iHemp (Cannabis sativa) sitjalo lesingateki kahle lesisetjentiselwa liyadi laso, ifibre, oyili kanye nekudla phindze sivame kuphambitiswa ne sidzakamizwa ngenca yebudlelwane baso nabomzala labayiphoyizini: insangu noma ‘idagga’ (Cannabis indica)
Lelitiko le hemp lakheka kusuka ku Cannabis sativa L, lokutfwele lokungephasni kwa 0.1 kuya ku 0.3% we THC – tigaba letivumelekile te THC kulinye live. ‘iHemp’ ngaleyondlela’ litemu le sitjalo se cannabis lesikhuliselwa kungasetjentiswa njenge sidzakamizwa se euphoric.
Insangu, ihemp ne cannabis ngemagama latiwako etitjalo te genus Cannabis. iCannabis itfwele ngetulu kwema cannabinoids lalikhulu nelishumi, lekufaka idelta-9-tetrahydrocannabimol (THC), le cannaninoid leyiphoyizini phindze lesebenta ku nsangu. iTHC yatelwa ngekuvula inhlitiyo, icedza buhlungu kanye netintfo te euphoric.
Le THC itfwele emacannabis ngiso lesizatfu yini lomkhicito we hemp usakatwa mhlabawonkhe. Nomakunjalo, titjalo te hemp atikhokha kahle iTHC kutsi isebente njengephoyizini.
iHemp ne Cannabinoids
Ema cannabinoids atfolwa emtimbeni webantfu futsi abalulekile ekusebenteni kwemtimba. Ngemakhemikhali lakhiwe ngetitjalo (phytocannabinoids) phindze kumitimba yebantfu (endocannabinoids). Letitakhiwo, kanyekanye ne cannabinoid engcondvweni, takha incenye yendlela ye endocannaninoid emtimbeni webantfu. Lenandlela ye endocannabinoid igadza lokukhulwa kwe neurotransimitters, isita ebuhlungwini futsi kufka inhlitiyo nekuhamba kwengati, lendlela yekugaya kanjalo ne kunyakata kwesibidzi.
Noma ke badli bebasolo bafuna emacannabinoids lalahliwe kumbali ye cannabis: iCannabidiol (CBD) ne tetrahydrocannabinol (THC). iCBD itfolwa kuncenye lengetulu yesitjalo se hemp bese ku mbali ye hemp futsi itsatselwe kukhokha iCBD-levutsiwe nge oyili ngaphandle kwekusebenta ngephoyizini.
Lamanye emacannibinoids afaka ema Cannabigerol (CBG), ema cannabichromene (CBC) ne cannabinol (CBN). Lamatfuba ekusetjentiswa kwako asafundzwa kepha kukhomba kwelwashwa lokungenteka ngekusebentisa kutifo letishisako phindze njengentfo yekulala.
iHemp ne Mtsetfo
eNingizimu Afrika, ihemp isatsatfwa njengesidzakamizwa. Kubekwe Litiko Letemphilo. Sibe Sento kanye Nemitsi kuyimitsetfo lefakiwe ekugadzeni letindzawo tekulimela kanye nenchubo ye hemp eNingizimu Afrika. Imvumo yekulinywa kwe THC cannabis-lephansi ngetidzingo telitiko ingakhokhwa ngMholi weTemphilo ngetindlela te Sahluko sa 22A (9)(a)(i) ku Sento se Mitsi.
Timvumo tiyakhokhwa yi South African Health Products Regulatory Authourity (SAHPRA) lekumelele iMedicine Control Council (MCC).iSAHPRA iwela ngaphansi kwe Litiko lwe Temphilo. Emaphepha lagcwaliswako kwentela kukhicita ihemp angatfolwa kumahhovisi eSAHPRA
Timvumo letikhokhwako tekukhicita ihemp tisanikwa labo ‘labacwalinga ngetidzingo tayo’ lekuchaza kutsi kutsengiswa kwe mkhicito we hemp kusolo kuseyintfo lengacaci, intfo lekhokhe ngu Gill Staniland, lilunga lelasungula iCannabis Industry Development Cooperative of Western Cape (CIDCWC).
Umkhicito we hemp sewuvunyelwe eUnited States kusuka ekuhambeni kwe Sento seTekutfutfukisa Kulima ngemnyaka wa 2018. Nomakunjalo, umkhicito we hemp kumele unguloku uhambisana nemitsetfo yetekulima kanjalo njengaloyo wa 2014 we Sento se Tekulima eU.S. phidze iphatse timvumo letikhokhwe litiko lwe tekulima.
With the legalisation of the 2018 Farm Bill in the United States, the production and transfer of hemp over state lines have increased the demand for both hemp and cannabidiol (CBD) products
Ngalomtsetfo wemnyaka wa 2018 we Farm Bil eUnited States, lomkhicito kanye nekufakela kwe hemp ngetulu kwemalayini estate sekukhulise lokufunwa kwemikhicito ye hemp ne cannabidiol (CBD).
Translated by Phindile Malotana