Kukhokha Lokuncane
Kukhokha lokuncane kwecourgette kusuka etindumbini.Indlela Yekuhlanyela
Kuhlanyelwa kwe courgetti kungenteka ngendlela lecondzile yetitjalo letincane tembhedze noma ngekukhicita titjalo letincane ngesikhatsi sasebusika nangesikhatsi lapho letimo tilungele kuhlanyela loku kuye emasimini. Kuhlanyela titjalo letincane kunika kucina kwetitjalo kulendzawo futsi kuwina sikhatsi lesivumelako ngekuvuna lokusekucaleni.Kuvulwa kweSikhali
emaCourgette kumele avulwe sikhala lesimashumi lasihlanu emasentimitha ngekushiyana kulemilayini lelikhulu ngemasentimitha ngekushiyana. Kuma lokuhle kwesitjalo semacourgette sisemkhatsini wetinkhulungwane letilishumi netinkhulungwane letilishumi nesihlanu ngetitjalo kuhekitha linye. Tindumbu tihanyelwa ngemasentimitha lasihlanu kuya kulasikhombisa ngekushona.Sikhatsi Sekuhlanyela
Ngekuhlanyela ngekucondza, loku kungenteka ngekushesha njengoba lesitfwatfwa sebusika bamuva bendlulile. Umatitjalo letincane tecourgette tilungiselwe ngekhatsi endlini leluhlata loku kungabese kuyacala ngenyanga Kholwane phindze ngemuva kwemaviki lamane kuya kulasihlanu angahlanyelwa aphume ngekushesha ngemuva kwesitfwatfwa sekugcina, loku kutokhokha umkhicito wasekucaleni.Sikhatsi Sekuhlanyela/Lima
emaCourgettes avama kuhlanyelwa nakucala intfwasahlobo kusuka ngenyanga yeNgci kkuya ekucaleni kwenyanga yeLweti.Angaphindze ahlanyelwe umnyaka wonnkhe etindzaweni lapho khona timo telitulu tingengceli ku 30°C sikhatsi lesidze noma tingatfoli lwati lwesitfwatfwa ngetinyanga tebusika.
Sikhatsi Sekuhluma
Kusuka ekuhlanyelweni kwetindumbu kuze kube lapho khona bantfwana bemacourgette bekkucala bangavunwa emavikini lasiphohlongo kuya kulalishumi. Ngemuva kwaloko kuvuna lokuchubekako kumbe kabili ngeliviki kuchubela kutfutfuka kwetimbali netitselo kantsi nekuvuna kungachubeka emaviki lachutjiwe lasitfupha.Kuvundzisa
Ngaphami kwekuvundzisa, kulungiselela lokuhle kutfola Sibonelo semhlabatsi lotsetfwe wahlolwa nekutfola tincomo letichamuka kusohhovisi wendzawo kanye nema agronomists ekuvundzisa ladzingwa ngulama courgettes.Linani lelikahle lemanutrient lanconyiwe ngulelilandzelako: ngesivundziso sekucala lesifakiwe ngesikhatsi kulinywa letitjalo letincane, faka emakhulu lamatsatfu nemashumi lasihlanu kuya kumakhulu lamane ema kg e3:1:5 (emashumi lamabili nesitfupha) noma lamanye emapotassium-lavutsiwe eNPK hlanganisa ngekuphangisa ngaphambi ulime bese uhambisa loku kulomhlabatsi longetulu walesitjalo emlayinini. Loku kubese kutfolakala ngekushesha kulesitjalo ngemuva kwekuhlanyelwa. Ngesikhatsi kwenteka kuhlanyela lokucondzile, kufakwa kwekucala kwesivundziso kungahanjiswa kulomlayini wesitjalo ngesikhatsi letitjalo ticondzile futsi tingemasentimitha lasihlanu kuya eshumini ngemasentimitha kuya etulu.
Kungaba ngemaviki lamatsatfu kuya kulamane ngemuva kwekufaka kwekucala, kufaka kwesibili kwalokufanako njengaloko kwekucala kungafakwa ngekusakatwa emilayinini yesitjalo. Umangabe kunisela ngematfonsi kusetjentiswa ngako kufaka loku kungenteka ngemanti. Kuvundzisa ngalokumanti kuvame kusakatwa ngetulu kwalokune noma lokusihlanu ngesikhatsi sekukhula.
Kubalulekile kutsi kungasetjentiswa kakhulu kwe nitrogen njengoba loko kungakhulisa emacembe kunekukhicitwa kwetimbali njengoba ngalenandlela ngepotassium lesetulu lehlanganisiwe.
Kunisela
emaCourgette anganiselwa ngekwekunisela lokuhambela ngetulu kepha labaningi labakhulisako ngekwentsengo baya ekuniseleni ngematfonsi njengoba loko kugcina emanti phindze kuvumele emanti lakahle kantsi nekufaka emanutrient kulesitjalo.Emanti amahhala kumacembe kanye netimbali letisuka ekuniseleni ngekusakata ngekufutsa sivundziso kuphindze kutfutfukisa kubola nekufa kancane.
Timphandze tema courgetti tivame kushona kancane lokwenta letitjalo tibe yincelencele etinkingeni tekubamantana. Kungako kucwayiswa kunisela kumbe kabili ngeliviki kwentela kuciniseka kutsi lomhlabatsi usala ebumantini lebutfwele kwentela kususa tinkinga. Kuvame kuniselwa emamilimitha lamashumi lamatsatfu kuya etulu ngeliviki, kuhlukaniswe ngekufaka kabili kwemamilimitha lalishumi nesihlanu kunye kumele kubekhona kepha umangabe simo selitulu sikhula kungabaluleka kukhulisa loku.
Niyacwayiswa kutsi ninake kubamantana kwemhlabatsi njalonjalo ngesandla ngekusebentisa lifosholo noma iaugur noma ngekufaka bumantana ngemamitha endzaweni yekukhicitela.
Sifiso kuvikela tinkinga temanti kunekutsi kulungiswe njoba ngalokulimateka losekwentekile kulenhlanyelo.
Translated by Phindile Malotana