona yitala ku vuriwa ti ‘easy peelers’. Leswi swikatsa ti mandarins, clementines, satsumas, mineolas nati tangerines. Mihandzu leyi yonyanganya yi tsakeriwa ngopfu e misaveni hinkwayo hikokwalaho ka nantswo nakuva nhlonge ya yona yi olovile. Citrus leyi yo vevuka yile kukuleni swinene emisaveni hinkwayo xikan’we na laha Afrika Dzonga, vuhumelerisi bya mihandzu leyi byi tlhele byi tlakuka swinene etikweni hinkwaro.
Kumquats
Ti Kumquats tintsongo, i muhandzu wa muhlovo wa orange. Laha makamba yalawa yari na nantswo wonyanganya na nuhelo wa kahle, muhandzu wakona wu dzunga hindlela yo hlawuleka. Muhandzu lowu wunga dyiwa wu swekiwile kambe wutala ku tirhisiwa ku endla ti marmalades, ti jelly, xikan’we na swin’wana swototela.
Translated by Ike Ngobeni
Grapefruit I nkatsakanyo lowu tumbulukekek endzhaku kaloko kutava ku hlanganisiwe pummelo (leyi tlhelaka yitiveka tani hi pomelo) xikan’w...
Xikwavava, xitiveriwa nhlonge yaxona ya xitshopani na nantswo wodzunga lero koka na tihlaya, I muhandzu wun’wana wa nkoka wa citrus lowu b...
Ti limes tihanya kahle swinene eka maxelo ya tropical na subtropical. Kutshembiwa leswaku titumbuluke e Southeast Asia – kwalomuya e north...
Malamula kufikela sweswi hiwona swibyariwa nkulu swa citrus swa tikor a Afrika Dzonga. Rina kwalomu ka 60% wa mihandzu ya Afrika Dzonga ya c...
Kuna tinxaka to hambana hambana ta citrus yovevuka leti byariwaka e Afrika Dzonga....