Ukutjalwa Kwawo
Ukutjalwa kwe-lavender kwenziwa ngembewu kodwana ngesinye isikhathi kurholela emirarweni yokuqiniseka kobana uthola umhlobo ongiwo wembewu. I-lavender etjalelwa ukwenza inzuzo itjalwa ngokobana isikwe kwenye. Ukuhlukanisa istjalo esele similile usitjale kungenziwa kodwana ingasi sendaweni ekulu.
Indlela Yokuyitjala
Ukutjalwa kwe-lavender balimi abatjala ngehloso yokwenza inzuzo, kuvamise ukwenziwa, ngokutjala amaplantjisi esele akhiqizwe kilawo asikwe kwamanye e-greenhouse. Lokhu kupha umtjali ilawulo lokobana ufuna ukutjala ezingangani ngokobana zijame njani.Iintjalo ze-lavender zingatjalwa ngesandla nanyana ngomtjhini wokutjala.
Iinkhundla
Iintjalo kufanele zenzelwe iinkhundla nanyana zihlukaniswe ngenkhundla eziyi-50 cm emareyini ahlukene nge-100 cm ukuya ku-120 cm okuya ngokobana mhlobo muphi womtjhini osetjenziswako. Lesi sitandi ekutjalwe kiso iintjalo ze-lavender eziyi-16 000 ukuya ku-20 000 qobe li-hectare. Iindlela zemitjhini kanye namatregera ziyatjhiywa ukuze iintjalo zirhone ukutlhogonyelwa kanye nokuvunwa.
Iskhathi Sokutjala
Iskhathi esihle sokutjala i-lavender siruthwana, njeke eSewula Africa ingatjalwa lada ngoMrhayili nanyana ekuthomeni kwakaSihlabantangana iukuqiniseka kobana zimila kuhle ngaphambi kobusika ngokobana ekuthomeni kwetwasahlobo ziqinile begodu zimile kuhle.
Tjala imbewu ye-lavender ematreyini wembewu endaweni evikelekileko nanyana ku-greenhouse begodu ekuthomeni kwetwasahlobo amaplantjisi wayo zabe sele aqine ngokwaneleko kobana angatjalwa emasimini. Amaplantjisi avamise ukuqina ngokwaneleko ngemva kwemveke ezibunane atjaliwe.
Amaplantjisi angatjalwa ekuthomeni kwetwasahlobo. ESewula Africa angatjalwa lada ngoRhoboyi nekuthomeni kwakaSeputemba.
Isikhathi Sokuyikhulisa
Ngemva kwemveke ezilisumi nambili ziku-greenhouse kufanele zikhiqize amaplantjisi aqinileko kilawo asikwe eentjalweni esele zilungile esimini. Abakhiqizi abanengi bathoma ukuvuna i-lavender ngomnyaka wesibili nanyana ehlobo. Kwesinye isikhathi lapha atjalwe ngesiruthwana angakhathwa ngehlobo lokuthoma.
Ukusukela enyakeni wesibili, isivuno sesibili singenziwa ngesiruthwana. Enyakeni wesibili iinkhiqiza umkhiqizo omnengi. Iintjalo ze-lavender zingavunwa ukufikela eminyakeni eyi-10 ukuya kweyi-12 nange zitlhogonyelwe kuhle. Iintjalo ze-lavender njengamanye amakhambi zitjhuguluka zibezinkuni zibe tshetlha lokha naziluphalako njeke tjheja ungazoni ngebanga lokobana zingafa.
Ukuyivundisa
Ungavundisi khulu i-lavender. Ngaphambi kokobana uyitjale, thatha ihlabathi lapha uzokutjala khona uyoyihlolisa. Lokhu kuzokutjengisa bona mhlobo bani wehlabathi kanye nezakhimzimba ezitlhogwa sitjalo ofuna ukusitjala. Kufanele kulandelwe iinyeleliso ezilandelako lokha nayingakahlolwa ihlabathi. Ekuthomeni faka i-250 kg ye-3:1:5 ihlanganiswe nehlabathi eyi-20 cm yangaphezulu ngaphambi kokobana utjale amaplantjisi we-lavender. Lokhu kuzokupha amaplantjisi we-lavender. Eenyangeni zokuthoma eziyi-12, kuqakathekile kobana amaplantjisi aragele phambili ngokukhula njeke faka enye i-200 kg ye-3:1:5 emareyini wentjalo, yinye ngoSinyikhaba yinye ngoNtaka. Ngemva kokobana ukuvuna sele kuthomile kumbono omuhle ukuvundisa kancani. Nange uthelelela nge-drip irrigation, isivundisi samanzi kufanele sifakwe ngamanzi.
Ukuyithelelela
Iintjalo ze-lavender zintjalo eziqinileko begodu azitlhogi amanzi amanengi. Nange zitjalwe ngaphandle kokobana kufakwe umtjhino wokuthelelela wasafuthi ivuli eliyi-800 mm enyakeni lanele.
Ukufaka imitjhini yokuthelelela yasafuthi kwandisa isivuno lokha nakunganazulu khulukhulu ehlobo. I-drip irrigation yihle kodwana ungatheleleli khulu ngebanga lokobana kungabanga kobana imirabhu ibole bekuphungule amafutha aqakathekileko.
Okuya ngokobana mhlobo bani wehlabathi kanye nobujamo bezulu, umthamo wokuthelelela uyahluka isimu nesimu. Amanzi ayi-15 ukuya ku-20 mm ngeveke alungile ehlobo begodu ukuphungula nanyana ukujamisa ukuthelelela lokha nakuna izulu kuhle nakho. Ungatheleleli evekeni ngaphambi kokobana uvune, kodwana thelelela khonokho ngemva kokuvuna ukubuyisela ihlabathi ileveli yobuswe bayo ukuphungula ukugandeleleka ngokomkhumbulo.
Kuhle ukufaka umtjhini omeda ubuswe ukuze uragele phambili ukuhlola ihlabathi.
Ukulawulwa Kwekhula
Ukulawula ikhula eentjalweni kuqakathekile. Lilawule ngezandla nanyana ngomtjhini wokuhariga nanyana wokutjala. Lokhu kungenziwa nge-mulching nge-ground cover yeplayistiki nanyana yentjalo ukukhandela ikhula kobana limile. Iintjalo ezihlangene khulu zihle ekuphunguleni ikhula ekumileni. Nange abatjali bazenzela wabo amafutha, iinsalela ezisala namaputjuza amafutha zingasetjenziselwa ukwenza i-mulching eduze kwamareyi wentjalo.
Translated by Busisiwe Prudance Skhosana