Ligama lesayensi: yiCucurbita Pepo
Ligama lelatiwako: iCourgette, iZucchini, iMarrow noma iMarrow Lencane
Inchazelo Yesitjalo
Lesitjalo se courgetti yemndeni we cucurbit futsi itfwele emahlanga lambadlwana lanetinwele, letinkhulu, emacembe laluhlata lotopele. Siquash sasehlobo futsi sineihlatsi leliningi lelifana nesitjalo kunaleso siquash lesijwayelwe sasebusika. Letimbali letindvuna tivela kulamahlanga kucala. Leletinsikati timbale tichakaza kancane muva futsi tinesicalelo lesisandingilizi, lesihluma kulesitselo se courgetti. Lamahlanga angachubeka abe ngemamilimitha layinkhulungwane kusuka lapho letindumbu noma titjalwana letincane tihlanyelwa. emaCourgettes ayinhlanyelo lekhula ngekushesha futsi angavunwa kusuka ekucaleni njengemaviki lasiphohlongo kusuka kuletindumbu letihlanyelwe. Lesitjalo sifana kakhulu nelihlatsi kunalamanye emasiquash cucurbits futsi anga, ngaloko, angahlanyelwa ashone phansi.Kusetjentiswa
emaCourgettes avama kudliwa nakasesigabeni lesingakakhuli naka masentimitha lalishumi nakubili kuya eshumini nesihlanu ngebudze njengema marrow labantfwana noma emazucchini. Angaphindze ashiywe kumuvini bese acutfwa muva umasekanemasentimitha lamashumi lamane kuya kumashumi lasihlanu ngebudze njengemamarrow, loku kuyindlala njengoba lesikhumba sicinile bese lenyama iyacinacina, loku nako kukhulisa kancane phindze kunciphise kwakheka kwetimbali ngakoke titselo letincane titovunwa. emaCourgettes angatfoswa, abiliswe, ahashulwe phindze afakwe emantini eluswayi. Letitselo naletimbali kungetwa kube yisaladi, kudliwa kukodvwa njengesibhidvo noma kuphindze kungetwe kusitjulo nakumacasserole. Nawo aphindze anambitse kahle phindze adliwe ahafutela aluhlata. Kungaba ngulokufile bese kwentiwa kuba sinkhwa secourgette nemakhekhe latfosiwe noma lahashuliwe.Tidzingeko teMhlabatsi kanye neMalungiselelo
emaCourgettes atsandza umhlaba-lodvonseke kahle lotfwele tintfo letakheka kuletifile. Le pH yalemhlabatsi kumele ibe ne esidi lencane lesemkhatsini wesitfupha nesikhombisa.Lomhlabatsi kumele ulungiselwe kuba sibonakaliso semhlabatsi. Ngemaviki lasitfupha ngaphambi kwekuhlanyela uze lomhlabatsi ube ngemamilimitha lamakhulu lasihlanu. Loku kuvame kwenta lokuhlanyelwa kwenhlanyelo yaphambilini leyasala noma umcuba loluhlata wekuvala inhlanyelo, umcuba longetiwe noma manyolo, ilime uma ipH ingaphansi kwesitfupha futsi ne superphosphates uma idzingeka. Evikini lekugcinaa ngaphambi kwekulima, likhuba lekugucula lomhlabatsi ube ngemamilimitha lamakhulu lamabili, kulinganisa lomhlabatsi kanye nekubulala noma nguliphi lukhula lolungacala kuhluma.
Uma kuhlanyelwa emibhedzeni lelungisiwe, ngako dvweba lemibhedze ngendlela yalelikhuba. Faka intfo ledzingekako bese ugijima kwesibili ngalelikhuba lelimele lilandzele emalungiselelo emhlabawangetulu bese kubulala tigadla letikulomhlabatsi. Umaletitjalo letincane tecourgette tidzinga kuhlanyelwa yengeta kwekuvundzisa lokufakela kuvuna bese ugucula ngelikhuba kulolokungetulu kwemasentimitha lamashumi lamabili elilayini lalesitjalo.
Simo Selitulu
emaCourgette asehlobo, inhlanyelo yesimo selitulu lesifutfumele lesivame kuhlanyelwa ekucaleni kwentfwasahlobo kuya emkhatsini weluhlobo. Etimvuleni tasehlobo esigodzini sase north yase Ningizimu Afrika, ahlanyelwa umnyaka wonkhe lapho kute khona sitfwatfwa lesimatima ngesikhatsi sasebusika. Simo lesilungile sekuhlumisa kwentela emacourgette kusemkhatsini wa 20°C na 24°C. Timo telitulu letiphakeme kunalobu tjani lobuhlumako kunekukhicitwa kwetimbali. Kukhula kwetinhlavu tecourgette kuzinga simo selitulu kutsi sibengetulu kwa 12°C.
Bahlanyeli
Baningi bahlanyeli futsi ngema F1 lamasha Lamancane lake atfutfukiswa ngekuhamba kwesikhatsi ngematsemba lahlukene. Kubalulekile kufuna secwayiso kulabo labatsengako njengekukhetsa kwaloyo lokudlako kanye nakuloyo losehhovisini lasendzaweni kanye nalabahlola letinhlavu njengentfo leningi leyehlukene lelungele kuhluma noma kukusiphi simo.Translated by Phindile Malotana