Kwakheka Kwetitjalo Letincane
Kukhiciteka kwe lavender kusuka enhlavini kepha ngalesi sikhatsi kuchubela etinkingeni kuciniseka liciniso kunhlobo yetitjaloletincane. iLavender lekhicitelwa kutsengiswa ikhicitwa kahle titjalo letijutjiwe etintfweni letitsenjiwe. Kubekela noma kwehlukanisa titjalo leticaliwe kanye nekuhlanyela loku ngaphandle kuphindze kwentiwe kepha hhayi esikalini lesikhulu.
Indlela Yekuhlanyela
iLavender lehlanyelwa balimi labatsengisa kakhulu, yentiwa kakhulu, ngekuhlanyela titjalo letincane lesetivele tikhicitwe kuleto letijutjwe endlinileluhlata. Loku kunika lomlimi kutsi anake kakhulu kusindza kwalesitjalo kanye nekuhlangana. Letitjalo te lavender tingaphindze tihlanyelwe ngesandla noma ngemshina wekuhlanyela.
Kushiywa Kwesikhala
Titjalo kumele tibenesikhala lesimashumi lasihlanu emasentimitha ngekuvuleka kwato emilayinini lelikhulu lemasentimitha kuya ekhulwini nemashumi lamabili emasentimitha ngekushiyana kuye ke ngalobuningi noma lenhlobo yemshina lesetjentisiwe.
Loku kuma lokuhambela kutinkhulungwane letilishumi nesitfupha kuya kutinkhulungwane letimashumi lamabili tetitjalo telavender kuhekitha linye. Tikhala tekufakela noma tindlela tesigulumba tiyashiywa kwentela kunaka emalungiselelo kanye nekuvuna.
Sikhatsi Sekuhlanyela
Sikhatsi lesilungele sekuhlanyela ilavender likwindla, ngako, eNingizimu Afrika ekupheleni kwenyanga yeNdlovu noma ekungeneni kwaMabasa kuciniseka kutsi letitjalo letincane tikhula kahle ngaphambi kufike busika nekutsi ngesikhatsi sentfwasanhlobo ticinile futsi takheke kahle.
Hlanyela tindumbu te lavender kumatreyi ato endzaweni levikelekile noma endlinileluhlata ngesikhatsi senyanga yeNhlaba futsi nasekucaleni kwentfwasahlobo letitjalo letincane kumele tibeticinile kahle kutsi tingahlanyelwa emasimini. Titjalo letincane tivame kucina kahle emavikini lasiphohlongo ngemuva kwekulinywa kwetinhlavu.
Titjalo letincane tingaphindze tihlanyelwe ekungeneni kwentfwasahlobo. eNingizimu Afrika ngekuphela kwenyanga yeNgci nasekungeneni kwenyanga yeNyoni ngemuva kwesitfwatfwa sekugcina.
Sikhatsi Sekukhula
Emaviki lalishumi nakubili endlinileluhlata kumele kuphume titjalo letincane leticinile letiphuma kuleto letijutjiwe lebesetilungele kuhlanyelwa emasimini. Incumbi yebakhiciti bacala kuvuna lelavender ngesikhatsi semnyaka wesibili noma ngelihlobo. Kuletinye tikhatsi lapho khona kwentiwa kuhlanyela ngesikhatsi selikwindla lihlobo lekucala lingahle likhokhe lokutojutjwa.
Kusuka emnyakeni wesibili, kuvuna kwesibili kungenteka kungakafiki likwindla. Umnyaka wesibili wekuvuna ungakhokha umkhicito losetulu. Titjalo te lavender tingavunwa iminyaka lelishumi kuya kulelishumi nakubili uma tinakeka kahle. Titjalo te lavender njengalamanye emacembe tibanetigodvo kanye netinsaba natikhula ngako kunakekela kumele kwenteke kute kungatolimateka lesisusa salesitjalo ngoba singafa.
Kuvundzisa
Ungayivundzisi-kakhulu le lavender. Ngaphambi kwekuyihlanyela, umhlaba wemfanekiso kumele utsatfwe bese umikiswa ekuhlolweni. Loku kutochaza lenhlobo kanye netidzingo tenutrient talenhlanyelo lefunwako.
Ngekulandzela lokumatima, letintfo letikhetsiwe letilandzelako tingasetjentiswa lapho kute khona umhlaba wekuhlolwa. Intfo lengu 250 kg lefakwako ya 3:1:5 ingavetwa bese ifakwa emhlabatsini longetulu longemasentimitha lamashumi lamabili ngaphambi kwekuhlanyela letitjalo letincane te lavender. Loku kutonika letitjalo letincane letinsha kucala lokuhle kwekwakheka kwato.
Ngesikhatsi setinyanga letilishumi nakubili tekucala, kubalulekile kugcina letitjalo tikhula khona kufaka lokwengetekile lokubili kwa 200 kg wa 3:1:5 angafakwa kumilayini waletitjalo, sinye ngenyanga yeLweti bese lesinye ngenyanga yeNdlovu. Nasekucale kuvuna niyecwayiswa kutsi nivundzise kancane ngemuva kwekuvuna lokujutjiwe konkhe. Ngekunisela ngematfonsi, kwekuvundzisa lokumanti kumele kufakwe ngendlela yemanti.
Kunisela
Lesitjalo se lavender sisemkhatsini-ngekucina futsi asidzingi emanti lamaningi. Uma sihlanyelwe ngaphandle kwekunisela sonkhe sikhatsi imvula lengaba ngema milimitha lamakhulu lasiphohlongo lasakateke emnyakeni wonkhe kumele kube kuningi noma kube ngulokwenele.
Kufaka tintfo tesikhatsi sonkhe tekunisela kuyenta kukhulisa lokukhokhiwe lapho khona kute imvula etindzaweni letitsite ikakhulu ngetinyanga telihlobo. Indlela yekunisela yelitfonsi ikahle kakhulu kepha unganiseli-kwecele njengoba loko kwenta tifo tetimphandze phindze kunciphise lelizinga le oyili lebalulekile.
Kushiyana ngenhlobo yemhlabatsi kanye nesimo selitulu, sisindvo sekunisela sitohluka kunsimu ngensimu. Silinganiso lesihle sisemkhatsini wemamilimitha lalishumi nesihlanu nemashumi lamabili ngeliviki ngetikhatsi tetinyanga letifutfumele nekunciphisa noma kumisa kunisela ngetikhatsi letiphollile noma ngetinyanga tetimvula temnyaka.
Unganiseli kuleloviki ngaphambi uvune, kepha nisela ngekushesha ngemuva kwekuvuna kwentela kubuyisa umhlaba endzaweni yekufutfumala nekubamantana kwentela kususa tinkinga. Kuyacwayiswa kutsi nifake tintfo tekugadza letifutfumele naletimantana kwentela kuchubeka nigadze lomhlabatsi.
Kugadza Lukhula
Kugadza lelikhula lapho kuhlanyelwe khona kubaluleke kakhulu. Kugadza ngesandla noma ngemushina noma ngekunakekela. Loku kungaphindze kwenteke ngekutsi kumbonywe ngeliplasitiki lelingaphansi noma ngetitjalo letifile noma tjani kwentela kuvala likhula kutsi likhule noma lingeteke.
Sisindvo setitjalo letiphakeme letingaphansi kwekunislea ngelitfonsi, kulungele kusitsa lomhlaba kanye nekunciphisa likhula ngekushesha. Uma lalabahlanyelako bafaka oyili wabo ngako lolokumoshakele nakubiliswa kungasetjentiswa njengentfo yekumbonya emilayinini yaletitjalo.
Translated by Phindile Malotana