Vito ra ntolovelo: Courgette, Zucchini, Marrow or Baby marrow.
Nhlamuselo ya Ximilani
Ximilani xa ti courgette xiwela eka ndyangu wa cucurbit lowu katsaka matshindi yoleha nyana lawa yangana voya nyana na matluka ya rihlaza yodzwihala. Lexi i squash xa ximumu naswona xina xinsinyani xo tlhuma kutlula lexa ntolovelo lexi anameke naku kokova ya squash xa xixika. Mabilomu ya xinuna ya sungula ku huma eka tshindi. Mabilomu ya biloma endzhaku ka nkarhi nyana naswona yakurile laha hansi, leswi hetelelaka swiendla mihandzu wa courgette. Tshindi ringa kula kufikela eka 1000 mm kusukela laha mbewu kumbe ximilani swibyariwaka kona. Ti courgettes ti hatlisa ngopfu kukula naswona tinga tshoveriwa endzhaku ka 8 wa mavhiki loko tibyariwile hi mbewu. Ximilani xakona xitlhumile kutlula muxaka lowunwana lowu kokovaka wa squash cucurbits naswona xinga byariwa ekusuhi na kusuhi leswaku xita tlhuma ngopfu.Switirhisiwa
Ti courgettes hi xitalo ti dyiwa tingase vupfa kahle loko tiri kwalomu kava 12 cm kuya eka 15 cm hiku leha tani hiti baby marrows kumbe zucchini. Tinga tlhela titshikiwa ensinyeni kutani ti khiwa endzhaku loko tiri kwalomu ka 40 cm kuya eka 50 cm hiku leha tani hiti marrows, hambiswiritano, leswi swakala hikuva nhlonge yitiyela kutani endzeni xiva onge i tintambhu, leswi swi nonokisa kukula kutani swihunguta ku endliwa ka mabilomu naswonaa leswi swivanga leswaku ku tshoveriwa mihandzu yintsongo. Ti courgettes tinga katingiwa, ti swekiwa kunene, ti nghenisiwa eka oven kumbe tihlayisiwa endzeni ka vinegar. Mihandzu na mabilomu swa cheriwa eka ti salad, swidyiwa swiritano tani hi matsavu kumbe swi cheriwa eka ti stews nati casseroles. Titlhela tiva na nantswo swinene naswona ta xawula loko tidyiwa tite tano. Tinga tsemeleriwa kutani tiendliwa xinkwa xa courgette bread na courgette fried kumbe grilled cakes.Swilaveko swa Misava na Ndzulamiso
Ti courgettes titsakela misava leyi tswongaka mati swinene leyinga fuwa hi swakudya. Laha pH ya misava yifaneleke kuva na acid yintsongo nyana yiva exikarhi ka 6 na 7.Misava yifanele kuva yilulamisiwa kuya hi mbuyelo wa misava. Kwalomu ka ntsevu wa mavhiki loko kunga se byariwa pfuxeta misava kufika kwalomu ka 500 mm. Leswi hi xitalo swita katsa ku rimiwa ka masalela ya swimilani leswa khale kumbe manyoro ya rihlaza kumbe swimilani swo engetelela, manyoro yo engetelela, lime loko kuriku pH yile hansi ka 6 naswona loko ku laveka ti superphosphates. Eka vhiki ro hetelela loko kunga se byariwa, harika misava hi disc harrow kufika kwalomu ka 200 mm, levela misava yoleyo naswona u dlaya nhova yihi kumbe yihi leyingavaka yisungule ku mila.
Loko u byala eka ti beds letinga tlakusiwa, kutani harika misava yoleyo hiku tirhisa hariki leyi ringaneleke. Chela swilaveko hinkwaswo swa misava kutani u tlhela u harika ravumbirhi leswaku misava yitava leyi lulameke xikan’we naku fayetela maguvadi emisaveni yoleyo. Loko swimilani swati courgette swifanele ku byariwa katsa manyoro lawa ya cheriwaka kungase tshoveriwa kutani u harika nakambe eka misava yale henhla ya 20 cm eka ntila wa swimilani.
Maxelo
Ti courgettes i swimilani swa ximumu, swirhandza maxelo yokufumela naswona switala ku byariwa emasunguleni ya ximun’wana kuya exikarhi ka ximumu. E nwalungwini laha timpfula ta ximumu tinaka kona e Afrika Dzonga, ti rimiwa lembe hinkwaro laha kungariki na gwitsi hi xixika. Mahiselo ya kahle swinene yo byala ti courgettes yale xikarhi ka 20 °C na 24 °C. Mahiselo yale henhla swinene kutlula yalawa ya endla leswaku ximilani xihatlisa kukula matluka kutlula kuhumesa mabilomu. Ku mila kahle ka mbewu yati courgette swilava mahiselo kuva yava ehenhla ka 12 °C.Swibyariwa
Kuna swibyariwa swotala naswona sweswi kuna swintshwa swa F1 Hybrids leswinga endliwa kuya himinkarhi leswingana swihlawulekisi. Swikahle kukuma switsundzuxo eka vaxavi kuya hileswi vatsakelaka kutirhisa swona naswona unga tlhela u vutisa nati extension officers tale kusuhi kumbe vativi va timbewu leswaku hi wihi muxaka lowu ringaneleke maxelo wahi.Tinxaka tin’wana leti humelerisiwaka i: Caserta, Cigal, golden butter, green tiger, Mira, monitor, Nero Milan, northern star, star 8021, star 8023, star 8024 na Tromboncino.
Translated by Ike Ngobeni