Fynbos e e tlholegang mono e bonala ka monkgo wa yone o o kareng leungo (fruity), mmala wa botala ba legodimo oo tseneletseng, oo bonalang o tlhagelela fa e ka apeyiwa ka mowa wa metsi (steam Extraction) mo thitong ya yone le mo matlhareng. Oli e, e galalediwa bokgoni ba yone ba go sisibatsa ditshikha (calming properties). Mme e dirisediwa phekolo ya go sa nnannisege (anxiety), go tlhoka boroko le ditlhogo tse dibotlhoko.
Bogologolo matlhare a setslhare se a ne a tsenywa mo mesamong gore a kgone go rotloetsa motho gore a bone ditoro tse di monate. E bile e ne e dirisediwa go bolaya megare, le go koba meya e mebe mo ntlong fa mongwe a tlhokofetse mo lelapeng.
Ka lebaka la bokgoni ba yone ba go fodisa borurugi, e dirisediwa go alafa matlhoko a mesifa, le marapo a a botlhoko ka lebaka la ramatiki, neuralgia le mokwatla oo fokolang. Oli e, e dirisiwa gape mo industering ya di-cosmetic ka gonne e phekola borurugi mme e fodisa mmele. Kaga e sena tatso e e botlha thata, e ka dirisiwa mo dijong go dinaya tatso e e rileng. Cape Chamomile e lemiwa kwa polaseng ya Skimmelberg Farm kwa Clanwilliam, mme gape e mela fela kwa dithabeng tsa Kapa Botlhaba le Free State.
Kwa tshimologong, Roman Chamomile (Anthemis Nobilis) e ne e lemiwa kwa Phandulwazi Farm kwa Tyume Valley, gaufi le Hogsback mo motseng wa Amathola. Themothuo ya sejalo se ga e bonolo ka gonne e sa rate metsi a mantsi. Matlhare a sone a fotlhiwa gangwe ja ngwaga mme seo se dirwa ka tiriso ya mabogo. Se rata mafelo aa phodileng a di-altitshutu (altitudes) tse di kwa godimo.