Ibizo lesayentsi: Cucurbita Pepo
Ibizo elijayelekileko: Courgette, Zucchini, Marrow nanyana i-Baby marrow.
Ukutlhadlhulwa Kwesitjalo
Istjalo se-courgette somndeni we-cucurbit simumethe iziqu ezikulu, ezinoboya, ezinamakari ahlaza kotjani. Kuyi-squash sebusika esilihlatjhana kune-squash esijwayelekileko sehlobo. Amathuthumbo aduna amila esiqwini kokuthoma. Amathuthumbo asikazi ahluma lada.Isiqu singaluleka sifike ku-1000 mm ukusuka embewini nanyana eplantjisini etjalwe kiso. I-courgette stjalo esikhula msinya begodu ingavunwa msinya ngemva kwemveke ezibunane kutjalwe imbewaso. Istjalwesi siyihlatjhana kuneminye imihlobo yentjalo ze-cucurbit njeke singatjalwa nemaduzelana.Umsebenzaso
I-courgette idliwa lokha nasele ikhulile nasele iyide ngamasentimitha ayi-12 ukuya ku-15 cm nanyana i-zucchini. Istjalwesi singaliswa esivinini sikhiwe lada lokha nasele sinobude obuyi-40 cm ukuya ku-50 cm okububude obulingana nebe-marrow, nanyana kunjalo lokhu akukavamisi ukwenzeka ngombana iskhumba sayo siyaqina bese kugcinwa sele kuvunwe iinthelo ezimbalwa. Isthelo se-courgette singafrayiwa, sistinyiwe, sirostiwee nanyana sikhenwe. Isthelwesi Kanye namathuthumbo waso afakwa emasaladini, adliwe awodwa njengomrorho nanyana afakwe kuma-stew nama-casserole. Sinamnandi nanyana sidliwa singakaphekwa. Kungenziwa ngaso uburotho nanyana amakhekhe agriliweko westhelwesi.Iintlhogakalo Zehlabathi Kanye Nokulungiswa Kwayo
Isthelo se-courgette sithanda ihlabathi engabambi amanzi Kanye ene-organic matter enengi. I-pH yehlabathi kufanele ibe ne esidi kancani ehlangana kwaka-6 kanye ne-7.Ihlabathi kufanele ilungiswe ngokuya ngemiphumela yamasampula. Ngemva kwemveke ezisithandathu ngaphambi kokobana usitjale peta ihlabathi ibe yi-500 mm. Lokhu kubala ukupetela iinsalela zentjalo zakade nanyana ikhompowusti, iintjalo ezivala ihlabathi, umanyoro, i-lime nangabe i-pH ingaphasi kwaka-6 kanye ne-supersphosphate nange itlhogakala. Evekeni yokugcina ngaphambi kokobana utjale, sebenzisa i-disk harrow ehlabathini engaba yi-200 mm, ukulevela ihlabathi Kanye nokubulala ikhula ezabe gade sele lithome ukumila.
Nangabe ukutjala emibhedeni ephakanyisiweko, yiharige ngeharigi etlhogakalako. Faka nanyana ngiyiphi i-trace element etlhogakalako ulandelise nge-disc harrow uragele phambili ulungise ihlabathi engaphezulu. Nangabe amaplantjisi we-courgette azokutjalwa faka isivundisi esitlhogakalako usiharegele ehlabathini engaphezulu eyi-20 cm emareyini wentjalo.
Ubujamo Bezulu
I-cougette stjalo sehlobo esithandaa ubujamo bezulu obufuthumeleko esivamise ukuvunwa ekuthomeni kwetwasahlobo ukuya Phakathi kwehlobo. Endaweni ezithola izulu lehlobo eSewula Africa, sivunwa unyaka woke lapha kunganambethe khona ebusika. Amazinga womtjhiso asifanelako ngahlangana kwe-20°C Kanye ne- 24°C. Nange kutjhisa ukudlula lokhu istjalwesi asikhuli kuhle. Ukuze imbewu imile kuhle amazinga womtjhiso kutlhogakala abe ngaphezu kwe-12°C.
Imihlobo Yentjalo
Kunemihlobo eminengi westhelwesi nama- F1 Hybrid asele athuthuke neskhathi. Kuhle ukuthola iinyeleliso ebathengini ngombana abathengi Kanye ne-extension officer yangekhenu.Eminye imihlobo ekhiqizwako yi-: Caserta, Cigal, golden butter, green tiger, Mira, monitor, Nero Milan, northern star, star 8021, star 8023, star 8024 kanye ne- Tromboncino.
Translated by Busisiwe Skhosana