Sehalahala sa matlaka (Eriocephalus Punctulatus) ke sejalo se sa tsejweng haholo sa "dihalahala" se sebediswang e le oli e phekolang. Maloko a sona a tsebahalang a sebediswa e le dioli tse hlokehang ke dihalahala tsa bageremane le baroma, empa le sehalahala sa Moroko se a sebediswa. Hantlentle, ha se "sehalahala" empa boteng ba motswako wa asoleniki o fa oli ena mmala o boputswa ba lehodimo o tsejwang wa dioli tsa dihalahala.
Mohlohlwane wa botswalla o bonahala ka setebelalephoka le mmala wa teng o boputswa ba lehodimo bo monyollwang (ka phofudi) kutung le mahlakung. Oli ena e roriswa ka baka la hore e a kgutsisa ebile ke oli e kgethwang haholo ho phekola ngongoreho, kgaello ya boroko le hlooho e opang. Mahlaku a hlola a sebediswa mesamong ho kgothaletsa ditoro tse lokielng ebile a sebediswa ho kubetsa le ho fedisa meya ha ho bile le lefu ka tlung.
E thusa ka ho fedisa ho ruruha ebile e ka sebediswa ho phekola mahlaba a mesifa le manonyello a tlang le bohloko ba manonyeletso ba nako e telele, mahlaba a methapokutlo le mahlaba a mokokotlo. Oil ena e sebediswa ditlolong tsa botle ho fedisa ho ruruha le ho kokobetsa ebile e ka sebediswa dijong hobane e tatso e tlase. Sehalahala sa matlaka se hola polasing ya Skimmerlberg Clanwilliam empa se hola hape dithabeng tsa Kapa Botjhabela le Foreisetata.
Sehalahala sa baroma se hola polasing ya Phandulwazi e Tyume Valley, haufi le Hogsback sedikeng sa Amathola. Dijalo ha di jalollwe ha bonolo ebile ha di a tlameha ho nosetswa haholo. Mahlaku a kotulwa hang ka selemo ebile a kotulwa ka matsoho. Sejalo sena se atisa ho hola dibakeng tse phodileng, bophahamong bo hodimo.