Ku Cinca Cinca Ximilani
Cinca swimilani hi swimilani leswingariki swa ndyangu wun’we nati courgettes ku sirhelela kutiyelela ka Cucurbit switsotswana swantolovelo na mavabyi.Mbuyelo - Tonnes hi hectare
Hintolovelo: 7 tonnesYale xikarhi: 12 tonnes
Leyi lavekaka: 20+ tonnes
Ntshovelo
Ku tshoveriwa ka courgette swi endliwa hi mavoko hiku tirhisa mukwana kumbe ti shears. Eka vana va ti courgettes, tshovela loko muhandzu wuri exikarhi ka 12 cm na 15 cm hiku leha. Tin’wana titsemiwa loko mabilomu yaha khomelerile. Ti courgettes leti to leha titshoveriwa loko tiri exikarhi ka 30 cm na 40 cm naswona tivuriwa marrow. Ti marrows tin’wana tinga tshikiwa kukondza tivupfa leswaku tita endla mbewu.Tsema courgette kusuka eka tshindi u siya xiphemu xa 10 kuya eka 15 mm ya tshindi ra courgette tani hileswi leswi swipfunaka hi nhlayiso wa dehydration ya mihandzu endzhaku ka ntshovelo. Ntshovela xikan’we naku fambisa ti baby marrows kuya eka ndzhuti hi xihatla endzhaku ka ntshovelo. Khoma mihandzu hindlela leyi hlayisekeke swinene tani hileswi yinga se kulaka yi vupfa naswona nhlonge yakona yinga onhaka kumbe ku vaviseka hiku hatlisa, leswinga endlaka leswaku courgette yinga xaviseki tani hi muhandzu lowu tsakamaka. Loko muhandzu wuri laha ku pakiwaka kona wuvekiwa eka xiyimo kutani wu hlayisiwa naku pakiwa. Leyi yinga vaviseka nyana xikan’we na leti tinga eka ntlawa wa vumbirhi titekiwa tiya lulamisiwa nakambe kumbe kutiyisiwa.
Nhlayiso
Ti courgettes ati hlayiseki kahle kuringana nkarhi lowu hundzaka khume ra masiku. Mahlayiselo ya fanele ya sungula hi loko ti khiwa ema sinwini hi kuhisa hi hydro cooling kumbe moya lowu cheriwaka waku tititimeta lokwunga eka relative humidity yale henhla ka 95% kusivela leswaku tinga omi hiku hatlisa endzhaku ka ntshovelo. Endzhaku ka sweswo, nhlayiso wufanele kuva eka 6°C kuya eka 8°C na 95% ya relative humidity kuringana masiku ya khume. Ti courgettes ti hatlisa tivaviseka loko tititimetiwa se u fanele ku tiyisisa leswaku awu ti pfumeleli kuva tiva eka matitimelelo lawa yanga ehansi ka 6°C. Hikuva mihandzu yakona yi khiwa yinga se vupfa kahle leswi swi endla leswaku yi hatlisa ku bola. Maendlelo yo titimeta ya fanele kuva ya landzeleriwa loko mihandzu leyi yinga se dyiwa.Switsotswani
Switsotswana swa ntolovelo i: Aphids, cutworms, Epilachna beetle, fruit fly, leaf miners, red spider mite, thrips na white fly.Mavabyi
Yan’wana mavabyi ya ntolovelo i: Anthracnose, damping off, downey mildew, mosaic virus na powdery mildew.Na mavabyi xikan’we na kulawula switsotswana, switala kuva maendlelo ya kahle ku lava switsundzuxo na swiletelo kusuka eka regional extension officer, agronomist kumbe chemical specialists eka nsivelo wa swibyariwa e henhla ka nsirhelelo na maendlelo yo tshungula.
Tsundzuka leswaku nsivelo wutlula nakuva wu chipile eka ku tshungula xiphiqo.
Translated by Ike Ngobeni