Mabyalelo
Ku byariwa ka ti courgettes swiendliwa kusuka eka mbewu.Ndlela yo Byala
Ku byala ti courgette swinga endliwa hiku byala mbewu kumbe kutirhisa swimilani leswinga sungulaka ku lulamisiwa hi xixika naswona loko xiyimo xirikahle swimilani swinga ya byariwa e masinwini. Ku byariwa ka swimilani swinyika ntshamiseko eka kutlhuma ka swona eka misava naswona leswi swiendla leswaku ku hatlisa ku tshoveriwa.Xipesi
Ti courgettes tifanele kuva eka xipesi xa 50 cm hiku hambana eka mintila leyinga kwalomu ka 100 cm hiku hambana. Nsimu yakahle ya swimilani swati courgette yiva yiri exikarhi ka 10 000 na 15 000 wa swimilani hi hectare. Mbewu yinga byariwa eka ntlhanu kuya eka nkombo wati centimetres hiku enta.Nkarhi wo Byala Mbewu
Kuva ku byariwa mbewu, leswi swinga endliwa xikan’we loko ku hela gwitsi ra xixika. Loko swimilani swati courgette swilulamiseriwe endzeni ka greenhouse kutani leswi swinga sungula hi nhweti ya July naswona endzhaku ka mune kuya eka ntlhanu wa mavhiki swinga simuriwa endzhaku ka gwitsi, leswi swita endla leswaku kuhatlisa ku tshoveriwa.Nkarhi Wobyala
Ti courgettes titala kubyariwa emasunguleni ya ximun’wana kusukela hi August kuya e masunguleni ya November.Tinga tlhela ti byariwa nkarhi wihi na wihi wa lembe eka tindzhawu leti mahiselo yakona yanga hundzeki 30 °C kuringana nkarhi wo leha kumbe kungariki na gwitsi eka tinhweti ta xixika.
Nkarhi Wokula
Kusukela eku byariweni ka mbewu kuya fika loko mihandzu yati courgettes yitshoveriwa switeka kwalomu ka nhungu kuya eka khume wa mavhiki. Endzhaku kasweswo kunga yisiwa emahlweni ku tshoveriwa kwalomu ka kambirhi hi vhiki leswi hlohletelaka kuhuma ka mabilomu na mihandzu na ntshovelo leswinga yaka emahlweni kuringana kwalomu ka ntsevu wa mavhiki.Ku Nonisa Misava
Loko kunga se byariwa, i maendlelo ya kahle swinene kuva swikombiso swa misava swiya kamberiwa kutani kukumeka switsundzuxo kusuka eka extension officers kumbe agronomists kukuma swilaveko swa manyoro yati courgettes.Swakudya swale xikarhi leswi lavekaka hi leswi landzelaka: ku chela manyoro rosungula loko kubyariwa swimilani, chela 350 kuya eka 400 kg ya 3:1:5 (26) kumbe nkatsakanyo lowunga fuwa hi potassium wa NPK xikan’we loko kunga se byariwa kutani ya rimeriwa ehansi ka misava eka mintila ya swimilani. Leswi swiendla leswaku manyoro lawa ya kumeka hiku hatlisa eka swimilani swoleswo endzhaku ko byala. Loko mbewu yibyariwa emisaveni, kucheriwa ka manyoro rosungula swita endliwa hiku haxiwa eka swimilani eka mintila ya swimilani loko se swimilani swihumile naswona swiri kwalomu ka 5 cm kuya eka 10 cm hiku leha.
Kwalomu ka 3 kuya eka 4 wa mavhiki endzhaku ka kucheriwa rosungula, kufanele ku cheriwa ravumbirhi nhlayo leyi fanaka ya manyoro hikuva ya haxiwa eka mintila ya swimilani. Loko ku cheletiwa hiku tirhisa drip kutani mphakelo lowu wunga endliwa hi macheletelo lawa na mati. Manyoro ya swihalaki yatala ku hangalasiwa eka kucheriwa ka mune kumbe ka ntlhanu eka nguva ya kubyala.
Swikahle kuva kunga cheriwi ngopfu nitrogen hikuva leswi swinga hlohletela kukula ka matluka ematshan’weni ya mabilomu kufana nalaha kunga tala nkatsakanyo wa potassium.
Ncheleto
Ti courgettes tinga cheletiwa hiti overhead sprinkler kambe van’wamapurasi votala vasungule kutirhisa ncheleto lowu tani hileswi wuhlayisaka mati swinene naswona wu endla mphakelo lowu ringaneleke wa mati na swakudya eka ximilani.Mati lawa yakumekaka yari eka matluka na mabilomu kusuka eka ti sprinklers ya kavanyeta pollination naswona ya endla leswaku kuva na fungus xikan’we naku bola.
Timintsu tati courgette ati entangi ngopfu leswi endlaka leswaku swimilani swiva na ntshikelelo wa ndzhongho. Se swa hlohleteriwa leswaku ku cheletiwa kambirhi hi vhiki kutiyisisa leswaku misava yitshama yirikarhi yitsakama leswaku kuta papalatiwa ntshikelelo wa ndzhongho. Hi xitalo ±30 mm wa ncheleto hi vhiki, lowu avanyisiweke hi ku cheleta kambirhi ka 15 mm hi kan’we wufanele kuva wuringanerile loko mahiselo ya tlakuka swingava na nkoka ku engetelela.
Swa hlohleteriwa ku hoxa tihlo eka kutsakama ka misava nkarhi hinkwawo hi voko hiku tirhisa xipedi na augur kumbe hiku nghenisa ti moisture tension meters hinkwako laha kunga rimiwa.
Swa nkoka iku sivela ntshikelelo wa ndzhongho kutlula kuringeta ku lulamisa xiphiqo loko se swimilani swivavisekile.
Translated by Ike Ngobeni