Ti limes tihanya kahle swinene eka maxelo ya tropical na subtropical. Kutshembiwa leswaku titumbuluke e Southeast Asia - kwalomuya e northern India, laha ku hlangaka swiphemu swa Myanmar, Malaysia na Indonesia. Kwalomuya kava 10th century, vaxavisi vama Arab vatise misinya yati lime kusuka eka tendzo tavona tale East kutani vati yisa e Egypt nale northern Africa. Kuriku ti Arabian Moors titeke muhandzu lowu kuya e Europe kwalomuya kava 13th century.
Ti Limes titshembiwa kuva titumbuluke hikokwalaho ka minkatsakanyo yotala yohambana hambana, laha yotala kunga citrus ya rihlaza endzeni kutani yivuriwa lime. Tinxaka tohambana hambana, tivuye tiva kona naswona ta hamba na kuya hi ntumbuluko wa tona.
Limes vs Xikwavava
Ti limes ita xirhendzevutani naswona tina muhlovo wa rihlaza loko ti pimanyisiwa na swikwavava, leswi hi xitalao swinga swa xivumbeko xa oval na muhlovo wovonikela wa xitshopani. Ti limes titlhela tiva tintsongo eka swikwavava.
Mihandzu leyi hi vumbirhi yina acid naswona ya dzunga, kambe ti limes titala kuva tona tidzungaka kutlula mpimo. Kutlhela kuva na muxaka wati limes lowu nyanganyaka wutlhela wu dzunga. Ti limes leti nyanganyaka tifumala citric acid leyi nyikaka nantswo lowuya wo dzunga eka leti dzungaka.
Vuhumelerisi Bya Misava Hinkwayo
Vuhumelerisi bya lime I byintsongo swinene loko ku pimanyisiwa na mihandzu yin’wana ya citrus. Leswi swikombisiwa hi Tridge, Spain hirona tiko leri fambaka emahlweni hiku xavisela matiko yale handle, leringana kwalomu ka 18.8% wa kuxavisiwa ka lime hinkwayo hi 2018, loko Mexico riri eka xiyimo xavumbirhi, ririna 15.6% wa nhlayo hinkwayo.
Tikor a United States hi rona rixavaka ngopfu kusuka e handle eka 15.6% wa mihandzu hinkwayo ya lime hi 2018, loko Germany riteka xiyimo xa vumbirhi, eka 11% wa nhlayo hinkwayo. France na tiko ra Netherlands yale ka xiyimo xa vunhargu hivumbirhi, laha rin’we ringa eka 7.2% wa nhlayo hinkwayo.
Vuhumelerisi e Afrika Dzonga
Vuhumelerisi bya lime e Afrika Dzonga I byintsongo swinene, laha kungova na 82 ha ntsena leyinga tsarisiwa eka kuxavisela matiko mambe hi 2018. Leswi swivangiwa hiku varimi vakota ku endla mali yotala kusuka eka swibyariwa swin’wana swa citrus.
Vuhumelerisi Bya Laha Kaya
Lime yihumelerisiwa etikweni hinkwaro kuva yitirhisiwa emakaya kumbe kuhakela vaxavisi vale kusuhui. Hoedspruit, hambiswiritano, yina kutlula hafu ya ndzhawu leyi tsarisiweke ya vuhumelerisi hi 2018. Loko Bolandyona yiri na 12 ha na Western Cape na Patensie tiri na 8 ha hi yin’we. Nkombo wati hectares ati tsarisiwile kuxavisela matiko mambe e Groblersdal.
Tinxaka Nxaka
Bearss na Tahiti itinxaka leti byariwaka ngopfu ta lime e Afrika Dzonga. Muxaka wa Bearrs wu ehleketeleriwa kuva wutumbuluke e California, kusuka eka ximilani lexinga tumbuluka kusuka eka muhandzu wa Tahitian. Wu thyiwe vito leri hikwalaho ka nwinyi wa wona, TJ Bearss, wa nursery leyi wunga tumbuluka kona.
Ntumbuluko wa mampela wa Tahiti lime awu tiveki. Vito leri rivula leswaku muxaka lowu wuyisiwile e California kusuka e Tahiti kun’wani kwalomuya exikarhi ka 1850 na 1880. Muxaka lowu wu ehleketeleriwa kuva wutumbuluke kusuka loko kutava ku hlanganisiwe tinxaka tinharhu, laha kunga hlangana tinxaka timbirhi tohambana ta ndyangu wa citron, pummelo na wun’wana wa citrus.
Nguva
Hambi leswi varimi va Afrika Dzonga vakotaka kutshovela lembe hinkwaro, nguva ya ntshovelo yisungula hi January kuya eka May.
Switirhisiwa
Ti lime tifuwile hiti flavonoids, leti kotaka ku tshungula mavabyi ya fukuzani nati antioxidant. Juzi, xikombiso, yitirhisiwile e West Africa kuringana malembe lawa yotala ku tshungula naku sivela cholera. Ti limes titlhela tifuwa swinene hiti vitamins nati minerali. Tina kwalomu ka kutlula 30% wa swialveko swa lavakulu swa masiku hinkwawo swa vitamin C.
Hikokwalaho na nantswo wakona wo dzunga, ti limes hintolovelo ati dyiwi titetano. Juzi na ku kariha, hambiswiritano switala ku tirhisiwa eka kusweka, loko swilayi swa lime switirhisiwa ku katsiwa eka ti cocktails na swinwiwa swin’wani.
Kukuma juzi yotala swinene eka ti limes, tifanele kuhumesiwa juzi eka kuhisa loku ringanaka n aka kamara. Nhlonge yobasa leyinga ehansi ka makamba yina nantswo wo dzunga swinene naswona yifanele ku papalatiwa loko yi tsemeleriwa.
Translated by Ike Ngobeni