I-Cape Chamomile

© Peganum

I-Cape Chamomile (Eriocephalus Punctulatus) ihlangana nalezo zama-‘camomile’ yesimilo ezingakadumi khulu, amafuthazo asetjenziselwa ukulapha amalwelwe. Iinhlobo zaso ezidume ngokusetjenziswa kwamafuthazo zimhlobo khulu zibizwa nge-German kanye ne-Roman chamomile, kodwana i-Maroc chamomile nayo iyasetjenziswa. Kuhlekuhle ayisiyo i-‘camomile’ kodwana ukubakhona kweencenye ezibizwa ngama-azulenic compounds kupha amafutha la umbala ohlaza sasibhakabhaka owenza ihlobane namafutha we-chamomile.
Isimilo sendabukwesi sitjhejeka khulu ngomnukwaso wesithelo kanye nombalaso ohlaza sasibhakabhaka obonakala ususwe mumoya osakungu ukusuka esiqwini kanye nemakarini. Amafutha la abukwa khulu ngokukhamba phambili ekupholiseni, begodu amafutha akhethekako ekulapheni ukutshwenyeka, ukungalali kuhle, kanye nehloko ebuhlungu.
Ngokwesiko pilo amakari westjalwesi bekafakwa emisamelweni, ukukhuthaza nokubiza amabhudango amahle, begodu bekasetjenziselwa ukukhupha kanye nokuqotjha imimmoya emimbi, ngemva kobanyana bekukhona ohlongakeleko ekhaya.
Silwisana nokuvuvuka, begodu singasetjenziswa ukupholisa imisipha ebuhlungu, namalungu wamathambo ahlobene nobulwelwe bamathambo, umgogodlha obuhlungu nezinye iinhlungu. Amafutha la abuya asetjenziswe ezintweni zezobuhle nezokuhlamba ngebanga lokuthi zipholisa ukuvuvuka, zingasetjenziswa godu njengesithako sokunandiphisa ekudleni. I-Cape chamomile itjalwa eplasini le-Skimmelberg e-Clanwilliam kodwana ikhula khulu eentabeni zePumalanga Kapa ne-Free State.
I-Roman chamomile itjalwa ngaphandle kokusebenzisa ama-chemical eplasini le-Phandulwazi endaweni ye-Tyume Valley, eduze ne-Hogsback esiphandeni se-Amathola. Akusilula ukwandisa isitjalwesi, begodu sibabuthakathaka nasithelelelwa ngokudluleleko. Amakari avunwa kanye ngonyaka, begodu lokho kwenziwa ngezandla. Isimilwesi sizwana neendawo ezipholileko kanye neziphakamileko.

Ukwala Kwezemaphilo

Ilwazeli lenzelwe ukufundisa kwaphela begodu akukafaneli bona lisetjenziswe njengesiyeleliso sezepilo. Ilwazeli alikenzelwa ukujamiselela iinluleko zezepilo nanyana ukulatjhwa okunikelwa ngusiyazi wezepilo.

Translated by Johannes Nkosinathi