Xintu xa fynbos xitekeriwa enhlokweni hikwalaho ka nuhelo wa mihandzu xikan’we na muhlovo wo enta wa wasi lowu humaka eka tshindzi ra xinsinyani lexi xikan’we na matluka. Mafurha lawa ya beriwa mandla swinene eka kuva yakota ku enhlisa moya eka munhu nakuva kuri lawa yatsakeriwaka ngopfu kuva ya pfuna eka nkelunkelu, ku pfumala vurhongo no pandziwa hinhloko. Hintolovelo matluka ayatirhisiwa tani hixikhigelo leswaku munhu atava na milorho leyinene nakambe akutirhisiwa yona ku hangalasa mimoya endzhaku kaloko kutava kuri na rifu emutini.
Tani hileswi mafurha lawa yanga pfimbiseki, yingaha tirhisiwa kuhorisa timayisele, mahlangani na mavabyi lawa ya fambelanaka na arthritis, neuralgia na kuvava ka nhlana. Mafurha lawa yatirhisiwa yatirhisiwa eka switolwa hikuva yanga pfimbisi no kota ku horisa. Kuya hileswi nantswo wa wona wunga e hansi swinene, yanga tirhisiwa tani hiku engetelela nantswo eka swakudya. Cape camomile yibyariwa epurasini ra Skimmelberg e Clanwilliam kambe yitlhela yikotaku mila nale nhoveni ngopfu ngopfu etintshaveni ta Eastern Cape nale Free State.
Roman chamomile (Anthemis nobilis) yibyariwa epurasini ra Phandulwazi e Tyume Valley, kusuhi nale Hogsback eka Amathola district. Aswi olovi kusimula swimilani leswi kuya swibyala swinwana naswona ximilani lexi axi lavi kucheletiwa ngopfu. Matluka ya xona ya tshoveriwa kan’we hi lembe naswona swi endliwa hi voko. Ximilani lexi xikota ku hanya kahle eka tindzhawu to hola, etintshaveni.