Dzina ḽa tshi saitsi: Cucurbita Pepo
Dzina ḽo ḓoweleyaho: Courgette, Zucchini, Marrow kana Baby marrow.
U Ṱalusa Tshimela
Tshimela hetshi tshiwela kha muṱa wa Cucurbit tshina midzi ine yavha uri yo ita trailing ya vha na mavhudzi mahulwane na maṱari mahulwane madala. Ndi tshimela tsha tshilimo nahone tsho ita ḓaka. Hu thoma u vhonala maluvha a tshinna tshi kha tsinde u thoma. A tshisadzi athoma u vhonala nga murahu avha ana mathomo a bulbous zwine ha kona ubva ḽiluvha ḽa mutshelo. Midzi iya phaḓalala ya swika kha 1000mm ubva he ya ṱavhiwa hone mbeu. Ndi tshimela tshine tsha ṱavhanya nahone unga tshi kaṋa tshi kha ḓi tou vha na vhege dza malo fhedzi wo ṱavha. Tshimela tsho ita ḓaka tshifhira zwinwe zwimela zwa lushaka lwa hatsho, zwine zwa amba uri unga dzi ṱavha dzo tsitsikana.Mushumo
Courgettes kanzhi dzi ḽiwa dzi saathu swika dzi 12 cm uya kha 15cm. Dzi nga litshiwa na uri dza dovha dza kaṋiwa dzo no swika kha 40cm uya kha 50cm. Fhedzi hezwi zwi ya konḓa ngauri ivha yo no vhibvesa, lukanda na lwone lu ya khwaṱha lwa nukha, zwa ita na uri i hule nga zwiṱuku ya fhungudza u thoma ha maluvha. Unga iḽa wo i gotsha, kana yo vhiliswa. Mitshelo na maṱari zwi ya pangiwa kha salad, kana a ḽiwa o tou ralo sa muroho kana wa shela kha stew dzi ya ita na vhurotho kana dzi khekhe.Zwine Mavu a Ṱoḓa Zwone Kana u Lugisela
Courgettes i funa mavu o limiwaho zwavhuḓi ane avha uri ana manyoro. Ph ya mavu i fanela uvha 6 kana 7.Mavu a fanela u lugiselwa uya nga he mvelelo dza amba ngaho. Ho sala vhege dza rathi uri u ṱavhe mavu a fanela u lugiselwa u swika kha 500mm. Hezwo zwi nga thusa na kha u gwelwa zwo salaho zwa tshimela tsho fhiraho, unga kona u shela na PH ya 6 na superphosphates arali zwo tea. Nga vhege ya u fhedzisela uri u kone u ṱavha u nga gwa 200mm, wa linganisa mavu u tshi khou vhulaha tsheṋe ine ya nga vha yo no thoma u mela.
Arali u tshi khou ṱoḓa u ita dzi ndunduma u fanela u dziita nga nḓila yone. Washela zwoṱhe zwine zwa khou tea u sheliwa, wa kona u tevhela nga dzembe wa gwa maḓinga oṱhe a mavu musi u tshi khou tea u ṱavha zwiraba unga shela manyoro kha mavu a nnṱha ane avha 20cm.
Mutsho
Courgettes dzi funa tshilimo, mutsho une wa dudela hune hu thoma u limiwa vhukati ha tshilimo vhubvaḓuvha musi huna dzi mvula dza hone. Iya ṱavhiwa nwaha woṱhe arali hu sa tou vha na murotho wo kalulaho. Mutsho une uya kona u hula khawo ndi vhukati ha 20°C na 24°C. Mutsho wo no fhisesa u fhira hafha uya khakhisa kha u aluwa. U thoma u takuwa ha mbeu zwi ṱoḓa mutsho une wa vha vhukati ha 12°C.
Tshaka
Huna tshaka nnzhi na dzinwe nnzhi f1 dzine dzo no bveledziwa. ndi zwavhuḓi u ṱoḓa tsivhudzo ubva kha vhaḓivhi musi u tshi khou renga uri ndi ifhio ine ya vha ya vhuḓi kha u i ṱavha dzinwe dza tshaka ndi dzi tevhelaho:Caserta, Cigal, golden butter, green tiger, Mira, monitor, Nero Milan, northern star, star 8021, star 8023, star 8024 na Tromboncino.
Translated by Khalirendwe Nekhavhambe