Leina la tša mahlale: Cucurbita Pepo
Leina la go Tlwaelega: Courgette, Zucchini, Marrow goba Marrow ya lesea.
Tlhalošo ya Sebjalo
Sebjalo sa courgettee ka sa lapa la bolegapu gomme se na le dithito tša go latela le matlakala a mmala magolo a botala bjo bo fifetšego. Ke sekwatšhe sa selemo gomme se na le sebjalo sa sebopego sa go swana le ntšhuthana go feta sekwatšhe se sephara se se tlwaelegilego sa tsela ya marega. Matšoba a dipoo a tšwelela mo dikutung la mathomo.Matšoba a ditshadi a tšwelela ka moragonyana gomme a na le motheo wa bogwere, ao a tšwelelago go ba dienywa tša mokawa. Dikutu di ka lebiša dimilimetareng tše ka bago 1000 go tšwa moo peu le dibjalwana di bjadilwego. Mekawa ke dibjalo tša ka pela gomme di ka bunwa go tšwa ka pela ka dibeke tše seswai go tšwa mo pjalong ya peu. Sebjalo ke sa go ba ntšhuthana go feta tše dingwe tša go latela go swana le sekwatšhe sa bolegapu gomme se ka, le ge go le bjalo, go bjalwa ka go feta.
Ditšhomišo
Mekawa ka tlwaelo e ka lewa le ge e le nako yeo e sa butšwago ge di ka bago disentimetara tše 12 go ya go 15 botelele bjalo ka dimarrow tša lesea goba zucchini. Gape di ka šiiwa mo morareng gomme tša bunwa ka morago ga ge di ka bago disentimetara tše 40 go ya go tše 50 botelele bjalo ka dimarrow, le ge go le bjalo, se ga se gantšhi bjalo ka ge mokgopa wa letlalo o tiia le llaga e nna ye e swanago le thapo, gape se dira gore kgolo e be ya go nanya le go fokotša popego ya matšoba ka fao dikenywa tše nnyane di tla bunwa.Mekawa e ka gadikwa, ya fufutšwa, ya bešwa le go bolokwa ka lebotlolong la go ba le seela. Dienywa le matšoba di oketšwa go disalateng, go lewa ka bobona bjalo ka merogo goba le tšona di ka oketšwa go disetšhu le dikasserole. Gape di na le tatso kudu gomme di a lewa di le tala ka modumo wa go swa. Di ka tša kobelwa gomme tša dirwa borotho bja mokawa le mokawa wa go gadikwa goba dikuku tša go bešwa.
Dinyakwa tša Mabu le Beakanywa
Mekawa e rata le mabu a monyilwego botse le diteng tša godimo tša manyoro. pH ya mabu e swanetše go ba ya esiti gannyane ye e gare ga 6 le 7.Mabu a swanetše go beakanywa ka dipoelo tša teko ya mabu. Mo dibekeng tše di ka bago tše selelago pele ga pšalo lema mabu go 500 mm. Se se ka tlwaelo se tla akaretša ya go lemela teng mašaledi a dibjalo goba khupetšo ya dibjalo tše tala, mmutele wa tlaleletšo goba manyoro, kalaka ge e ba pH e lego ka fase ga 6 le fosforo ya godimo ge go nyakega. Ka bekeng ya mafelelo pele ga pšalo, lema ka dipapetlasediko go fihla 200 mm, go lekantšha mabu le go bolaya mengwang efe goba efe yeo e thomilego go mela.
Ge go bjalwa go mepeteng ya godimo, ka fao ngwala mepete ye e godišitšwego ka mogoma ya maleba. Diriša karolo efe goba efe ye e hwetšwago le mosepele wa bobedi wa mogoma wa dipapetlasediko o swanetše go latela go tšwela pele go beakanya mobugodimo le go pšhatla makwate afe goba afe mo mabung. Ge e k aba dibjalana tša mokawa di tlogo bjalwa oketša monontšha wa pele ga pšalo le ka mogoma wa dipapetlasediko ye 20 cm ya ka godimo ya dibjalo reing.
Boso
Mekawa ke dibjalo tša selemo, boso bjo bo borutho bjoo gantšhi e bjalwago go tloga mathomong a seruthwana go ya selemogare. Ka leboa la mafelong ao pula e nago selemo a Aforika Borwa, e bjalwa ngwaga ka moka fao ga se nago ditšhwaane tše boima ka nako ya marega. Themperetšha ya maleba ya mekawa ke 20°C le 24°C. Dithemperetšha tša godimo go feta mafulong a go akofišwa kgolo go feta tšweletšo ya matšoba. Melo ye botse ya peu ya mokawa e nyak dithempheretšha tša godimo ga 12°C.Mehuta ya Dibjalo
Go na le mehuta ya dibjalo ye mentšhi le F1 ya Mapastere e mpšha eo e tšweleditšwe ka go ya ga nako ka mekgwa ya go fapana. Go kaone go kgopela keletšo go bareki ka khetho ya moreki le go tšwa go molaodi wa katološo wa seleae le setsibe sa peu ka gore mehuta ya go fapafapana go ya ka maemo a go mela.Mehuta ye mengwe yeo e tšweletšwago ke: Caserta, Cigal, botoro ya gauta, nkwe ye e tala, Mira, hlokomelo, Mero Milan, naledi ya leboa, naledi 8021, naledi 8023, naledi 8024 le Tromboncino.Translated by Lawrence Ndou